دردشة بنات العراق, دردشة حوامل العراق , تجمع بنات العراق

[الكاردينيا]

ياهلا حبي تارة شلونج مشتاقتلج اخبارج يارب انتي والنونو بالف خير ومرتاحة وياارب يسمع منج والسنة الجاية اطفالنا باحضانة وفرحانيين سلامي لخالة اني بدون مراجعة اكل نستلة كومة هههههه،،، بس اليوم كلشي مدا اكدر اكل لان حرگة بمعدتي (الجالي) موتني

[بشارة]

المشاركة الأصلية كتبت بواسطة شمعه امل

هلو مراوي الحمد لله ماشين نحمد الله

هههههههههه اي جيد اني هسه بجديد ب4 وصايرة غرفتيين كباااااارههههههههههههههههه من اوصل اشهر الجايه الله اعلم كم حصير زدت بهالكم شهر 4 ك لانو ميصير اتحرك باكل وانام انتي كم زدتي من اول الحمل لهسه
يلا نورة حتسمع الموسيقى راح ترقص بدالك

هلوووو تاره حياتي شلونك و البيبي و مصطفى شلونهم يارب تكونون بخير
اني زدت 9 كيلوات من بداية الحمل لحد الان والحمد لله ...ههههههههههه الله يدري شلون حكدر انزلهم وره الولاده ان شاء الله ...فوكاها اني خشنه وطويله وتخيلي شكد امبيين عليه
الحمدلله على كل حال

المشاركة الأصلية كتبت بواسطة الكاردينيا

امممم ليش اجيبون طاري الزيادة احس روحي راح انفجر هههههه ،،،، مروواي همزين راح تخلصين وترة كلهم هيج توكفين وياهم وهم ابد ميكوفون لاحد شنسوي نتحمل ،،،، الحمد لله تارة حبي طلع ماكو شي وياارب يسمع منج ونولد بالسلامة ويحفظهم النة

هلو حبي شلوونج ..والنونو شلونه ان شاء الله بخير
هايه الواحد يسوي خير ويذب بالشط
والحمد لله على كل حال

المشاركة الأصلية كتبت بواسطة ""ام حمودي""

مراوي حبي لتهتمين الها سويها لله اولا ولزوجج ثانيا وانشالله تحصدين خير

بقيه البنات انشالله كلكم بخير... لتنسوني بالدعاء دايما

حياتي ام حمودي الله يكومج بالسلامه و يريح بالج و ييسرلج كل عسير
الللهم امين

المشاركة الأصلية كتبت بواسطة شعور الامومة

هلو عيوني شلونج نهارج سعيد انشاء الله انتي ونورة وابو نورة وعمة نورة العروس ...........وعشيرة نورةهههههههههههههههههههه شلونج الج وحشة مالصبح صاير مو مثل قبل جنةمتونسين الله على هذيج الايام

هلو رقاوي حياتي شونج
والله الها وحشه سوالف الصبح ههههههههههه
اني صايره يادوب اكعد اتريك و اسوي لزوجي ريوك وبس يروح للدوام ارجع انام ههههههههههه
اكعد وره ال12 هههههههههههههه تنبل اصلي

المشاركة الأصلية كتبت بواسطة المغتربه المتفائله

هلوو بنات

شلووونكم جميعا

بعدني ماجبت لحد هسه
ومحبطه جدا جدا جدا
وصاير مالي خلك اي شي
لا اطلع من البيت وبطلت امشي
وجاي اخلص وقتي نوم
البارحه رحت للمراجعه
وجيكت وضع الطفل وكالت الدكتوره
اكدر انتضر اسبوع وهاذه اخر مهله
وسويت سونار والمفاجئه شنووووو
كالتلي انتي حامل بنووووته
طبعا هنا ممنوع يكولون جنس الطفل
بس هيه لان لح عليه زوجي
كالتله بنيه والله اعلم
اني السونار السويته بالشهر السادس بلاسبوع 22
جان ملون ثري دي وكالت ولد
وهسه سويت بعد الاسبوع 40 كالت بنيه
ما اعرف منو الاصح واني جهزت كله الالوان
بس اكثر شي بي السمائي
والحمد لله بكل الاحوال
ما همني اذا ولد لو بنيه اهم شي تمام الخلقه
اريد اجيب واخلص
وطبعا حددتلي بعد اسبوع موعد للطلق الصناعي
انام بالمستشفى ادعووووووووووووولي حيبباتي
واعذروني اذا ما اذكرت اسمائكم
كلش تعبانه نفسيا وجسديا
واذا الله كتلبي ولدت اكيد راح اكتبلكم

