بعد ماكانت حياتنا كلها حب وعشق وحنان سارت كلها مشاكل وشكك رح تؤدي للطلاق .. شورو عليا

[غفوره]

السلام عليكم ورحمة الله وبركاته كيف حالكم يابنات

ياما قرات مشاكلكم وياما دعيت لكم .. اختكم ولاتنسوني من دعاكم ربي يفرج لي همي

ابغا افضفض لكم لاني متضايقه كثييييير وكل ماجلست افكر ابكي قهر

اتزوجت وانا بقلبي حب ماحد يقدر يوصفه لجوزي وهو كمان

افنيت نفسي لرضاه وهو ارضاني سافرنا وانبسطنا وعشنا احلى ايام صبر عليا لاني كنت تعبانه وماحملت بدري اتاخرت 7 شهور اتفاهمنا على اشياء كتير وبيننا اسرار مره كتير

كنت انا الصدر الحنون له وكان هوا امين اسراري ودوا جروحي كنت معاه عالحلوه والمره وووووو

اوقات اهمل في شغل البيت يساعدني فيه واوقات يسويلي مشاكل وكنت ازعل ومرررره حساسه وكنت اروح بيت اهلي زعلانه ويجي يراضيني ويتاسف لي وارجع بيتي بيننا حب اكتر من اول

من اول ماحملت .. طبعا تعرفو الحمل وتعب الحمل خاصة اول 3 شهور وحام و ووو و و و ماقصرت بشغل البيت وكنت اغسل وانضف واكوي

ولما رحنا لموعد الدكتوره قالتلي المشيمه نازله ولازم ترتاحي لاتشتغلي وجوزي قاللي خلاص لاتشتغلي

كانت تجيني دوخه مره كتير وكانت المواعين تتراكم عليا والبيت الطاولات مغبره كل يومين اسوي شي بسيط من الشغل و ادوخ ويرجع يتراكم وعلى هذا الحال

قام جوزي رجع اتضارب معايا بيتك وسخ انتي ماتهتمي ولما تعبت نفسي بالشغل الدكتوره قالت مشيمتك نازله كتير وشكلك راح تولدي قيصري << وفعلا ولدي بعمليه قيصري :(

رجع قاللي لاتشتغلي المهم طول فترة الحمل واحنا نكد كدا وباخر شهور ماسرت اطبخ ولا اغسل لان بطني كبرت ومرررره تعبت وهوا ماقال لي شي لكن كل شويا يقلي صبرت عليكي ... اذا كان ربنا اتجاوز عالحامل بصلاتها انت بس تذلني ليه ؟ ونا تعبانه عشانه اصلا


قبل العمليه بيوم دخلت عالفيس ولقيت جوزي ضايف وحده بنت من الدول الشقيقه وحاطه صورها بموقعها مررررره انقهرت وقلبي انقبض وغرت غيره فظيعه لاني احبه الغيره مانقدر نتحكم فيها

المهم ونا في بيت اهلي كنت متضايقه منه وهوا يحسب اني نفسيه مع الولاده وانا اصلا فعلا كنت مكتئبه من التعب والالم اللي شفته بولادتي تلقو التفاصيل بموضوع ولادتي :(

المهم ماعطاني بال ابداااااا ولا سال ولا قال اشبك وهذا الشي خلاني انقهر اكتر كيف اني ولدت وتعبت انت ماتجيني ولاتحضني ولا تكلمني بس تجي تشوف ولدك وتخرج ؟؟؟؟ فين كلامك انتي احملي وانا اكون معاكي انتي و انتي و انتي

سكت وكتمت بقلبي بعديييييين جا وسالني ليش كدا سرتي انتي متغيره قلت له انا شفت صداقه بينك وبين بنت وغير هدا كله انت مابتعاملني كويس انا كنت محتاجتك باوقات تعبي وانت ماكنت جنبي ولا كنت تهتم فيا حتى كيف حالك ماتقولها ليا قال لانك انتي نكديه وتزعلي بدون سبب

قلت بقلبي انا هبله اني غرت عليك اصلا استاهل .. بكيت طبعا وكنت مرررره محتاجته وسامحته

بعدها سوا عملية الليزر بعينه وطبعا مايشوف اول اسبوع ولازم بالنضاره ويكون بمكان ظلام قللي ارجعي البيت كيف اهتم بنفسي مدري ايش وانا ماخلصت الاربعين

