تجمع حوامل سوريا-دردشة ورود سوريا-دردشة الغاليات

[رنووومة]

بطمنكم نحنا لهلا بخير بس لولو معذبتني كثير ما في نوم مغص وبكى وسنان لا تقولوا اعمليلها انا بعملها كمون ويانسون وبعطيها دوا المغص حتى اللهاية بطلت تاخذ والببرونة كمان بترفض تشرب منها ما بدها الا ترضع ونسرين ورنيم دوم مثل الديك والجاجة

نجي للوضع الامني حالنا بتاسي النا شهرين تحت القصف وتركنا البيت مرتين بس سووس هلكتني بدها بيتهال ومررضت صار معها التهاب عقد وانتفخت رقبتها ومن كم يوم نزلنا لعند ماما بس ما تحملنا اكثر نمن يوم ورجعنا شو بدنا نساوي
وبتلاقونا منلبي ومنجهز ننزل للقبوا السبت الماضي كان القصف قوي كثير وما في غير يجي حجارة وشظايا
وللاسف استشهد اب وابنه عمره 12 سنة راحو يجيبوا خبز وفوق ذلك هم من حمص هربوا واستاجروا هون والقدر لحقهم الله يعين زوجته هي صغيرة وعندها بنت 6 سنين وفقدت زوجها وابنها بلحظة واحدة حتى يعلي الناس ميتة بالطريق وما في مين يقيمها

الحمد لله جيران موجودين بعذهم راح بس الاغلبية موجودة بس للاسف صارت قدسيا كانها خرابة ما فيها حدا والمحلات كم واحد فاتح وطبعا حدث ولا حرج غاز ما في والغلا ما بيتصدق وطبعا يعني شهر رمضان العالم صايمة وما حدا بيستغل حدا صح
الحمد لله في ناس اسوا منا بس الله يسرها وضل بيوتنا لان ما فيني اقعد عند ماما ابدا

بااااااااااااااااه

انا بحاكيكم اشتغل القصف

يلا باااي ادعولنا حسكر ونفوت للفرفة الجوانية

[hadeel al rouh]

حسبنا الله ونعم الوكيل بس ‏
الله يفرجها عليكي رنومة الغالية وعلى كل اهلنا بالشام وكل ‏ سوريا والله منعرف الوضع سيئ بس ش
و الواحد على كتر مابتسمعي قصص منضل منقول الله يفرجها والامل مو مفقود ان شاء الله الفرج قريب قريب والله كبير
والله هالكلاب عملو وكترو وماعاد في طاقة الناس تتحمل هالشي ‏
يارب بجاه هالايام الفضال وبشهرك الفضيل وليلتك الفضيلة يااااارب افرجها على اهل سوريا ياااااارب

[ميآر [ مهند حيآتي ]]

مسا الخير بنات ...

كيفكن ...

والله شتئتلكن كتير

هنودة بيبوسكن كلكن ... هلأ رضع ونام ...

مسكين صرلي من ال 7 عم حاول رضعو لان صحي وبطل يئدر ينام



رنووومتي الحمد لله ع السلامة طولتي علينا ..

معلش يا روحي الله بيعين طولو بالكن ...

وسلامة سوس نشالله ما ع قلبها الا الخير

بوسيلي البنات يا قلبي

هدوولة منورة ههه

نيالك لسا ما انصرع راسك بالواااع والوييع هههه

الله يتمملك ع خير وتولدي بالسلامة


سيلا تؤبشي ئلبي يلا هانت كلها عضة كوساية وبنشوفك عم تبشرينا بولادة سهلة ان شاء الله


سيدرة يا روحي مشالله عليكي وابنك يخزي العين مشالله بياخد العقل الله يخليكن لبعض


يييي علينا صحي مهند

برب نيموووو وبرجع ...

[أم ملاك ومالك]

السلام عليكم عسولاتي

كيفكم يارب تكونوا بخير .. اشتقتلكم كتير كتير وبحبكم أكتر

الله لا يحرمني منكم أبدا"

بالنسبة لآخباري فأنا يائسانة كتير كتير وكرهانة كل شي حوالي والله

مالي طايقة حالي مابعرف ليش ؟؟

وبالنسبة للولادة يابنات صارلوا عم يجيني مغص أكتر من أسبوعين والاسبوع الماضي نزلت

العفو سدادة الرحم وزاد الالم امس الخميس رحت لعند الدكتورة إلي بدي أولد عندها

وعم احكيلها شو عم يصير معي تخيلوا بتقلي أنت آخر شهرك 4/9 فلاتيجي قبل هل موعد

قلتلها أنا فحصت عند دكتورة تانية ومن هل حكي وأنه نزلت سدادة الرحم بتقلي هي مابتقتنع

ومارضيت حتى أنه تفحصني أبدا" وطلبت تعملي كشف نسائي رفضت وكتبتلي ع باسكوبان

قال شآن يخفف الطلق والله لا يورجيكم اسودت الدنيا فيني وطبعا" ع رباعي الابعاد بين أني

بالاسبوع 37 و 6 أيام شو أعمل مالي عرفانة ومن امبارح لليوم بطني متحجر كتير

ومو قادرة ألمسو من كتر الالم والمي والافرازات العفو زايدة كتير انصحوني شو أعمل ؟؟؟؟

والله العظيم صايرة عم أدعي ع حالي طول الوقت كرهت كلشيييييييييييييييييييييييييييييييييييييييييييييي

[أم ملاك ومالك]