سلامي للكل بدون استثناء

اويلي اويلي دا اشعر بكمية اليأس العندج هههههههههههه
حبي صيري قويه حتى يكون بيج حيل وحماسه للولاده
وكل تاخيره وبيها خير
ويجوز حسابج جان غلط لذلك تاخرتي
والف الف الف الف مبروووووووووووووووووووك البنوته ان شاء الله تتربى بعزكم وتشوفيها عروسه
وكلشي من رب العالمين حلو ..بنيه او ولد ... نعمة فضيله ..الله ينطي و يرزق الجميع اولاد صالحيين سليميين معافيين اللهم اميين
ويفرحنه بيهم و بأولاد اولادهم
الله يكومج بالسلامه حياتي كولي يالله يالطيف
وان شاء الله سهله

[o فرح عمريo]

مرحباااااااااااا بناااات شخباركم اليوم يارب بألف خير
طبعا بدايه اهنئكم بالمولد النبوي الشريف ويارب ينعاد عليكم كل سنه بالخير وبالبركه وسنه الجايه نحتفل بي ويه كتاكيتنه ههههههههه

\
\

هلاو تاره حياتي شخبارج اني اشوق عمري واسأل عنج والنونو بخير والامتحانات اسبوع الجاي يله تخلص ان شا الله

مراوي شخبارج وشخبار نوره يارب بخير

سراوي حياتي صدك تفاجأت بالموضوع اثاري هذا السونار هم مو شي مضمون والعلم عند الله
بس الحمدلله على كل حال ولد بنت المهم اتمام الخلقه ربي يجيبه بالسلامه وتفرحين بشوفتها يارب وماكو احلى من البنوتات حبيبتي

ام حمودي الحمدلله حياتي اتطمني ع النونو ربي يجيبه بالسلامه

سموره حياتي الله يسلمج عمري وربي يجعلكم بالخير ان شاء الله

منى عمري حياتي شخبارج يارب بخير تسلمين ع الدعوه الحلوه وربي يتمم ع الجميع ان شاء الله
بس انتي حامل بكم شهر ؟؟ ليش ممسويه شريط حمل حتى نتابع وياج ؟؟

باقي البنات من الالف الى اليااااااااااااااااااااااااااااااء يارب تكونون بخير

[gardynya]

مساء الخير حبيباتي اشلونكم ونونياتكم اشلونهم
هاي شنو اشو ام حمودي ليهسه تنتظر والمغتربه همين الله ايسهل عليكم انشاء الله
صارلي مده طويله مداخله للتجمع جنت مشغوله بالامتحانات مالت بناتي وبعدين كملو ورحت البغداد
وصارلي يومين من اجيت وكلش مريضه لان نزلت الدوره مالتي بعد 5شهور من الانتظار وهسه عندي نزيف حاد

سلامي لكل البنات الي ذكروني

[الكاردينيا]

ياهلااا بيج ونوورتي وسفرة سعيدة واكيد الحمد لله على سلامتج وديري بالج على روحج ولازم يصير قوي لان بعد خمس شهور مو قليلة وارتاحي حتى لاتزيد عليج ويارب يخليلج البنات وتشوفيهم عروساات حلوات

[الكاردينيا]

شلوووونكم ياابناات اخباااركم الكل يااارب بخير وراحة

[الكاردينيا]

بناات ياحلواات اريد اخذ رأيكم ونصايحكم بموضوع
تعرفون بعد اقل من شهر عيد الحب وعاجبني اسوي سهرة حلوة لزوجي
الصراحة احس روحي مقصرة ويا من ولادتي الاولى واللي صار هملتة وهملت نفسي طبعا العام جان اول عيد حب يمر علينا!!!!!!!!!!!!
بس وللاسف كضينا بالمستشفى جنت جايبة والبنية بالحضانة واني يمها وجنو مقهورين وتعبانيين وكل الحزن بينا(الله لايشوفها لاحد مصيبتنا)

وبعدها ب5 اشهر طلعنا بيت لوحدنا والحمد لله بس مسويت شي او احتفال لان بعد شهر من طلعتنا حملت والحمد لله
وبدة خوفي على النونو وصحتة والصراحة هملت نفسي حيل وحبيبي متحمل يكول المهم سلامتج

اني انقهرت على وضعة هو يتعب حيل بشغلة وعلمودي اريد اسوي شي يخلي يفرح
وينسة اللي صارلنة واحسسة بحبي الة وان تقصيري مو لان مااحبة بس خوف على النونو ووضعة