اهتميت فيه اهتمام هوا نفسه استغرب قللي عمري مارح انسالك جميلك اللي سويتيه معايا

كان ولدي ينام هوا يصحى حطيلي القطره جيبيلي مويه جيعان مدري ايش .. هوا ينام البيبي يصحى وانا كنت وقتها فيا الام ببطني وظهري واتحملت عشان حبيبي وعادي

صح انه ماكان كدا وقت عمليتي لكن انا اسير احسن منه <<

بعد رجعتي للبيت تاني يوم قللي قومي نظفي البيت وسخ .. قلت طيب ياعيوني بس انت اصبر عليا زي منت شايف تعبانه ومابنام

كل يوم كنت اسوي شي مره اكوي مره انضف الارض مره اغسل الحمامات الله يكرمكم

رابع يوم من رجعتي للبيت سوا مشكله معايا غرفة الضيوف وسخه انتي مانضفتي البيت مدري ايش قلت ايش دراك اني مابنضف تبغاني اكتب لك تقرير عن كل شي اسويه ؟؟ هدا بيتي لاتكرهني فيه قال لا مو بيتك .. حزت الكلمه بنفسي

المهم ثاني يوم قمت نضفتها واستعنت بشغالة ام جوزي ولما شافها نضيفه رجع لي يتاسف ويحاول يصلح الوضع ونا جد تعبانه ومقهوره

يعني بيته اهم مني وقلت ياليتني مارجعت له

جا يوم الربوع وقلت له وديني بيت اهلي .. وداني لهم وتركني اربع ايام ماسال ولا اتصل وبامبرز البيبي خلص

اتصلت عليه انا .. اتطريت اني اتصل .. فينك ؟ يقوول انتي قلتي وديني بيت اهلي بس ماقلتي رجعني لبيتي !!!!

ياسلام ؟؟ بالقوه يبغا مشاكل قلت خذيه علا قد عقله قلت طيب يلا تعال رجعني لبيتي .. وجاني

المهم كل يوم علا مشاكل وضيقه وهم مره اسكت ومرات لا ارد له سار يسبني واسكت وقلت له لاتسبني احترمني لو سمحت رجع سبني سبيته

وطاح الحطب ورجعنا يوم بس وبعد كدا مضاربه تاني عالبيت ونضافة البيت .. ذاك اليوم انا خلاااص جاتني حالة نفسيه منه

قلت له ماتشوووف انت مابنام واول ما اصحا اروح للولد وبعدين اطبخ وو انا تعببببببببت منك ورميت كاسه كانت بيدي وتفشفشت بالارض عمري ماسويتها لكن والله جبلي حالة نفسيه كرهتوووووو

سرت احس نفسي شغاااله بس انضف و اربي مره مافي حب ولا حضن ولا شي

اقله البيت نضييف مافيه زباله ولا نمل ولا ترااب يقلي انا ما انتظر الين يسير فيه تراب

طيب دام ماشي حاله ليه تدقق ع كل شي

بعد كم يوم اعتذرلي تااني ولسا يافرحه ماتمت رجججججع تاني يتضارب المهم سرت اطنننننننننشه ولا ارد عليه ان شفت نفسي طيبه قمت سويت شغل البيت وان نام البيبي قمت للبيت

واللي مضايقني كمااان غير اخلاقه السيئه معايا .. جواله كان جنبي وارسل صاحبه ونورت الشاشه وشفت صورة بنت نص لابسه

وسويت اني ماشفت شي


ليه كذذذذااااااا انا ايش ناقصني ... رشيقه وبيضه وفيا مواصفات اي شاب يتمناها وغير كدا بعد الولاده ولا خط ماطلع بجسمي مهتمه بنفسي حتا لما البس له قصير يقلي البسي طويل الجو بارد ،، سرت البس بجامات عشان الجو.. وانت تشوف بنات مفصخاات والله قلبي ولللع من القههههرررررر


وفوق هدا كله سكت ...

