دردشة حوامل الأحساء- تجمع بنات الأحساء - الحسآويآآت

[دونات]

المشاركة الأصلية كتبت بواسطة ربي بك استجير

السلام عليكم صبايا انا عضوه جديده وحبيت استفسر منكم عن طبيبه شاطره غير نجوي بصراحه زحمه حيييييل عندها ابي منها تعطيني وجه بس الزحمه ما تخليها اسالكم بالله بنات حابه القي لي دكتوره تقدر بعد الله انها توضح لي طريقه التبويض لاني عندي ثلاث بنات الله يحفظهم ويحفظ حبايبكم وافكر بالحمل بس املي بالله انه يكون ولد

الدكتورة نانيس بمستوصف الزهراء - أمام محل شهد - فترتها من 9 الصبح
الى 4 أو 3 العصر متواصلة

بعدها بفترة المسائية طبيبة ثانية ..


خذتلي فترة طويلة أتابع وياها علاج وفادتني كثير غيرت لي الأدوية وعلاجها ناسبني بقوة

وبعد العلاج تابعت وياها التبويض ماقصرت ,, بعد ماتخلص الدورة تسويلي تصوير

مهبلي من جوا تتأكد من استعداد البويضات بالمبيض قبل خروجها وتاخذ حجمها

وبعد أسبوع وقت التبويض تسويلش تصوير ثاني لكن مو مهبلي لأ فوق البطن عادي

يعني وتشوف كم بويضة طلعت وتقيس حجمها

بناء على الحجم تحدد اذا تحتاجين لإبرة تفجير أو لأ ...

والصراحة كانت تاخذ مني قيمة السونار المهبلي في أول مرة والثانية اللي بعد

أسبوع ماتاخذ عليه فلوس تقول جزء من المتابعة ..


بالأول عالجت هرمون الحليب لفترة وبعدها بدت بالتنشيط خذت لي صور سونار مهبلي

وتحليل دم لهرمون التبويض بأول 3 شهور عطتني ابر وبعدين بس حبوب

قالت وضعي تحسن ...

المهم ماقصرت يعني كنت أرجع البيت وعارفة انو في بويضات مستعدة وجاهزة

وكم وحده موجودة ..

وتحديديها بالأيام مضبوط وتعطيني اياها بورقة عشان ماأنسى الموعد

مرات بويضتين ومرات أربع بس ارادة الله ماكتب لي الحمل وقتها

ولا الصراحة التصوير قدامي مبين انو في بويضات جاهزة وحجمها ممتاز ..

واحلى شي انو في شاشة بلازما قدام السرير يعرض لك صورة السونار هالكبررر هههه

تشوفين كل شي بوضوح ..


شوفي تراها هادية بس بشوشة ...ماتتكلم كثير بس ان سألتيها تجاوب بوضوح

وانا كنت قبل ماأروح لها أكتب كل اللي بخاطري أسئلة بورقة أعرف روحي نساية

وبس أخلص وياها من التشخيص أطلع الورقة وابتدي أسئلة واهي تجاوب بوضوح

حتى الأدوية من تكتب لي ورقة الوصفة على طول أسألها قبل ماأطلع

هذل لأيش بالضبط شنهي مهمته ؟؟ ومدى ضرورته ....شيسوي

فقعدت وياها فترة عرفت الأدوية ولأيش أخذها وايش أتوقع يصير تأثيرها

بالصراحة فادتني ماكنت أخذ أدوية عالعمياني يعني هي دقيقة

وانا أسألتي كثيرة ..فكنت عارفة شو علي شو عليها ..

بناء عليه من كثرة اسئلتي حتى بالأدوية ..اللي تصرفها ..

أأكد لك انها ماتعطي وبس يعني ماهمها الا الفلوس لا والله كل اللي عطتني اياها

كان له ضرورة وعلمتني شغل كل واحد فيهم شنو وظيفته

مافي مرة كتبت لي شي ماله داعي

...

تقدرين تحجزين موعد بالتلفون واتصلي الساعة 7 الصبح وحجزي اذا كنتي ناوية

تروحين على بداوية الدوام 9 بحيث تدخلين على طول بدون تأخير ..

..