أنا و زوجي مختلفين على وقت ترجيع الأجنة .. أحكموا بينا

[حلوة و دلوعة]

السلام عليكم ورحمة الله وبر كاته
أخواتي أنا عضوة جديدة و محتاجة استشارتكم ....
أنا سويت قبل حوالي سنة عملية أطفال أنابيب ولله الحمد ما نجحت وسوا لي تجميد أجنة ..
حاليا أنا مع زوجي مبتعث وبفضل الله ألحقت بالبعثة وخلصت سنة اللغة وببدأ بري ماستر بعد بكرة ان شاء الله ... وحابة أعمل ترجيع الشهر هذا بحاول آخذ إجازة أسبوعين من الجامعة وأنزل
بس المشكلة اللي مختلفين عليها أنا وزوجي انو الرحلة متعبة لان البلد اللي أنا فيها لازم نهبط بتركيا او دبي وننتظر بالمطار كم ساعة وبعدها كمان طيارة ثانية ... من وجهة نظر زوجي انو الرحلة متعبة وراح تتعبني وممكن تكون سبب في فشل العملية هذا من ناحية ... من ناحية ثانية هوا خائف عليا يسير فيني شي وأنا حابة أسويها وأجرب حظي وكل شي بإرادة الله ... وهل من الممكن نقل الأجنة من السعودية إلى البلد الي أنا فيه ..
شوروا علينا الله يرزقنا وإياكم مع العلم انو عندنا إجازة نهاية هذا الترم بعد ثلاثة شهور بتكون ثلاث أسابيع تقريبا بس أنا قلت بستغل الإجازة هذي وأعمل ترجيع ثاني إذا فشلت الأولى ... بنات أنا محتارة ساعدوني الله يطعمني وإياكم من نعيمه الذرية الصالحة .

[liliaceae]

السلام عليكم و رحمة الله و بركاته
أول الشي مبروك التحاقك بالبعثة والله ييسرلك دراستك
انا بنصحك تستشيري المركز يلي جمدتي الأجنة فيو بخصوص السفر لمثل حالتك وأكيد بتاخدي المعلومة الموثوقة منن
وممكن تسألي عن توصيل الأجنة للبلد يلي انتي فيه بس أتوقع التكلفة رح تكون مرتفعة بس اذا أموركن المالية ميسورة ليش لاء اسألي ..
لأنو أنا بشوف اذا رحتي اسبوعين وعملتي العملية أثناء هالمدة ورجعتي كمان ممكن تتعبي يعني زوجك معو حق وبالنهاية استشيري ولا تستعجلي يا أختي اذا تستعجلتي ممكن لا سمح الله تندمي وأهم شي عملي استخارة وطمنينا شو بيصير معك والله ييسرلك أمورك و يرزقك و يرزق كل محرومة

[حلوة و دلوعة]

الله يجبر بخاطرك لأنك رديتي عليا ... الحمد لله طلع ثمن التذكرة عشرة الآف ريال واحنا طلاب يادوب المكافأة تكفي .. فألغينا الرحلة وان شاء الله بنزل بعد ثلاثة شهور ...
أنا الحمد لله راضية بقضاء الله بس المجتمع اللي إحنا فيه أحسه متخلف وصلت لدرجة إني خاف ألمس طفل أحد عشان ما يقولوا حسدتيه *_*

[هناء العنزي]

مرحبا عزيزتي
الله يرزقني واياك الذريه الصالحه
بحكم اني مجربه هالامور انصحك تأجلين هالموضوع لاجازه اطول من هذي
الخساره شي مو بسيط
استخيري ربك
ربي يبارك فيك ويحفظك من كل شر

[الصيف البارد]

خليها لبعدين احسن يمكن فيها خيرة لا تستعجلين ياقمر
وحركة نقل الاجنة مو كويسة يمكن تفسد

[حلوة و دلوعة]

هنو & الصيف البارد الله يسعدكم ويرزقني وإياكم ...خلاص بأجل الموضوع وبركز ألحين بمذاكرتي وخيرة في ما اختاره الله ..
شكرًا للجميع أسعدتني ردودكم .

[نحن في الخدمة]

هلا بيك حبيبتي بس حبيت افيدك انه ممكن نقل الاجنة لاي مكان بس الي اعرفة انه جدا غالي
والله يكتب لك الخير

[Hnoont7]

حبيبتي ليش ماتسوين فالبلد االلي انتي فيه !
انا مبتعثه واعرف ان التأمين يغطي وزياده
ليشر تنتظرين ترجعين للسعوديه !
سويه بالدوله اللي انتي فيها
والله يرزقك

[سيدة العمر]

استخيري...
اسأل السميع العليم مجيب المضطرين اذا دعوووه ان يرزقك وكل من تتمنى الحمل عااااجلا غير آجل

[أمنية ..]

فعلاً ليش ما تسوينه في المكان إلا أنت فيه ، لأنو سمعت أن المبتعثين التأمين حقهم يشمله أطفال الأنابيب ، والله العالم !

إذا كان عندك مشكلة مع التأمين ، انتظري لين تنزلين واعمليها بحيث يكون فيه فترة راحة بعد العملية ..