انا في ازمة نفسية كبيييرة جدا ارجوكن اخواتي ادخلو وواسوني ولو بكلمة

[Marawy]

الله يهديج يا اختي .. وربي شي يقهر ..
يعني متضايقه وتبكين عشان ببطنج بنت !!!!!
طيب وش شعورج لو كان ولد وفيه شي لا سمح الله !!؟ والا وش شعورج لو يتغير السونار الشي الجاي ويطلع ولد بدل البنت !!؟ بتنسين الحزن والهم وبتفرحين ؟؟!
وبتجين تكتبين موضوع تبين نبارك لج !!؟ ما اقول غير لاحول ولا قوة الا بالله ..!
لهالدرجه وصلت عقول البشر !!؟

انا عن نفسي عشت 6 سنوات وانا احلم اني اشوف بيبي ..! وغيري ظل بالسنوات والعشر العشرين !!
اختي صار لها 22 سنه ما حملت .. لين كبرت وشاب شعر راسها .. وبالاخير ماشاء الله حملت طبيعي بعد 22 سنه انتظاار !!
وجابت احلى بنت .. ما قالت ابغي ولد بعد كل هالسنين ..!

احمدي ربج وشكريه على هالنعمه !! والبنت مو نغمه .. هالبنت اللي انتي زعلانه عليها مليون وحده تتمناها .!
وتتنظراللحظه اللي تحس بحركتها في بطنها وتشم ريحتها وتلمسها .. مو انتي حارمه حالج من الاكل .. ليش لما تحرمين نفسج من الاكل بتنقلب ولد !!؟

لاحول ولا قوة اﻻ بالله ..

[بشرى]

حبيتي الغالية احمدي ربك على النعمه اهم شي تكون بصحه وعافيه انا ابقولك قصتي للعبره انا ياربي لك الحمد عندي بنتين مثل الورد وكثير كنت اتمنى اني احمل في ولد ودايم اقول نفسي في ولد ودعي اني احمل في ولد والحمد لله على كل حال حملت وانجبت ولد ولكن كان الولد معاق يارب لك الحمد الان عمر ابني ثلاث سنين لا يمشي ولا يجلس ولا يتكلم ويوم في البيت وعشره في المستشفى والله يا ختي الغاليه تمنيت لو كان عندي عشر بنات في صحه وعافيه ولا اشوف ولدي يبكي ويتقطع من الالم وانا ماادري اش فيه الله يشفيه يارب لا اعترض على قدرتك وقضائك بس اقولك قولي يارب تكون سليمه ومتعافيه وكل يوم قولي الله رضني بما قسمت لي والله يقومك بسلامه ويرزقك برا بناتك اللهم امين

[Hnoont7]

اذا تفكير الحريم كذا ومخلين الحمل بولد شي مقدس واللي عندها بنات ي حراام
لو عندك 4 اولاد وحامل بولد مازعلتي ولافتحتي موضوع متاكده من هالشي
حتى لو تقولين الكلام اللي كتبته لانك تحت تاثير صدمه
صدمت ايش !
انك حامل ببنت !
دايما اقول الحريم هم يضلمون انفسهم
هم مانعين نفسهم من حقوقهم ووجودهم بالحياه
مو بس انتي كثير يبون الولد الولد الولد
وش فيه زود الولد !!!!!!!
نفسي اعرف
علشان يساعد ابوه والا يشيل اسم اهله !
ليش البنت ماتساعد ماتشيل اسم الاهل !
ماتشرف !
والله البنات هم اللي فيهم الحنان والرحمه
الاولاد يتزوجون ويطلعون وحريمهم يمشونهم
اما البنت وهي متزوجه 24 ساعه عند اهلها
وكل يوم زياره و و
مايشيلك لما تكبرين الا بناتك
انت اساسا ايش مو بنت !
تحبين احد يستحقرك ويتمنى انك تقلبين ولد !
تحبين احد يحسسك ان الولد اهم منك وانتي مو شي !
لو احد قال لك وانتي كبيره هاللكلام شلون لو اطفال يحسون بهالاحساس
ف احمدي ربك واشكريه ولاتفكرين كذا ابدااا
انا اتمنى طفل سواء بنت او ولد
اهم شي طفل سليم ويحسسني بالامومه
قولي الحمدلله انك تحملين طبيعي ومتى مابغيتي
ومايحوجك ربي لا لطبيب ولا لاحد
.
.
ادري قسيت بكلامي بس كلامك كان اقسى واوجعني

