الحمد لله ولدت وجبت احلى حمود

[ام هيثووووم]

الله يبارك فيكم جميعا
عقبال الباقي المنتظرات الله يسهل عليكم يارب وتكون ولادتكم سهله ميسره بإذن الله
قصه ولادتي باختصرها لانها طويله شوي
يوم الثلاثاء سويت تمارين القرفصاء ( اللي سالت حطي بقوقل تمارين القرفصاء للحامل بالصور وتطلع لك الطريقه )
المهم سويتها وبديت احس الالم من تحت وكان ذاك اليوم موعد مراجعتي ف خبرت الدكتورة وقالت لازم كشف
وكشفت الرحم للاسف مسكر بس من رجعت البيت بدت تنزل علي افرازات مخلوطه بدم وقلت شكله مع الكشف صار تحريض والالم تزيد من تحت بس مو الم طلق يوم الاربعاء رحت لمستشفى الولاده اشوف قصه الدم اللي ماوقف وللاسف الرحم مسكر يعني كل هالالام والافرازات المخلوطه بدم من كشف الدكتوره حسبي الله عليها
يوم الخميس وقف الدم والحمد لله وخف الالم بس في الليل وانا بنام بدت تجيني الالام في ظهري وبطني قلت شكله بدايه طلق و الالم يجي ويروح بس مو منظم ف اقول مادري هذا طلق كاذب او لا وبنتي كانت مريضه ترجيع وحاله والالم يروح ويجي في الليل فجاه حسيت بشي ينزل واروح الا هو كميه من الماي ع طول قلت اكيد ماي الجنين لان في حملي الاول نزل علي ماي وتنومت في المستشفى بين ولدت
وسبحت وجهزت الاغراض ورحت المستشفى وتكشف الا الرحم مسكر احس زهقت وقلت كل هالالالم طلق كاذب بس والماي قالت الدكتورة لو نزل من جديد رجعي بعدين قالت لا اول سوي تخطيط نشوف فيه طلق او لا
سويت التخطيط والمفاجاه ان نبض البيبي عالي ولازم تنويم وفيه طلق بس بسيط طبعا قبلت بالتنويم مابغي تعب 9 شهور يروح ع الفاضي
تنومت من يوم الجمعه في الليل وكل ساعتين تقريبا لازم تخطيط والالم تروح وتجي بس مو منتظمه والصباح السبت كشفت الدكتورة شافته مفتوح 1 سم بس
وبعدها ماكشفت لين الاحد الصباح لان كثر الكشف مو زين شافته 3 سم بعدين الحمد لله الاحد الظهر ولدت وجاء حمود بالسلامه
وعقبالكم جميعا تقر عيونكم بشوفتهم بصحه وسلامه يارب