انا مرضع وأحسست اليوم بوجود كتله

[الدوحه]

السلام عليكم ورحمة الله وبركاته

انا صار لي والده 34 يوم ومن كم يوم كنت أحس بألم في الحلمه لما ولدي يرضع مني وقبل ماارضعه أحس بالخوف من الألم لان لألم شديد قلت حق امي قالت عادي هاي من التشققات حطي زيت ولا ترضعينه بس اليوم لاحظت ان مب الحلمه تعورني طلع في كتله داخل الثدي بجانب الحلمه تعورني وايد والكتلة مب صغيره ولا كبيره قد حبة الفستق وأنا خايفه وأنا اعطي ولدي طبيعي وصناعي والثدي الثاني احسه مافيه حليب نفس هاي الثدي شااسوي وزوجي قال بكره بوديج الدكتور اليوم مشغول حد صار له هالشي طمنوني لأني خايفه وجزاكم الله خيرا

[المتأمله خير]

الف الحمدلله على سلامتك اانا صارلي اكثر من هيك التهب الصدر كامل والحلمه تشقتت لدرجة الدم ينزل منها وهذا كله لان ابني كان يرضع طبيعي وصناعي مو معتمد اعتماد كلي على الطبيعي جبت كريم خاص للحلمه للمرضعه وكان روعه ريحني

بنتي العكس ما صار ولا شي لسببين الاول لانها مش البكر والطفل الثاني رضاعته اسهل من البكر السبب الثاني لغيت الصناعي وكان اعتمادها علي انا بس ..وكنت اهتم بتغذيتي عشان ما اظلمها

انتي روحي للدكتوره توصفلك شي يناسبك واهتمي بتغذيتك عشان يصير فيك حليب يغذي الطفل.. لاتخافي طبيعي مع الرضاعه تصير هالاختلافات والاوجاع

طمنينا

[الدوحه]

الله يسلمج اختي ..

ومشكورة ع الرد .. ان شاءالله بكره رايحه المستشفى عشان اتطمن أكثر

امي قالت لي يمكن لان الولد رجع الحليب فدخل في الثدي جذي يعور وطلعلي هالكتله..

والكتلة وايد تعور الحين ماصرت اعطيه الحليب من هالثدي والثدي الثاني الحليب شوي مايكفيه وأنا دخلت له صناعي عشان يشبع

الله المستعان

[دانا الشهري]

سلآمتك يآ آختي
طمنينآ تكفين

[ام نرجوسه]

السلام عليكم
بالنسبة لموضوع التشققات بتصير مع اغلب النساء في اول بيبي وانا وحده منهم يعني عادي ما تخافي كتير وبالنسبة لﻷنتفاخ ما عندي علم بس اتمنى الي عندها علم من الاخوات تفيدك وياريت أتطمنينا عليك

[الدوحه]

الله يسلمكم ..
الحمدالله رحت المستشفى الدكتوره طمنتني قالت هالكتله بسبب انسداد القنوات الحليبيه واحتقانها
وقالت لي آخذ بنادول عشان الالم وعطتني مرهم بس مااقدر ارضع ولدي للحين الكتله موجوده وتعور ..
الحمدالله على كل حال

وجزاكم الله خير خواتي ع الرد

[مستشارة البشرة]

عليكي العافية ياأختي ولكن لا تخافي...اذا الولد تجشأ او تكرع بصدرك ممكن يسبب لكي وجع وتكتل بس ما يخوف ...انتي اللي عليكي تدخلي تحت الدش وتحطي موية دافية وتمسجي الثدي لتحت ...وبعدين ترضعين طفلك ضروري ولما يمسك الحلمة ويبدأ بالرضاعه اسحبي الحلمه بسرعه عشان يطلع الهوا _هيا مؤلمة شوية بس بإذن الله بعدها ترتاحي وحاولي تكرري الموضوع لين يروح التكتل ...وبالنسبة للتكتلات ياقلبي بعد كل رضاعه امسحي الحلمه بموية دفية وبعدها بشوية زيت زيتون وبعدها حطي قطن الرضاعه حق جونسون افضل نوع وقبل ما ترضعي طفلك تمسحي صدرك بموية ايضا...عليكي العافية

[مريم العنزي]

الله يعينج

[الدوحه]

الله يسلمكم ويعافيكم وجزاكم الله خيرا
اختي مستشارة البشرة جزاج الله خير كلامج نفس كلام خالتي بالضبط سبحان الله
انا صرت اخاف ارضع ولدي يعور صرت اشفط الحليب لان الكتله عند الحلمه وان شاءالله بسوي الي قلتي لي عنه

[حسنا]

الحمدلله على سلامتك حبيبتي الله يشفيكي ويعافيكي وربي يخليلك المولود الجديد يااارب حبيت ادعيلك