غير مسجل تعالي نتساعد في ترتيب المطبخ وتنظيفة !

[أم رزاان]

أنا أمس كان جدولي هو تنظيف مجلس الحريم الداخلي
بديت طبعاً طلعت كل الإكسسوارات برى بما فيها الستارة
وكأنت ماسكة غبار ماكنت متوقعتة ابداً مع أني كل يوم أنفضها !!
أخذت منشفة كبيرة وبدأت انفض اي غبار عالق عالمجلس
ثم أخذت المكنسة الكهربائية وفتحتها ووضعت داخلها كيس اوركنزا صغير
فية قطعة مسك وصابون كامي مبشور مرشوش بعطر مركز
وطبعاً ما أشتري شيء مخصوص لهذا الغرض بل استفيد من العطورات
اللي ما ابغاها او اللي امل منها !!
المهم اضع كيس الأوركنزا داخل المكنسة واشغلها وابدأ اكنس المجلس كلة
حتى اتأكد أن المكنسة شالت كل الغبار !
وتعالي عاد شمي الريحة كيف في الغرفة !!
جربيها بنفسك وشوفي :)
بس اهم شيء يكون كيس المكنسة نظيف !!

بعد هالخطوة اخذ منشفة مبلولة بموية ومنظف الزجاج
وابدا امسح الطاولات والزوايا في المجلس

اجيب سلم صغير " عندي وما استغني عنة ابداً "
واطلع علية وانظف النجفات والمعها وأنزل
مسحت الأرضية لأني قبلها بيوم كنت شاطفتها
ورجعت كل شي مكانة ماعدا الستارة خليتها تأخذ حمام شمس وتشم الهواء شوي :)
وقبل لا اطلع ارش موية شي بسيط جداً
ارش موية معطرة بعطر جسم عالجلسة وابخر المجلس
واقفل الباب
الموية اللي رشيتها عالكنب تجعل البخور يعلق في المجلس
وتبقى ريحتة عالقة لوقت طويل ! :)


اترككم مع بعض الصور والتي التقطت عالسريع