جاني قبل يومين يقلي بتروحي بيت اهلك ولا تنرزعي هنا .. طنشته .. بعدها بيوم جا قلي ترا مسافر خلي اخوكي يجي ياخدك ،، وخرج من البيت

والبيت ناقصه اشيا كثيييير انقهرت وولعت وبكيت لدرجة حليب صدري نشف من القهر اتصلت عليه كنت زي المجنونه اصرخ كيف تسيبنا واحنا ناقصنا اشبا كتير اول ماترجع تعال طلقني .. قال لي طيب رح اطلقك وقفل بوجهي ...
نونتي بس يبكي جيعان ونا مقهوره اشتكيت لامه و ابوه وقالو رح يكلموه بس انتي اصبري واجلسي قلت لااا والله ما ابغاه وراح اطلب منه الطلاق طبعا من ورا قلبي

واتصلت ع اهلي و اخويا جاني و رحنا الصيدليه اشتريت اغراض ناقصتنا

وهو الان رجع من السفر سافر يوم ورجع

ايش رايكم بحركاته انا طولت ادري لكن والله كاتمه كثير بقلبي مقهوره وقلبي مولع نار من حركاته

حتا جوالاته صار مقفلها برقم سري مع انه عمره ماكان جواله مقفل

انا قلت رح اجلس ببيت اهلي ومارح ارجعله الا لما يتادب بس خوفي مايتادب ويتركني بهمي وانا لسا باقيه احبه لكن مجروحه منه مرررره بسبب صور جواله والفيس بوك تبعه

محسسني انه عايش حياته ومبسوط وانا هنا شايله الهم لوحدي مع ولدي لا نومي نوم ولا يومي يوم وبالقوه الحليب ينزل مع اني نفسي ارضع ولدي طبيعي عمره شهرين حبيب قلبي


طولت عليكم اعذروووني بس مخنووووووووقه احس حياتي معاه شارفت عالانتهاء و ان جوزي اللي حبيته اختفا ومات وجا واحد ثاني قاسي اخلاقه سيئه يتفرج ع صور البنات


ادعولي

[شمس الربيع]

رايي يا اختي خذي ولدك و روحي بيت اهلك و نسيه كانو مش موجود بحياتك الان ولدك محتاج لك كثيييير و ترى طفلك يتاثر من نفسيتك لذلك لازم تكوني مرتاحة

لا عاد تفكري في زوجك احبه ما احبه تركني ليش عمل هيك وووو انتي بتعبي حالك و هو ما مهتم و لا مقدر ظروفك بعد الولادة و لا حتى اثناء الحمل لا تكلميه ابدا و اذا اتصل عليك احكي معو ببرودة اعصاب لازم يوعى على حالو من نفسو مش حتى تحرقي دمك و تموتي قهر

المهم اهتمي بصلتك بالله و بطفلك و طنشييييييييييه زي ما هو يطنش احاسيسك

بعدين اذا حب يرجعك لازم تحطي شروطك

لازم نتعلم في هذه الحياة لا نربط حياتنا باي شخص مهمن كان لان الدنيا تقلبات غير مضمونة اجعلي صلتكي بالله قوية و اسمعي دروس في ازالة الهم و السعادة بجنب الله حتى ترتاحي و تعرفي تربي ولدك و اطلبي الله يهدي زوجك و يعرف قيمتك

[هبهوبة]

الله اعلم جوزك متعرف على وحدة

كل ما عليكي هو .. ترجعي ع بيتك .. و تفتشي وراه و تخليه غصب عنو يورجيكي كل شي بموبايلو و ازا رفض عودي انتي سويلو مشاكل نكدي عليه عيشتو .. هو هيك لانو انتي ساكتيلو من اليوم و رايح لازم انتي تبلشي بالمشاكل معو و ما تخليلو مجال يتنفس لازم الباسوورد و حسابو ع الفيس بوك و الايميلات كلا تكون تحت سيطرتك

[om yosof]

حبيبة قلبي عني لك كم نصيحة اولها نظفي البيت نظافة تامة يعني استعيني بشغاله ام زوجك وخلصيه كلو في يوم كامل وحاولي ما ترهقي حالك يعني خليها تقومباغلب الشغل واعطيها فلوس بس خلصيه كلو عشان ما يكون لو حجه وبعين حاولي تحافظي عليه.. ثاني شيء زوجك تجلسي معاه جلسة صراحة بس توضبي حالك وتتكشخي وتلبسي احلى لبس وتروحي لو تلعي وتحكي كل شيء بقلبك ولا تسمحي لشيطان يدخل اكتر من هيك وناقشي حل معاه لموضوع الحريم والخيانة صارت زي الموضه هالايام .. حاولي تعرفي ايش يبغى ويور برا البيت وسوي لو ..واذا ناقصك شيء في البيت بلع وهوء لا تتعصبي واهم شيء ولدك حررررررررررررررااااااااااااااااااااااااااااام عاليك تمنعي عنوالرضاعه الطبيعه عشان خلافاتك طنشي تماما وحاولي تبعدي نفسك عن المشاكل والهموم ع الاقل لين يتم ست شهور وضميه ولا تصير تصرخي جنيو بيتعق وبتيلوا حاله نفسية...!! وبعين احكي مع زوجك وحاولي توصلي معه لحل عشان ولدك ع الاقل بس ابعدي عن الطلاق وكثير من الحلاوة الطحينه شان تر اللبن والله يفر همك يار ب

