تجمع الحوامل اللي ولادتهن في شوال1433

[mado ma]

الخلطة
كمون ويانسون وشمر ونانخا وحلبة ومحلب
اخد ملعقة صغيرة من كل شي على كاستين موية واغليهم واحليها بعسل ونشربها وناكل معاها رطب اوتمر
والسر انا ماعرفت الطريقة بس يوميها كان فوق عندي

[كلي لها]

سلام بنات اخباركم مبروك حبيباتي اللي ولدوا الف مبروووك


انا اليوم صارلي سادس يوم بالعاشر بسألكم بنات


من قبل بنتي تحجر ومااحس بألم بظهري بس احس الم التحجير لكن الحين احس بظهري زي الدوره الالم بس لما تحجر البنت ويروح وصايره تحجر بكثره قولولي يمكن قربت الولاده ؟؟؟ ولا عادي عشان نزلت تحت البنت؟؟

[عروووس لحبيبي]

مادو
شكرا لكن هالخلطه صعبه ا عندي منها الا اليانسون

كلي لها
الله يسهل عليك انا هذي اول تجربه لكن سمعت ان التحجر يعتبر طلق وبا ان عندك الم في الظهر والبطن شكلها قربت ان شاء الله

[بحر الالماس]

مسااااء الانواررر والبشايررر الحلوةةة
كلي لهااا
هذي من علامات الولادةةة يتحجررر البطن كل شوي ويقل الوقت بين
كل تحجر والثاني الي ان ما تتحملي نفسك
وهذا عبارة عن الطلق
ولما تروحي المستشفي ويفحصوك بتلاقي الرحم مفتوح ويبدا معاك
الطلق يزيد والوقت يقصررر
وتولدي بالسلامةةة
ربي يفرج عنك ياقلبي ويجعلهاا ولادة سهلة اميين

[عطر الانفآس]

شگرررررآ حبآآآيببي وگل اللي بارررركوووولي فديتكم والله …😘
يالله هانت للي ماولدو ان شاء الله تولدون بالسلامه وتفرحون بشوفتهم سليمين ومتعافين يااااااارب ~,,

[بسبوسه2]

مرحبا كروشات والنفوسات الجدد شخباركم وين هيفإ مختفيه شكلهاراحت تخون ربي يقومهابالسلامه
انالي يومين اخذ زنجبيل وانام واصحاعلاتقلصات بس متباعده ادعولي الليله ربي يهون علي الرحم فاتح2بس مانزل علي شي للان ونفسيتس متوتره مره مدري متافرج ربي علي

[الحالمه شوشو]

مادو يصير اخذ الخلطه والرحم مقفل؟؟؟
بحوره التحجر معقوله من علامات الولاده لانو من بدايه التاسع وهو معاي والحين انا اسبوع بالعاشر ؟؟

[العاشقه الحزينه]

سلام ... كيفكم كروشات ونفوسات

اليوم بقولكم معاناتي مع ولادتي والحمد لله


بعد ماجاني احباط لان الخروع استفرغته وماجاب فايده قلت بروح امشي .. وخرجت قريب المغرب مع امي واخواني وبزورتي عشان امشي بالبر اللي مقابل بوابه مكه - جده .. المهم جانا المغرب وانا توي ابتديت مشي وبالظلام مشيت كم لفه بالبر وجوه يساعد انك تبعدي بالمشي وماتملي .. بعدها قومت امي تمشي معي وهاك ياتفحيط مو مشي هروله ... وانا اقولها ياقطار الموت خفف السرعه وهي ماسكه ايدي وتمشي
المهم تعبت وعلى العشى رجعنا البيت .. وتعشيت وانا عندي تحجير منتظم يجي ويروح واقول لامي شكله طلق .. المهم صلحت ثلاجه قرفه وشربت اول فنجان وبعدها بساعه جبت لي كوب كبير وحطيت عليه ملعقتين كبيره عسل اصلي وصار زي الشيره وشربته ..
بعدها نص ساعه اتمددت ابغى انام وبجنبي ولدي حمود نايم وبنتي تلعب ايباد بالكنبه المقابله لي
ما امداني اغمض الا والمويه انفكت ووقفت من الفجعه عشان ماينعدم الفراش ووقفت عالسيراميك وبنتي تتطالع فيني وشافت المويه .. هي عمرها 5 سنوات ونص قالت .. ( مامااااااا) البنت على بالها اني عملتها على نفسي هههههه شوفوا وجهي انواع الاحراج وانادي امي وقلت لامي عشان ابغى بنتي تسمع ( شفتي عشان سرقت المويه ودسيتها بملابسي طاحت مني وانتثرت عالارض ) صارت بنتي تضحك صدقت السالفه
يتبع ...