[ùm Ļάyάή]

الله يهديك ياختي
بصراحه الاخت مراااوي كفت ووفت

[فاقده الغالي]

ازمه نفسيه عشان عطية رب العالمين .ناس تبي ريحة حمل وناس تكفر بالنعمه
اللي يسمع يقول عندك 10بنات كلهم 4 الله يفظهم ويبارك لك فيهم
الله يهديك بس

[بيـــآض]

المشاركة الأصلية كتبت بواسطة ليلى الحلوه

على شو نواسيج على حملج ف بنت؟!! يا بنت الناس إحمدي ربج مليون مره غيرج يربي قطاو وكلاب عشان يعوض الأمومه إلي فاقدينها و إنتي تقولي صدمه و واسوني حسستيني إنه حد متوفي!! أستغفر الله
والاخت لا تاكل ولا تشرب !! على شو على بنت غيرج يتمنى يلمسها لو مره بحياته, والله حرام هالبنت تتربى عند أم نابذتها لا أكل ولا شرب لإنه إحملت فيها والاخت كاتبه الموضوع على شو شو تتريين من البنات يحركون العصا السحريه ويغيرون جنس إلي فبطنج وله تترينهم يعزونج بحملج!!! والموضوع أبدا ماله داعي وماله أي إفاده و أتمنى لو ينحذف , شقول بس غير الله يكمل عقولكم ويرزق كل أم تتمنى نطفة ياهل لا همها كانت ذكر أو أنثى...

نفس الرد .

[سيدة العمر]

كيف اواسيكى ع شغلة انا احلم فيها واتمناها ليل ونهار واقوم الليل عشان ربي يحققلى اياها..
كيف اواسيكى وانا اتمنى ان اسمع كلمى انا حامل
كيف اواسيكى وانا حطيت كل ما املك من مال عشان اجيب اطفال "بنت ولا ولد انا راضية باى شي ... راضية بظفر البنت"
الحمدلله على كل حال والله يخليلك اياهم ياربوتفرحي فيهم كلهم

[غرايد]

انا ماقول الا الله يرفع عنك ولايبلانا
ربي بكلامك هذا يمكن يسخط عليك ويحرمك من الي عندك والي فبطنك

انتي رافسه النعمه الي معطيك ربي لاتزعلين من كلامي بس ماتوقع هذا كلام حرمه عاقله وعنده اربع اطفال يعني واضح انك كبيره وفاهمه

الله يخيلك بناتك وان شاء الله. ماتشوفين البنات بحملك لانك واضح انك منتي من اهل النعم

[سماء الاحساء]

الحمد لله رب العالمين على عطائه

[يارب تسهل لي]

نعم اختي قووولي الحمدلله وتاكدي ان الله كاتب لنا قسمتنا والبنات والله والله انهم عووون لامهم والبيت اللي فيه بنات تكون فيه دايم الضحكه والبركه وتاكدي ان الله اذا مارزقك باولاد انه خيره لك ولبناتك والله يعطي من يشاء من عباده ابتسمي وروحي احمدي ربك والله عمتي تتمنى ظفر طفل مو بس طفل لدرجة تقول ابيه حتى لو معاق بس ابي احس بالامووومه الله يرزقك يارب اعرف وحده بعد ست بنات جاها ولد لاتقنطي من رحمة الله اسال الله ان يرزقك بولد صالح سليم معافى ويكتب لك اللي فيه الخير ويرزق كل محرووومه قادر على كل شي