تجمع حــوامل التوائم

[أم فاطمة]

أمس كان عندي موعد في مستشفى التداوي والدكتورة سوت لي سونار للبيبيات وطلعو بنوتات بمشيمة وحدة وكيس واحد وكان الحمد لله كل شي فيهم طبيعي
وكان وزنهم تقارب كثير الفرق بين الثنتين 60 جرام وراح معي زوجي واستانس واهو يسمع نبض كل وحدة فيهم ويشوف صورتها

سألت الدكتورة عن الاشعة الرباعية قالت لي بما انهم توأم ما انصحش ابها لانها مو كويسة على شانهم
وسألتها متى احسن وقت لولادة التوأم قالت لي في الاسبوع 38 لان التوأم بيكونون كتملين من جميع النواحي سمعتي يا توأمي المستعجلة
بنات ابي اسألكم انا لي في تاريخ 23 من شعبان موعد سونار في مستشفى الحكومي تتوقعون عادي اسوية وخصوصا انا توني مسويه سونار امس والمشكلة انه ضروري

[ام عيالها]

ام فاطمه,,,
ضروري بعرف سالي دكتورتج ليش الرباعي موزين على التوأم انا سويت اليوم؟؟؟؟؟؟؟؟؟؟؟؟؟؟؟؟؟

[~ أهات ~]

انا متاكده اني حامل بتوام ..

بس متاخره علي الدوره 6 ايام

متى اروح اسوي تصوير عشان يبان التوام

يعني بعد تاخر الدوره بكم يوم ؟؟

لاطنشوووووو ن

وعندي امل انضم لكم قريب ..

وبحمل ثلاثي ..

[(سوسو)]

مرحبا ياحوامل
عندي سؤال عن حجم البطن لزود الغلا وجومانا ومحجبه بما انا قريبين من بعض اذا كنت واقفه يكون الحمل واضح اذا نمت على السرير يكون الحجم صغير تحت السره هذا طبيعي ولا كيف اذا كانت المثانه مليانه وانتو بكرامه يوصل للسره الي يخليني افكر لأني ماحسيت بالحركه. وحمض الفوليك ناخذه الى الحين والا يكفي الحديد والكالسيوم حبه من كل واحد
بالنسبه لي اختي اهات عرفت بالاسبوع السادس من الحمل وان شاء الله تنظمين لنا.

[هجران]

المشاركة الأصلية كتبت بواسطة ~ أهات ~

انا متاكده اني حامل بتوام ..

بس متاخره علي الدوره 6 ايام

متى اروح اسوي تصوير عشان يبان التوام

يعني بعد تاخر الدوره بكم يوم ؟؟

لاطنشوووووو ن

وعندي امل انضم لكم قريب ..

وبحمل ثلاثي ..

قولي أن شاء الله أختي الكريمة
وبأذن الله تكوني حامل بتؤام

[هجران]

مساء الخير للجميع
عزيزاتي الكروشات كيفكم
الحمد لله دخلت الاسبوع ال29 وربي يعدي الاسابيع على خير وما أحس فيها ما شاء الله ثقل متعب والحمد لله على كل حال
ربي يطمنا عليكم وعلى
تؤامي فرحة عمري
وعلى ملاذ الطير
تشجعونا
ومنكم نستفيد
ربي يسهل ويهون عليكم

[البرنسيسة..؟]

مــــساء الخيــر

[نـــــــارا]

أول مرة اسمع أن التصوير الرباعي مو زين... أنا سويته عند استشارية تصوير سونار وسألتها إذا في مضرة وكانت تقول ما منه مضرة واحنا نعرف المدة اللي نستخدم فيها التصوير وما نزيد عليها والجهاز متطور أكثر من الجهاز السابق والمتطور يلغي عيوب القديم

والرباعي يكشف أشياء ما يكشفها التصوير العادي

أما عن الفترة ما بين كل تصوير والثاني يفضل تكون شهر
وإذا أسبوعين بعد عادي الفرق لكن اهم شي ما تكون الفترة اللي تتعرضين لها للتصوير طويلة

يعني مثلاً انا دكتورتي حتى 5 دقايق ما تاخذ وهي تسوي السونار العادي

لما رحت الرباعي أول مرة الدكتورة سوت لي سونار ثلث ساعة وقبلها كانت سائلتني متى آخر مرة سويتين سونار وقلت لها قبل أسبوع وحطت في بالها هالشي

وسألتني متى موعدج الياي عند دكتورتج؟ قلت لها بعد أسبوعين.. قالت لي تمام عيل

يعني الدكتور الشاطر المفروض يعرف الكمية والوقت اللي تتعرضين له للتصوير

[محجبه]

المشاركة الأصلية كتبت بواسطة (سوسو)

مرحبا ياحوامل
عندي سؤال عن حجم البطن لزود الغلا وجومانا ومحجبه بما انا قريبين من بعض اذا كنت واقفه يكون الحمل واضح اذا نمت على السرير يكون الحجم صغير تحت السره هذا طبيعي ولا كيف اذا كانت المثانه مليانه وانتو بكرامه يوصل للسره الي يخليني افكر لأني ماحسيت بالحركه. وحمض الفوليك ناخذه الى الحين والا يكفي الحديد والكالسيوم حبه من كل واحد
بالنسبه لي اختي اهات عرفت بالاسبوع السادس من الحمل وان شاء الله تنظمين لنا.

حياك الله اختي سوسو كلنا في الهوا سوا انا زيك بالضبط اذا انا واقفه كني بالثامن او التاسع واذا نمت واخصه على ضهري يصير صغير عاااادي
والحركه انا للحين ماحسيت بها يقولون ان التوام تتاخر حركتهم
والفوليك للحين اكله الدكتوره تقول لاتوقفيه والكالسيوم حبتين مهو حبه لاننا توام نختلف عن العادي والحديد حبه للحين مازودت لي جرعته

[ام حسن وحسين]

مساء الخير

اشلونكم انا عضوة جديدة حبيت انظم اليكم واسولف وياكم

انا عندى ولد والحمدلله عمره سنه و7 شهور واللحين انا حامل والحمدلله بتوأم الصلاة على محمد وانا فى الاسبوع 10


بس بغيت اسألكم اشلون اعرف اذا توائمى فى مشيمه وحده اولا لانى اشوف فى السونار واحد فوق بروحه وواحد تحت بروحه ؟"؟؟


وبسألكم دكتورى قرر يسوى لى ربط لما اكمل الاسبوع 12 وانا خايفه .... فى احد سوى ربط وهل العملية مؤلمه

وسامحونى على كثرة الاسئله ....