قصة ولادتي
طبعا مثل متعرفون يابنات اني ولدت يوم السبت الموافق 22 -9 -2012 بس الطلق عندي
بدى يوم الخميس بنات قبل ما ابدي اسولف راح اسولف الصار ويايه يعني رجاااااءا مو تخافون او تضوجون مني لانو ثقوا كل مرأة واله ولاده خاصه والها قدرة تحمل تختلف عن الثانيه ..... المهم الطلق اللي بدى ويايه كان يموتني بحيث اكعد ابجي مكدر انام وزوجي ربي يحمي كاعد يمي طول الليل يدعيلي ويتوسل برب العالمين حتى يسهل امري صار يوم الجمعه ورحت للسستر المتفقه وياها تولدني للبيت فحصتني كالت عندج طلق بس معندج ولاده ابنج بعده فوك هههههههههههه هسه كمت اضحك وبوقته ضحكت من كثر الالم كتله انتي شتحجين دقيقه وحده مكدر ابقى راح اموت كالت صفا الطلوكة مو لعب ولازم تتحملين اذا تردين اجيبج هسه فقيصيريه كتله لاااااااااااء كوله الا القيصري كالت لعد اتحملي منا لباجر انتي اكيد راح تستوين ههههههههههههههههههههههه كتله بقلبي شنو تمرايه اني واستوي طلعت منها رحت للدكتورة مالتي كتبتلي على مهدء وابرة مسكوبان تقوي الطلق بس كلتلي اضربيه بالليل حتى باجر موعد خفارتي بالمستشفى واللسستر مالتج هم خفارته واثنينا نداريج رجعت اني منتهيه من الالم والمهدء مفادني بشي بس على طول متركت سورة الزلزله والانشقاق والله يابنات صدك اللي كال انو هالسورتين مخدر للحامل من اقراهن تروح الطلقه وابرد واسترخي صار الليل مال الجمعه كلت بعد ماكو لازم باجر بحيل ربي اولد لانو الم ساعه ولا كول ساعه كمت ضربني زوجي الابره وراها هو نام سوده عليه لانو قبل ليله منايم اني فتت ساعه وحده للحمام وضليت جوة الدوش حوالي ساعه ومي حار ريحني حيل بس اثناء الغسل حسيت ابني افتر فره ملختني والله من الالم طلعت من الحمام حميت زيت زيتون وقريت علي سورة الزلزله ودهنت رجلي وبطني وضهري وشربت خروع ولكم عينكم ماشافت ساعه ونص والالم صارررررررر موطبيعي اني شسوي حتى زوجي ميفز اريده يشبع نوم لانو عرفت باجر وراه تعب من تجيني الطلقه اكوم اطلع بره اصيح واون وابجي وارجع اطول ليله من الالم عشته ماصارت السته ونص الا طلعت روحي وشبعت بجي بالصنطة وراها داكوم تكرمون افوت للتواليت نزل علي مي واللي هو مي الراس شلال كانما ودافي حيل عاد هنا صيحت لزوجي الحكني اكعدلي راح اجيب يبووووووووووو ههههههههههههههههههههههه فز مخروع بدون ميغسل يكولي يلا نبدل يلا نروح ههههههههههههه ويركض يدور على ملابسه وراها اجاني كلي شبيج حياتي صيري سباعيه اني توحشت بنات بلحضته احس اني مو اني ههههههههههههههههههه اريده اكول اي احد كدامي خنزرت وكتله وخر عني راح اموت راح املخك واملخ روحي وجان توكع عيني على باكيت الكلينكس هههههههههههههههههههه هلاو ولزمته ملخته نتف نتف ثرم ثرم هههههههههههههههههه واصيح وابجي المهم طلعنا بالسياره وكبل للمستشفى خابرنا السستر كالت تعالو فحصتني كلتلي اتي مفوله شنو مفوله معرف سياره اني السستر صراحه مصطلحاته غريبه مستويه ومفوله كتله يلا حبابه ام حسام ولديني كالت اي خل اطيج مهدء اني كيفت عبالي صدك ربطتلي مغذي وعينكم متشوف النور والله وصراحه حتى شعري ملخته الطلقات بعد ماكو بيه مجال وحده ورى اللوخ ماكو فرصه واحد يتنفس واني اصيح ام حساااااااااااااام تعاي ولج لعد ليش اني اختاريتج حتى تولديني غير هي تكولي طاحظ الساعه اللي اختاريتني بيه وميته ضحك طبعا ومحجيلكم احنا بغرفه انتظار التوليد يمكن 15 سرير نريد نولد وكلنا نصيح هههههههههههه موقف يضحك ورى متذكروا بعدين صارت تسعه ونص اجتي فحصتني كلتلي يلا وج كومي بساع عدج ولاده وجان تاخذني ركض للصاله واني رابطه مغذي وهي رافعته ويايه وراها بنات كمت اصيح يالله دخيلك بس بصوت عالي بحيث امي اجتي للمستشفى تكول اسمع صياحج وابجي اكولهم شبيه بنتي زوجي يكولي والله تخربطت وردت اوكع من القلق عليج حبيبي يحس بيه المهم بنات ادفع وماكو ميطلع ادفع وماكو ام حسام صاحت دكتورتي دكتورتي تقريني كولي يا الله كولي يا محمد كولي ياعلي يلا ماما حبابه ادفعي وادفع وماكو وجان صعدت وحده فوكايه وتدفع ببطني برجليه بس موقوي يعني نص قوة واني ادفع بس وربي يابنات فعلا بعد الم الولاده اي الم اشوفه او اسمع عنه احسه عادي وزلاطة والله احجيلكم وعيوني دمعت الحمدالله والشكر على كولشي المهم وراها فتحوني خياطات ومحسيت بش الدكتورة كالت داشوفه بس بس بس بسبست 3 مرا كالت يااااااااااا هذا جاي فيس يعني على وجهه خل نحوله قيصري بسااااااااااااع راح تموت من الدفع ومستوى نبض قلبها هبط اني سمعت قيصري كمزت رفعت راسي واني عركانه والله وشعري على وجهي كتله لا دخيلج دكتورة اريد طبيعي لتوديني هناك كلتلي ماما والله ترتاحين وبنج عام وارضي بالمكتوب كتله حتى لو اموت اجيبه طبيعي كالت اوك يلا اتي وشطارتج اذا عدج مقدره والله بنات ادفع واندب ربي ونبي واهل البيت ومخليت دعاء وادفع حيل ويمكن 6 او 7 دفعات وطلع مهدي للدنيا الله احلى شعور والله بنات تنسين كول الالم تضل عينج شابحه عالمخلوق الصغير اللي اجه منج تريدن تشوفين ملامحه شون تصير ضربو كدامي وسمعت صرخته والكل ضل يباركلي ووراها سوولي تنظيف والخياط لتخاف اي وحده الباقي كوله ميخوف ولاحتى الولاده اني حاله صارت عدي وهي اجه على وجهه بس ثقو كول الولادات وحتى القيصري من تكملون الطلق ودخلون بفتره الولاده الفعلي مطولون اكثر من ربع ساعه بس اني ولادتي تقريبا ساعه وهم الف الحمدالله والشكر انطاني حيل وقوة بلحظه الم وخلاني اصر عالطبيعي ربي يخفف عنكم ويسهل امركم اني دعيتلكم وربي وكلت ربي يسهل امرهن وخصوصا اللي محد يمها وبغربه او محد قريب عليه ... كافي تعبت بنات
ا