[ام سوو]

عادي حبيبتي ارجعيله واذا شفتي قاعد على النت مع ذا البنات او في ذا الجوال مع البنات وحاط خلفيات بنات عادي بردي حرتك قومي ارمي جواله على البلاط خليه يتكسر وقومي كسري لابتوبه بردي حرتك مدامه صار بارد احساس وماايحس فيك وقوليله ياانا ياقلت الحيا الي انت فيها اجل هو يقهرك وانتي ساكته بردي حرتك ولاتنقهرين ابد واذا على نظافة البيت نظفي بكيفك واذا قال البيت وسخ ولاتكلم على نظافة البيت قوليله لما اروق راح انظف هو حس من تصرفاتك انك تبغينه ومماتبغين تخصرينه فقاعد يدلع عليك بسافر ومادري ايه وانتي قلتي وديني ماقلتي رجعني فهو قاعد يدلع عليك وانتي تبينين انك تحبينه وماتبين تخسريه

[Aybaby]

زوجك لعاب و انتي ماتستهالينه
و ع فكره لا سافر و لا بطيخ
راح يكمل العابه
و لاتجلسين بجنون احبه و مادري ايش
حاولي تدورين لك وظيفه و ابتعدي عنه و خليطلقك
مانتي محتاجه له و لا انك تضيعين مشاعرك لشخص كذا
بعدين اسلوب انك ميته عليه هو اللي يخليه يبعد عنك
لكن جربي تنرفزينه بشي يكرهه
لو قالج مليون مره البيت وصخ سوي نفسج ماسمعتي
و لا تردين و بلا حرقه اعصاب مالها داعي
الرجال اخر من نضيع حياتنا عليهم
و بصراحه اسمحي لي اقولك انتي حساسه و عاطفيه كثير
حاولي تكونين صبوره وقويه و مش ع اي شي تشتكين و تتكلمين

[الاميرة توتة]

والله حالتك يبغالها دعاااااااااااء واستغفار
ضاع الرجوله منو يسافر ويتركك لوحدك انتي وطفلك
اعطيتيه وجه مررررررره وربي هذا اضربي الباب في وجهو ينقلع

[اللؤلؤة اللامعة]

الله يصلح اموركم ويهديكم انا انصحك تكوني وسط بس وقت الاشياء اللي تشوفي فيها انها تزعلك لا تسكتي عن حقك
وعمر الحق مايزعل وحافظي على زوجك وبيتك وبصراحه احس انه تعود على الدلع والدلال يبغاله شويه جديه منك بالمعامله
من غير بكاء من غير عصبيه اهم شي جــــــــــــــديه

[مي &]

ربي يفرجها لك انشالله

[غفوره]

شكرا اخواتي الحبيبات .. دحين انا في بيت اهلي من خمسة ايام ولا اتصل ولا سال لا عليا ولا علا ولدو ..

عموما انا قلت مالو ذنب النونو احرمه من الحليب وما اكل وتنسد نفسي بسبب واحد ما اهتم فينا

سرت اكل اكل اكل والحمدلله حليبي رجع زي اول وحاولت اخرج من جوي والحمدلله حالي احسن من اول كنت كل شوي ابكي ومقهوره

خسارة الحب والطيبه في هدا الزمان

الطيب ياكل هوى

وامه تقلي ارجعي لاتفضحونا احمدي ربك في اخس منه تخيلو ؟؟! ولاتخربي بيتك

قلت لها لو انه خير ليا ربي حيجيبوه ولو انه شر ليا ربي رح يبعده ههه شكلي قهرتها وبعدها سكتت ماكلمتني

والله شي يرفع الضغط لكن خلاص

مالو داعي اشيل الهم وربي على كل شيء قدير شايف وعارف وحسبي الله ونعم الوكيل عليهم وعلى اصحاب السوووء