أتمنى إفادتي

[ρυяỉтч •]

وعليكم السلام ، مالومك من قلقك وخوفك ..
مريضه السكر ابدا مو مريضه عاديه ، السكر عدم انتظامه اثناء الحمل جدا خطير على الام والجنين
بنصحك نصايح بحملك هذا عشان ماتخسرين جنينك للمره الثالثه ..
* العصبيه ابتعدي عنها قد ماتقدرين .. القلق او الارق او التوتر انسيه ، كل هالاشياء ممكن ترفع سكرك وتاثر على طفلك
* الشغل والطلعه والنزله ، حاولي قد ماتقدرين تخففين منها ، وكل ماتقدمتي ب الاشهر اهتمامك بصحتك ونفسيتك لازم يكثر
* سكرك لا تهملينه ابدا ابدا ، ابرك لا تنسين مواعيدها ابدا .. حاولي قد ماتقدرين تحافظين على سكر معتدل وطبيعي
تابعي سكرك بالبيت اكيد عندك جهاز السكر ف البيت شيكي على نفسك اول ب اول ، مو لازم دكتور ينتبه انتي انتبهي لنفسك
* اتبعي حميه غذائيه صحيه طوال فتره حملك ، عشان تبعدك انتي وجنينك عن الخطر
* لازم متابعه للحمل دقيقه جدا اثناء تقدم الشهور ، ولازم ابر الرئه بعد تاخذينها استعدادا لاي طارئ ممكن يولدونك مبكر ..
/
قريبتي مريضه سكر نفسك تماما ، طبعا خلفت ثلاث بنات الله يحفظهن لها ، كل بناتها قيصري وتاخذ ابر الرئه
كل مالاحظو ان سكرها بدا يستهبل معها حولوها عمليه عاجله خوفا على الاجنه ،
طبعا هي الله يهديها كانت مهمله ب اول حمل ، يعني مدرسه هي وتطلع وتنزل الدرج وتعصب وتضغط على نفسها
سكرها مع هالظروف لعب فيها للاسف .. تعرفين ايش نتيجه هالضغوط اللي صارت عليها ؟
جت بنتها الكبيره بعيوب خلقيه بالعين !! طبعا السبب زياده المويه بسبب السكر
والطفله الثانيه بعد مشاكل بالعين ..
لكن الطفله الثالثه ماشاءالله سليمه ، لانها تعلمت وصارت بارده ولا تهتم ب احد .. ريحت نفسها بالشغل
بنتها الثالثه الوحيده اللي ولدتها تقريبا بالتاسع لانها اهتمت بصحتها وبنفسيتها ، وخذت درس قوي ..
/
بالنسبه لدكتور ، شوفي وضعك حساس اذا مافي حواليك دكتوره نساء شاطره روحي لرجال ، الظروره تبيح المحرمات
وانتي رايحه عشان جنينك ولان وضعك مو مثل الحامل ومافيها شي حتى لو ماتابعت ماعندها مشكله ..
غير كذا لو تابعين بالمستشفا اللي بتولدين فيه ، وانصحك بالحكومي ماراح يهملونك ابدا وغالبا يكون تمر عليهم حالات كثيره نفسك
فيعرفون كيف يتصرفون ، وعشان لو اي طارئ يكون ملفك جاهز عندهم ويعرفون وضعك ..
واعرف كثير حوامل مرضى السكر ، حريصات ومتابعات لسكرهن وماشاءالله اجنتهن بخير واطفالهم بصحه وعافيه
ماتشوفين شر حبيبتي