دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[لمسة أمل]

السلام عليكم حبيباتي كروشات مكة

كيفكم .. كلكم ... وحشتووووني كثير

الحمدلله وصلت مكة بالسلامة قبل امس بعد ما مرمطوني في المطار وماخلوني اسافر عشاني حامل... طبعا عملت لهم فيلم هندي وجلست ابكي وفضحت نفسي قدام العالم .. لحد ماحزنوا عليا وقالوا سافري خخخخخخ

المهم اليوم رحت مستشفى باشراحيل لأني نويت بعد بحث وسؤال إني إن شاالله اولد عندهم ... واستخرت قبل لا أروح .. ولما رحت كانت فيه الدكتورة فطيمة الهندية..

الحمدلله ارتحت كثير مع الدكتورة بالرغم من إنها كبيرة في السن لكنها رحيمة وطيوبة مرة.. بس اللي ما عجبني المستشفى ..حسيت إنه الخدمة عندهم مرررة تعبانة والممرضات مافي ولا واحدة تهتم فيكي ... كل شئ اسويه بنفسي .. ماأدري يمكن كل المستشفيات زي كده وأنا مادري .. ولا يمكن عشاني اتعودت على الدلع من قبل الممرضات في الرياض

اش رايكم يا خواتي ؟؟ ومن عنده أي معلومة عن المستشفى والدكاترة يقول لي ؟

[لمسة أمل]

المشاركة الأصلية كتبت بواسطة ام نووور

بنات مكه ممكن تقولولي وين تعملو التلفزيون الرباعي بمكه نفسي اعمل وكنت مقررة جدة
بس ربي ماراد انزل جدة مدري فيه مستشفه بمكه فيها وهل يعطو سي دي وكم سعره

أم نووور .. والله أنا ماعندي خلفية وين بيعملو السونار الرباعي في مكة.. بس اللي سمعته في بخش والله اعلم

المشاركة الأصلية كتبت بواسطة همس مشاعري

السلام عليكم اخواتي انا مشاركه جديده عجبني جدا تجمع بنات مكه يارب نستفيد من بعض حبيت استشيركم انا دورتي تاخرت اسبوع وسويت تحليل منزلي طلع سالب والحين لها عشرين يوم متاخره وانا بنتي لها سنه بس زوجي نفسه احمل عشان كذا مااخذت مانع انصحوني ايش اعمل يارب يسعدكم افيدوني

أهلين همس مشاعري.. انصحك زي ما قالو الاخوات إنك تعملي تحليل دم في اي مستشفى أو مستوصف.. وربي يتمم لك على خير

المشاركة الأصلية كتبت بواسطة انشودةمطر

هلا صبايا كيفكم انا بعد من مكه واراجع بمستشفى بجده لاني ما اعرف احد شاطر بمكه بس السونار اسويه عند مستوصف قريب يعني للطوارئ الله يكفينا شرها عموما انا حامل والله اعلم اني بالشهر الثالث لاني ما عرفت احسب والدكتوره تقول اني بالرابع بس ما اعتقدش اني دخلته على حساب جارتي

إنتي متى آخر دورة عندك... عشان احسب لك إنتي بأي شهر بالضبط ؟

المشاركة الأصلية كتبت بواسطة الحالمه بالجنه

السلام عليكم ورحمه الله وبركاته
كيف الحال لي كل الموجودات انا من جده بس ساكنه في مكه وحبيت ادخل معاكم تقبلوني
ررررررررررررررردوعلي

أهلين يا حلوة وحياكي الله بيننا

مرحبا بك إنتي مننا وفينا ...