الكروشات ياليت تدخلون وتطمنوني بخصوص كيس الجنين

[ندو &]

السلام عليكم ورحمة الله وبراكاته

انا كروشه جديده وهذا ثاني حمل لي الاول جلست لشهر الثالث وطلع كيس جنيني بدون جنين

ولكن لله الحمد على ما اعطى وعلى ما اخذ بعدها ب8 شهور حملت وانا الان بشهري الثاني للان

مارحت وعملت سونار ولا كشفت خايفه يصير معي زي الاول خصوصا اني قريت انه ممكن هلحاله

تتكرر خصوصا لو حصلت قبل كذا وانا خايفه ياكروشات يطلع حملي هذا زي الاول لا سمح الله ويكون

كيس جنيني بدون جنين خصوصا اني تعبت نفسيا بحملي الاول لما سقطت وزوجي كمان تعب

واااجد لانه تعلق فيه حيل اكثر مني لكن الله المستعان


سوالي الان لكل كروشه هل صحيح انه ممكن هلحاله تتكرر معي بحملي الثاني او لا ؟؟؟

ثانيا حملي هذا الوحم فيه مررره خفيف هل هذا له علاقه انه ممكن
يكون كيس بدون جنين لاسمح الله ؟؟؟

ثالثا اتمنى كل وحده تدخل تدعي لي امانه حالتي مررره يرثى لها وربي العالم والله يسهل على كل وحده ولادتها ويرزق كل محرومه الذريه الصالحه اللهم اميييين

انا بحاجتكم فلا تتركوني بلييييز

[أم رزاان]

اول شيء مبروووك الحمل
وربي يتمم لك على خير ويفرح قلبك بصغيرك

ثاني شيء هالنفسية اللي أنت فيها هي الد اعداء حملك !
خلي ايمانك بالله كبير
ويااااكثر والله اللي اعرفهم كان حملهم الاول كيس
بدون جنين
ولما حملوا بالثاني كان طبيعي وولدوا وكان كل شيء طبيعي !
فأنت يالغالية توكلي على الله
وروحي اكشفي وتطمني على جنينك
ولا تنسين تجي تطمنينا :)

[حصووووص]

انا حملي الاول نفسك. وحملي الثاني الحمد لله. الله يتمم علي
ووحامي كان خفيف. وخفيف حيل

اول ماعرفت اني،حاما رحت لدكتووره وصرفتلب مثبت ابر وحبوووب،واسبرييين علشان الدم يووصل للجنين
والله يتمم ع خييييير

[نسمات هادئه]

ياحبيبتي ماعندي علم

بس ربي يثبت لك جنينك وتشوووفينه وانتي بصحه وعااااااااااااافيه

ان شاء الله يكوون فيه جنين ويفرح قلبك

طمنينا عليك يا اختي وتوكلي ع الله وسوي فحص

[قرعوطه]

لاتخافي ياقلبي كثير تصير الاول وبعدين تمشي امورك تمام ولاتسجعلين على الوحام لسى بدري وليه ماتكشفي وتشوفي الجنين وتفرحي وتطمني بالك علشان تاخذين مثبتات وجو اسبرين لاتجلسين كذا على اعصابك ماراح يتغير شي بالعكس ضيعتي على نفسك فرحه حملك

[بدآيه حلم]

لازم تروحين لدكتوره وتعطيك ادويه


والحمدلله على كل حال اللي كاتبه ربي بيصير



واسال الله العلي العظيم ان يثبت حملك ويقر عيناكم لوريته سليم معافى

[(ملاذ الروح)]

حبيبتي توكلي علي الله ولازم تراجعي دكتورتك
الله يثبت حملك ويتمم لك بالخير

[ندو &]

الله يجزاكم بلخير ويرزق كل من ردت علي وطمنتني
والله يسهل على كل حامل ولادتها ويقومها بسلامه
بروح اليوم انشاء الله واشوف وش بيصير معي واجي اخبركم
لكن وربي حدي خايفه حيييل
الله يسهلها

[نعمة ربي]

ان شاء الله خير اختي و توكلي على الله

[ρυяỉтч •]

ايش صار حبوبه طمنينا ؟