[العاشقه الحزينه]

المهم رحت اتروشت وغيرت ملابسي وعالمستشفى ( مستشفى النور ) وادخل لقيت دكتوره عله كشفت علي وقالت مفتوح 2 سانتي بس وما اقدر ادخلك الكشك الا لما يكون 4 سانتي وانتي انفكت عندك المويه ولازم ابره مضاد وطلق صناعي عشان مايجيك انتي والبيبي التهاب ... واحنا ماعندنا سرير بالتنويم فاضل شي تخرجي تشوفي مستشفى يستقبلك .. طبعا الخروج حيكون على مسؤليتي او اني انتظر الين يفضى سرير .. امي رفضت وقالت انتم مسؤلين عنها وماحخرج الا لما تلقوا مستشفى يستقبلها ماحدور بيها عالمستشفيات وهي تعبانه .. قررت الدكتوره انها تعطيني ابره المضاد وترسل فاكسات للمستشفيات الحكوميه بمكه عشان تشوف مين حيستقبل الحاله بحكم انها مستعجله وبحاجه طلق صناعي ورعايه وجاء الرد بالرفض وبان المستشفيات كلها مافيها اسره .. وبحكم ان الحكومي ماوفر لي سرير تتكفل الحكومه بمصاريف المستشفيات الخاصه وارسلوا فاكسات ومافي مستشفى وافق يستقبل حالتي .. المهم انا على الابر والمغذي وانتظر من الساعه 2 بالليل لحد ماصارت الساعه 9 الصبح وتو الطلق بدا يحمى على اقل من مهله ....
المستشفى كان ملياااااان حالات ولاده وكلهم انتظار الا اللي تجي اكثر من 4 سانتي يدخلوها الكشك ولما تولد تظل بالكشك لحد ما يلقون لها سرير بالتنويم
صرت امشي واشرب قرفه والدكتوره رافضه تكشف علي عشان مايصير معي التهاب طبعا تغيرت المناوبه وجات وحده زي العسل سودانيه ولما شافت الطلق بدا يحمى كشفت علي وعملت لي تحريض عشان تساعدني ادخل الكشك بسرعه .. وبعدها بساعتين كشفت وصار بس 3 سانتي وعملت تحريض مره ثانيه .. وكمان سااعتين وصار 4 سانتي وانا احباااط لما اشوف الزياده ببطئ والم .. طبعا طلعوني الكشك وانا تعبانه مرره وكمان مرهقه موت لان لي يومين مانمت ولما تبغى تاخذ تحليل مانزل لها دم وهي مصدومه تقول ابغى اعرف فين دمك .. تخيلوا تفك ابره المغذي وتسيبها تبغى ينزل دم ولا نقطه تسيل ...
يتبع

[العاشقه الحزينه]

دخلت الكشك عالساعه 12 ونص الظهر وانسدحت وانا اتجرع الم الطلق ووعدت نفسي اني ما ارهق نفسي بالصراخ وابدا ما اخلي احد يسمع صوتي .. وكلما جاني طلق اتنفس واخذ نفس واطلعه ب ( هيييه ) وكلمه يالله وادعي يالله يالله .. واذا شد قلت يالله يا اكبر من الالم هون علي .. والله كان يخف بطريقه رهيبه واغفى واصحى عالالم ...المهم انو مافي احد سمع لي نفس وانا كنت متحطمه من بطء انفتاح الرحم اول مانزلت المويه لحد 12 الظهر وحاطه ببالي ان ليلي طويل لما صارت الساعه 2 الظهر مرت السسترًتشيك علي صرخت وقالت ماما خلاص خذي اكسجين تنفسي وتحط لي كمام الاكسجين .. انا قلت اكيد بالتخطيط نبض الجنين ضعيف وتبغاني اتنفس عشان يرتاح او شي ثاني ماتوقعت ابدا انوا خلاص ولاده
نادت الدكتوره وقالت يالله انسدحي على ظهرك لاني كنت على جنبي وقالت اول ماتحسي بالطلق دفي .. قلت لها وانا على وجهي علامه تعجب ( ليه كم صار مفتوح الرحم ) قالت خلاص ولاده


طبعا ابتديت ادف وذقت الموت الم فضيع وحوضي حسيته انكسر ومرتين ماتحملت وصرخت باقوى ماعندي وارجع اكتم لحد ما انولد عبودي طبعا ماطولت بس الالم كان لايطاق وجلست ساعتين ما اقدر احرك رجولي ولا مل واحد والحمد لله ماسوت لي خياطه لانو ماحصل تمزق ولله الحمد و كل اللي بالكشك خرجوا على مسوليتهم من الكشك لبيوتهم وفضي لي سرير ودخلت التنويم والحمد لله


ولدي كان شارب مويه ومزرق بس الحمد لله هم عملوا له تشفيط بالكشك بس ما راحت كل المويه
ولما طلعت التنويم انكتم ويرفس كانه مايتنفس وبيموت وناديت الدكتور وعمل له غسيل معده وصار بخير والحمد لله


هذي حكايتي وعقبال الباقيين بولاده. سهله ميسره يااارب
طبعا لازال مستشفى النور المفضل عندي ومحبب لقلبي