أعذروني عسولات ع ردودي المختصرة

بحبكم موااااااااااااااه


سيدرة ماشاء الله تبارك الرحمن أبنك صاير بيجنن الله يحميه يارب وحبيبتي بخصوص المانع فبصراحة أنا مابوافقك فيه أبدا منعي طبيعي احسن إلك ياقلبي فهمتي علي مو وبدي قلك من تجربة الحوالي بنت حماي حملت وهي مركبة لولب وسلفتي حملت وهي بتأخد حب وبنت خالتي بعيد الشر عنك طبعا" استخدمت الحب وصار هلق عمر بنتها 11 سنة ومش قادرة ترجع تحمل .. وسدادة الرحم ياقلبي هي الي بتكون موجودة في عنق الرحم وهي أكبر علامة بس تنزل بيكون قربت الولادة وموجودة صورتها هون بالمنتدى وهي عبارة العفو عن افراز وخيوط دم يارب كون فدتك كوني بخير وبوساتي للعسول



هايدي ياقلبي عليكي ماشاء الله تبارك الرحمن الله يحميلك العسول يارب قمر بيجنن الله يبعتلوا أيام حلوة متلو يارب سامحيني حبيبتي مقصرة معك حقك علي والتصميم كتير حلو وإذا بتسمحيلي راح حطو بتوقيعي


أم يويو ألف مبروك طهور يوسف العسول والله يخليلك هو يارب ويجعلوا من الصالحين وع قبال ماتشوفيه عريس وتفرحي فيه يارب


أم يزن كيفك حبيبتي وكيف يزونة يارب تكونوا بخير وبالنسبة ليش عرسين لاني زوجي أردني (فلسطيني أردني) فعملنا حفلة وداع بسوريا وحفلة بسيطة بالاردن لاني كان عرسي قبل رمضان بيوم يعني غربة على طول هههههه


سيلا يارب تقومي بخير وسلامة وتشوفي كرومة ويكون من الصالحين يارب قلبي معك حبيبتي وع فكرة انا كمان ماعندي أرضي ههههه


هديل حبيبتي كيفك وكيف رنوشة العسولة يارب تكونوا بخير بس سؤال أنتي زعلانة مني شي لاني صار كتبتلك أكتر من مرة ومارديتي علي


رنومة الله يحميكم يارب قلبنا معكم الله يبعد عنكم كل شر ضلي طمنينا عنكم حبيبتي


ندى يارب تكوني حامل بجاه هل الشهر الفضيل


زهرة سورية شكرا كتير ع سؤالك ياقلبي يارب تكوني بخير اشتقتلك كتير


لولي أهلا وسهلا شرفتي الله يسعدك يارب ويقومك بخير وسلامة

[أم ملاك ومالك]

عسولات بالنسبة لطلبي الي موافقة عليه ترسل رسالة خاصة الايميل او الرقم او شو مابدها وإلي الشرف اتواصل معكم والله لايحرمني منكم أبدا"

[أم ملاك ومالك]

عسولات عندي طلب أخوي جديد

خخخخخخخخخخخخخخخ


انتوا بتعرفوا أنه زهرة الحب هي الي كانت تنزلي الصور لاني عندي مشكلة بتنزيل الصور

وبصراحة كتير حابة نزل موضوع تجهيزاتي لمالك وصرلي فترة عم زبط وصور

وزهرة الله يحميها يارب بعدها بحلب وع هل الاوضاع صعب تقدر تنزلي هنا

فرجاءا" إذا في حدا منكم بيقدر ينزلي هنا بكون إله من الشاكرين

[hadeel al rouh]

حبيبة قلبي ام مالك سلامتك وماعقلبك شر ذكرتيني بمرة اخي كان يجيها طلق بارد عشر ايام قبل ماولدت وكتير تعذبت سبحان الله عادي انتي لاتخافي كتير صبايا بصير معون هيك هاد طبيعي بس بالنسبة للافرازات ماعندي فكرة ياعمري بس ليش هيك دكتورتك سئيلة وماتتفاعل مع حالتك ‏
الله يحميكي ياقلبي ويحمي ملوكة الغالي ويجي بالسلامة ياااارب
بالنسبة اني ماعبرد ياقلبي انا برد على اغلب مشاركتك بس احيانا بتروح علي من كتر الصفحات وانتي شايفة بسم الله وماشاء الله الحبايب كترو وصار عنا صبايا جداد
واكيد ماني زعلانة منك بشي الله يسامحك لاتفكري هيك الله بيعلم كلنا شو مندعيلك ومنتمى تلدي بالسلامة امانة لاعاد تفكري هيك
انا بالنسبة لطلبك منشان الصداقة رح ابعتلك عالخاص بس فوت من الاب توب
والله ياقلبي انا كمان عندي مشكلة بتنزيل الصور مو شايفتيني لهلق ماعملت توقيع ههههه والله شايلة هم كيف بكرا نزل صور رنوشة هههه شوفي على الهم قال يعني خخخخ صحي ورنوشة بتبوسك وبتسلم على ملوكة كتير ومالك كمان بس شكلها زعرا هالبنت بلشت ترفس ترفس وخصوصي عالخواصر بتنأزني احيانا وبتوجعني بس انا بقول بلكي ان شاء الله صحتها كويسة وعضمها قوي اذا بتوجعني هيك ههههه
وان شاء الله رح اعمل صورة بعد العيد مباشرة اتطمن عليها وبكون صرت بالسابع ‏
بوساتي الك وللبوبو ولملوكة الغالية

[@أم يويو@]

يسعد مساكم صباياا

كيفكم وكيف القطاطيط الصغار؟

[hadeel al rouh]

اهلا ام يوسف الامور شلونك انتي
بالنسبة لسيلا لساها صامدية يابنات بس ياقلبي ملت وتعبت ‏
الله يهون عليها ياااارب
دعواتكم ياصبايا لسيلا بولادة سهلة ميسرة ‏