تجمع حــوامل التوائم

[ام عيالها]

ايييي انت برابع سوري ما انتبهت عالتوقيع,,,,
الله يتمم عليج وديري بالج,,,

[ام البنين]

المشاركة الأصلية كتبت بواسطة زود الغلا

ام عطية .......... شلونك حبيبتي والله رديت عليك بس الظاهر انك ناسية والله يبارك فيك ويهون عليك .
ام البنين ............ سالتي عن الجدد وطنشتيني انا زعلت خلااااااااص :):) اضحك معاك .
لغة الحب ......... شلونك حبيبتي انت باي شهر وشنو جنس البيبيات .

بنااااااااااااااات انا توني جاية من السوبرماركت .... بنات ظهري ذبحني هذا وانا في بداية الرابع وانا هناك طاح مفتاحي على الارض ابنزل اجيبة ما قدرت لما بثني جسمي مكان المأخرة :) عرفتوها طبعا جاني عوار بعظامي وعلقت ماقدرت انزل . ليش ....... ما ادري منو صار معاها كذي .

يووووووووه يا الغلا000وانا سألتك ومارديتي على زعلت منك ههههههههه
يوووه ياما وياما جاتني الله يعين من االتعب شد عضلي عااادي تحصل كثير
لسااتك ماشفتي شي
ربي يهون عليك قلبي

[ام البنين]

المشاركة الأصلية كتبت بواسطة جومانا

سلاااااام بنات كيفكم وايش اخباركم
مرررررة تعبانة بنات من الثقل على تحت نفس منطقة الحوض
وكثير اروح اتبول اخاف المشيمة نزلت اكثر

من الثقل وضغط الاجنه ابد حبيبتي لا تخافي وراح يخف في الاشهر الوسطى شوي ويرجع في الاخير لاتشيلي هم لاتنسي انك حامل بتوأم يعني اكيد بيكون ضغط على المثانه وعظام الحوض الله يهونها علينا

[LoRa]

صباح الخير

[زود الغلا]

ام البنين ............ اسالي يا بعد قلبي والله ما انتبهت انت تامرين .
ام عيالها .......... شلونك حبيبتي .
لورا ,,,,,,,,, صباح النور وينك غاطة من زمان ماشفناك .

[هجران]

المشاركة الأصلية كتبت بواسطة نونة العسولة

كروشات عطوني رايكم احنا الجو هني حاااار يعني مو نفس الكويت والخليج

بس حار يعتبر وانا حاسبه حسابي ولادتي بتكون بعد 4 او 5 اسابيع

يعني بيكون صيييف وقبل فترة شريت ملابس من موقع المذركير اخذيت هذولي الملابس للبيبيز قماشتهم شتوووووية وكلهم قياس نيوبووورن!! ومن كل شي 2 خذيت

احس متندمه لان مااظن بلبسهم و لا شنو رايكم اروح اردهم واخذ مكانهم شي خفيف؟؟

هذا من موقع المذركير نفسهم اللي خذييتهم







وشرايكم بملابس العيد ان شاء الله خذيتلهم نفس القماش بس اختلاف بالموديل
اذا الجو يكون بارد بس بصورهم فيهم بالاستديو لان حيل عجبوني

صباح الخير للجميع
ذوقك حلو عزيزتي
أنا أفضل أول لبسه إذا كان ناعمة وخفيفة حطيها للمستشفى لأن المكان بيكون بارد
بالنسبة للملابس الثانية حلويييييين لكن محد يضمن الجو وحرارته
إحنا عندنا بالسلطنة الجو للحين نار
لكن نسأل الله يتعدل الجو بعد كم شهر

[هجران]

المشاركة الأصلية كتبت بواسطة محجبه

طيب بسأل سؤال يمكن فيه تطفل يابنات تقدرون تتحركون طبيعي بالسادس والسابع وحده خوقتني تقول ماتقدرين تتحركين من فراشك للحمام الله يعزكم وانا مره خايفه من المصيررررر مع ان الدكتوره تقول الى الان البيبيهات تمام وماسويت ربط واحتمال نولدك بالسابع يممممممه
وثاني شي يعني ماقدر اخدم نفسي ضروري اجيب شغاله دايمه لاني اجيبها كل اسبوع مرررررره تكوي وتنظف
بشوف ياللي بالخامس ومافوق تقدرون تخدمون انفسكم باشياء بسيطه ابي جدول بسيط عشان اتطمن وارتاااااااح الله يفرجها عنكم

عزيزتي لا تتخوفين من حمل إلى حمل يختلف يمكن هي تحس بثقل كبير وحالتها غير حالتك
أنا الحمد لله الحين بالاسبوع الثاني من السابع وفي العمل وداومي متواصل للساعه 4
لكن الحمد لله أقدر أروح وأجي بس أحاسب لأن في العمل مراعيني وما أتحرك كثير

واحس الحركه بعد زينة بس مو كثير يعني لا تحاولي توقفي كثير حتى ما تصير لك أنتفاج بالرجل
وتتعبين وتحسين بثقوله أسفل بطنك
حاسبي عزيزتي وتوكلي على الله
وما يصير إلا الخير

[هجران]

المشاركة الأصلية كتبت بواسطة ام عيالها

مرحبااااااااااا
شلونكم,,,
اليوم نازل ضغطي واكلت ملحومافي فايده ماادري شفيني؟؟؟
منو صارلها مثلي,,,,,
توامي انا بعض المرات يصير جهه مليانه وجهه فاضيه ,,,,

عزيزتي أشربي عصير ليمون وشوية ملح معاه
بعد خذي لبن مملح
لا تاخذي ملح لوحده
وانتبهي ربي يحفظك

[هجران]

المشاركة الأصلية كتبت بواسطة ام عيالها

وبسالكم متى ادش السابع؟؟؟انا بالاسبوع 24؟؟؟؟

لسه عليك عزيزتي لا تستعجلي بس صبري
جدامك كم أسبوع يعني بالاسبوع 27 راح تدخلين السابع
أنا أنجنيت حتى دخلت السابع

[هجران]

المشاركة الأصلية كتبت بواسطة جومانا

سلاااااام بنات كيفكم وايش اخباركم
مرررررة تعبانة بنات من الثقل على تحت نفس منطقة الحوض
وكثير اروح اتبول اخاف المشيمة نزلت اكثر

لا تخافي عزيزتي روحي العيادة تأكدي من المشيمة ولازم تحافظي من الحين إنتي لسه بأول الحمل
حاولي ترفعي رجلك وانتي تجلسي وانتي نايمة حطي مخدتين تحت رجلك عشان المشيمة ولا تتحركي كثير خصوصا أنتي لساتك في البداية وربي يحفظك أنتي وإللي ببطنك