دردشة حوامل أهل القصيم - دردشة بنات القصيم - تجمع حوامل القصيم

[بريداويه..]

المشاركة الأصلية كتبت بواسطة بطة بيضاء

والله خوفتيني خصوصا حملي ماجاء بالساهل حملي بالانابيب وانا مثلك اقول عندي افرازات تقول عادي وماتعطي وجه والتحاليل ع اول مره حتى الحديد والكالسيوم ماصرفت لي تقول بعد شهر وانا بااول الخامس

رايك اروح لااهلي بس وين اروووووح الله يعين ع زوجي

شوفي ياقلبي الناس اللي يمدحونها ترى ماعندهم خلاف وحملهم سليم ماشاء الله
هي مااقولك شينه لكن مو بالصوره اللي رسمتها في بالي قبل لاادخل عليها
تحاليل ماتهتم فيها وكل المستشفى بكبره مايناظرون للتحاليل ..
والله اني اشد منك تعبت من دكتور لدكتور تعبت ومالقيت اللي يرحني كثير
قلت لك التحاليل سويها لنفسك
كل اسبوعين روحي سوي تحليل بول ..
واذا معك افرازات روحي للفيحاء وادخلي عالدكتوره قولي لها ابي اسوي لنفسي مسحه وتعطيك وشوفي هالشي طبيعي ولا لا ..
اذا لا سوي زراعه افضل ..
وبالنسبه لوضعك انصحك تحولين على دكتور افضل وادق بالامور هذي انا ناويه احول على دكتور
كونها ليلى مسافره وبدالها باكستانيه تحوم الكبد اقولها الرحم مفتوح تقول مافي مشكل
وليلى ماراح تجي الا بشوال ..
ولابعد لعلمك بالواسطه تدخلين عليها لانها زحمه ..
انا مادخلت عليها مجرد ماقلت ابي ليلى ..
حاليا اراجع عند مستشفى القصيم الوطني روحي لها يمكن ترتاحين لها اسمها هلاله
وطمنينا عنك ..

[بريداويه..]

انا صرفت لي الكالسيوم والحديد بداية الرابع لان عندي نقص ومازال ..
يمكن انتي مو حتاجه لها للحين على فكره اذا انتي على شريط حملك لسه مادخلتي الخامس ..

[محجبه]

المشاركة الأصلية كتبت بواسطة بطة بيضاء

يعني كووووووووووووويسه من ناحية التحاليل لو احتاج ربط

الله يبلغك بشوفة ضناك يارب وجميع الحوامل مادري من ناحيه الربط انا اقصد اللي يراجعون عندها لكن اسالي احد سوى ربط وعنده خبره الله يثبت حملي وحملك

[هنوسه]

مرحبا كروشات.. ان شاء الله تمام؟؟

حبيت اسالكم عن مستشفى الحبيب ومن ولدت فيه ..؟؟

ووش احسن مستشفى حكومي او خاااص؟؟

[عشبه]

المشاركة الأصلية كتبت بواسطة شوفو شموخي

ياقلبي الحال من بعضه انا بالشهر الثالث ونازله...
بس ارفعي رجولك على مركات...
ولاتشيلي شي ثقيل...
والله يتمم لنا اجمعين
وعليك بشرب مويه زمزم بينه تمام الحمل بلا مشاكل يارب

مرحبا اي انا قالولي سوي كذا وحذذروني من المشاوير وقالو كثري من المويه بس يالله كانت موعدي بعد ماجيت من اهلي والحين حالي يرثاله الله تسير لنا وكل الحوامل تعبت طول يومي بسريري بس اشلون اختي شموخ انتي بثالت والمشيمه نازله غريبه انتي بدايه الثالث او نهايته يالله فرجها علينا

[عشبه]

المشاركة الأصلية كتبت بواسطة هنوسه

مرحبا كروشات.. ان شاء الله تمام؟؟

حبيت اسالكم عن مستشفى الحبيب ومن ولدت فيه ..؟؟

ووش احسن مستشفى حكومي او خاااص؟؟

الله يفرجها عليك مستشفي الحبيب للولادة لسي محد ولد لنا فيه خواتي والدات في مستشفي الوفا بعنيزة

[عشبه]

بنات ليلي عامر زحمته موت موت خواتي يسبون زحمتها

[عشبه]

المشاركة الأصلية كتبت بواسطة محجبه

الله يبلغك بشوفة ضناك يارب وجميع الحوامل مادري من ناحيه الربط انا اقصد اللي يراجعون عندها لكن اسالي احد سوى ربط وعنده خبره الله يثبت حملي وحملك

امين يارب خصوصا الحمل الاول ماتعرفين عنه شي الله يفرج لنا

[عشبه]

بطا بيضا انتي محتاجه ربط

[قمر1]

اهلين كروشات عندى سوال من الى تعرف احد سوى بنج نصفى فى الولاده ؟؟؟
انا ولا دتى قيصرى ودى اشوف مستشفى الولاده يسوون بنج نصفى او لا؟؟؟