دردشة بنات تبوك, دردشة حوامل تبوك , تجمع بنات تبوك

[همس الرووح]

كيفكم حوامل تبوك واخبــــــــــــاركم مع الحمل
الله يهون عليكم
حبيت اسال فيه تطعيمات بالعسكري واذافيه
وش الاوراق المطلوبه وواي قسم التطعيمات

[مهاوي11]

يعطيكم العافيه بنات
لاني ماعمري رحت لها وحبيت استفسر ماقصرتو

[LMAR]

مساء الخير ياعسولات
وربي احت س سوالفكم عن العسكري كأنكم توصفون سجن ابو غريب مو مستشفى
كل وحدة لها تجربة تختلف عن الثانية بس مو معني هاذا ان المستشفى سئ لهدرجة
بالعكس انا عن نفسي ولدت 3 ولادات كلها بالعسكري والحمدالله تعامل حلو وعادي بنفس الوقت
احيان يعصبون لما تكون الوحدة طولت في الولادة /////ياتكون خايفة او ماتعرف تدفع
بس مو دايم انا لما كنت بكرية وربي انهم كانو مجموعه اتحملوني وصبروا علي وبالعكس شجعوني على الولادة من تنفس وكيف اعرف ادف البيبي
حتى تعاملهم كان راقي معي
وفي طفلي الثاني والثالث صح تعبت وماولدت الا اليوم الثاني بس كان المشكله عندي مو منهم
وربي انا هنا ما امدحه ولا اذمه بس بنفس الوقت اقول كلمة حق
واللي ابي اوصلة هنا
ان للكل تجارب سوى كانت زينه او شينه ماتأثر على الغير فية ناس ماتقدر تروح خاص وبالذات هنا بتبوك مافية الا العسكري او الامير
والامير عندهم الولادة الطبيعية ب6 او 7 الالاف والعملية ع حسب احيان تكلف 19 الف
وليش كل هاذا ........برستيج مثلا
الولادة ولادة هنا ولا هناك
ولا يمكن بالخاص يخيطون الحريم بسلك من ذهب
خواتي معانا هنا بالتجمع بنات بكريات حرام نصور لهن تعب ورهب الولادة وهي باقي ماجربت
عشان تحكم
قولي كل اللي بخاطرك بس لاتبالغون بالوصف
معليش يمكن قسيت ببعض احرفي
بس حنى اتفقنا من البداية نكون خوات نشكي لبعض ونساند بعض بكل شي ومانترك للزعل طريق بينا
يسلموا للكل

[همس العواطف]

بنوتات
تعرفون لصقات كرست ساعتين
وين القها بتبوك
في احد منكم جربتها
احسها خنططيره بس خايفه منها

[اميرة الجوري]

ينات ايش احسن دكتور او دكنوره للانف والحنجره عندي زكمه لي عشره ايام مي راضيه تروح المشكله احتقان الانف مااقدر انام منه ابي اتنفس اغلب الوفت مكتومه

[مهاوي11]

يسععد صباحكم
امير والله ماعندي خلفيه عن دكتور الانف والحنجره
ان شاء الله يفيدوك البنات
يابنات ابي اسالكم وين تنباع مفارش النفاس بتبوك وكمان سفرة النفاس غطاء لثلاجات القهوه وتغطيه لسلة الزباله. .تكرمو
ابي من محلات مو من الحريم..ياليت تفيدوني

[الشمس المتفائله]

السلام بسالكم عن الدكتوره ثريا باالعفاري لتحديد جنس الجنين قبل الحمل ياااليت تفيدوني

[نغمّ بلآ آوتآرّ]

المشاركة الأصلية كتبت بواسطة همس العواطف

بنوتات
تعرفون لصقات كرست ساعتين
وين القها بتبوك
في احد منكم جربتها
احسها خنططيره بس خايفه منها

انا جربتهاا
صراحه حلوه ومفعولها كويس
بس خذي نوع كويس اللي يدوم لسنه
وبعدي عن القهوه والشاي

بتبوك ماادري وين تنباع اخذتها من وحده بالنت

[نغمّ بلآ آوتآرّ]

المشاركة الأصلية كتبت بواسطة اميرة الجوري

ينات ايش احسن دكتور او دكنوره للانف والحنجره عندي زكمه لي عشره ايام مي راضيه تروح المشكله احتقان الانف مااقدر انام منه ابي اتنفس اغلب الوفت مكتومه

حتى لو رحتي ماراح يصرف لك علاج
فيه بالصيدليه بخاخ للانف للحوامل
وجربي دقي حبة بندول العادي مو الثاني
واعصري عليها ليمونه واشربيهاا
الله يعينك ع الطعم ^^
وكثري ليمون مع الشاي وكلي برتقال

وحطي بقدر نعناع وبابونج واتركيه يغلي ثم غطي وجهك بمنشفه وشميه
مرة مفيد ويفتح الأنف

هذي الاشياء الي سويتها لما انزكمت وخفت كثير
وماتشوفي شر :)

[يتركني ويروح]

سلام كروشات

اخباركم ؟؟ زمان عنكم ؟؟