دردشة حوامل أهل القصيم - دردشة بنات القصيم - تجمع حوامل القصيم

[شواطئ الغربه]

مرحباً بالجميع دعواتكم لي
بالولاده السهله حامل بالثامن وراس الجنين فوق
الدكتوره قالت احتمال قيصري
دعواتكم أولد خلال اسبوع
تعبت تعبت

[هتين]

يارب يسهله عليك وعلي وكل حااامل يارب بنااااااااات ايهم افضل الااريكه ولا السرير وقت النفاس

طيب وين تفصل الااريكه ببريده

[شواطئ الغربه]

شوفي يا أختي إذا أنتي عمليه لاسمح الله
الافضل سرير وماعليك من كلام الناس
إذا طبيعي أريكه أفضل شي ماتكون كبيره
لأنه تجي بعضها كبير فيكون شكله مؤ حلو
فصلي أريكه متوسطه شمله بيكون مميز
والله يسهل علي وعليك وكل حامل

[يكفيني وجوده]

مرحبا بنات
انا عضوه جديده
وحابة اسالكن ايهم افضل للولاده
الحبيب ولا القصيم الوطني
لاني محتاره بينهن
انا اتابع الحمل بمستشفى بالرياض
لكن بالولاده ابكون عند اهلي ببريده
ياليت تفيدوني

[هتين]

ياقلبي يام نواف ماعرف بس اعرف وحده ولادة بالحبيب حلو تقول بس ماعرف قوه علشان كذا مادري عن الرعايه ومن هل لامور
دعوتك بكريه وخايفه

[تيامه]

السلام على اهل ديرتي ورحمة الله... ياحبني لكم

انا بالشهر الثالث..ويسعدني انضمامي لكم.. انا محتاره من يوم عرفت اني حامل..ياربي وين اولد به هالمره..?! بصراحة مرتين جربت الولاده حق بريده ولاعجبني..وابي نصايحكم الله يخليكم وش رايكم بمستشفى سعود بعنيزه..?!

[*فنن*]

^
انا من عنيزه
ماجربت الولاده لكن
سعود قليل اللي يذمه الحمدلله
والأغلبيه يفضلونه
والولاده تيسير من ربي
والاطباء والمستشفى كلها اسباب وانتي استخيري
ربي ييسر للجميع

[تيامه]

ياعمري يافنن تسلمين على الرد الله جزاك كل الخير وينولك اللي ببالك يارب...

حبيبتي هتين.. الله يهون عليك يارب وتولدين طبيعي.. اكثري من الحبو.. واعرف وحده زيك نزلت مع الدرج حبوا بشوووويش والحمدلله تعدل وولدت طبيعي.. الله ييسر لك يارب وتجين تبشريننا..

[حنونهه]

كرووشات مين جربت الولادة ب مستشفئ الوفاء بعنيزه..عطوني رايكم

[تيامه]

ليش يابنات القصيم تجمعكم وااااقف.. وينكم..?!

الله يعين على الولاده وحمي على المستشفيات ودي اصيح.. ماخبرتوا لي دايه ههههه..!! استغفر الله يارب

الله يستر ماادري وين اولد..?! وولادتي على مشارف رمضان والشغالات ناااااار.. الهي يسرها ياميسر كل عسير..!!