ونفس الوكت احس شكلي وبطني اتضحك هههه

حبيباتي اريد منكم افكار تكون بسيطة وحلوة ومابيها تعب هههه بس بيها رومانسية وحب
اريد ابدي احضر بدون ميحس حتى يتفاجئ بيها

ادري طولت عليكم بس ماعندي خوات وماما استحي منها انتو املي الوحيد ويااااارب الحياة الحلوة للكل

[شهدعمري]

مرحباااااا بنات شلونكم شخباركم مشتاقتلكم كوماااااااااااات كومات ومثل ماتعرفون انا ولدت
وشكرااااااا لكل الي هنوني بمناسبة ولادتي وعقبال كل الي ولادتهم قربت يا رب يسهل عليكم ويقومكم بالسلامه يا الله يا كريم
وعقبال كل الي ماعندها ضنى يارب يملي حضنها بالاطفال ويفرح قلبها
طبعا انا ولدت بنوته مثل القمر وانتو تعرفون من قبل عندي بنوتين والسونار كل مره كان يقول شيء لذلك خليتها على الله وقلت الحمد لله ولد ولا بنت ولا اعتراض على قدرته رغم انو الانسان يحب يشوف ذريته من الاناث والذكور لاكن الله اعرف بما قدر لذلك لا اعتراض لا اعترض والحمد انا وزوجي فرحانين جدااااا وكأنو اول مره يصير عدنا بنت فديت قلبهاا احلا دنونه بالدنيا يوميا اشبعهااا بوس كثر ما تعبتني وهسه اترككم مع قصة ولادتي مع التحفظ على بعض الاشياء حتى ما اخوفكم خخخخخخخخخخخخخ
طبعاا كلكم اتعرفون شلون تعذبت من شهر السادس صار بيه سكر وبعدها قمت اتعالج منه وبعدها تركت العلاج وبعدهاا قمت ما اراجع وتعرفون بعد اني نمت مستشفى بسبب السكر وطلعت وقمت ما اراجع الطبيب ولا عن الحمل ورحت بالشهر الثامن وخوفوني وقالو الطفل كبير وزنه انه بحجم طفل عمر تسع اشهر ولازم اولد مبكر وكل هالخوف الي رعبوني فيه بعدها تركت ما قمت ارجع بس اي شيء يصير بيه اروح للمستشفى لدرجه بدايه التاسع صار عندي طلق ورحت للمستشفى وكانو يريدون يولدوني بس قالو مافي اعراض ثانيه للحمل غي الطلق احتاج اروح امشي اكثر حتى تصير ولاده وبعدها كم يوم نزل عليه ماي ورحت وقالو بس ماي وهذ ا مو ماي ولاده وثاني يوم نزل ماي الصبح وما رحت وقررت بعد ما اروح لان كل روحه للمستشفى معاناة وفحوصات وتعب اي وبعد قبلها بكم يوم كان البواسير وهم بعد كنت رايحه للمستشفى وتنظيف وبلاوي اله لا يراويكم
اي المهم بنفس اليوم الي نزل ماي الصبح قررت ما اروح ولا اتصل لزوجي وانام وبيومهاا كعدت وسويت كم نوع غداء ومن ضمنها ملوخيه اكيد مر عليكم اسم هالاكله طبعا الملوخيه لزجه واعتقد تسهل الولاده وقلت بلكي تسهل ولادتي رغم اني كنت حابه اولد بربيع لاكن الحمد لله على كل شيء
وبعدهااالمغرب قمت نظفت البيت وجهزت البنات وكنت بشكل يوميا تنظيفات وتجهيز ملابس البنات وحده بالمدرسه وحده بالروضه طبعاا وبعدها قمت اتعشيت من نفس اكل الغداء علمود بلكي يطلع هالطفل بسبب الملوخيه ههههههههههههههههههههه هيج فكرت وطلع صدق المهم رحت على سريري واشوف حركة قويه للطفل وبدون الم وصحت على زوجي واجا
تفاجيء بلحركه بعدها تكرمون رحت للحمام بس غريبه ما كدرت اسوي شيء طلعت عندي الم قووي احس روحي مني كاعد تنسحب الالم بدا يجي ويروح يجي ويروح زوجي قال قومي نروح للمستشفى عصبت وقلت له لاتقوووووول مستشفى بس خلاص تعبت يوميااا مستشفى
لااااااااا واشوف الالم مو محتمل بعدين استسلمت ودخلوني للحمام سبحت على السريع كنت داهنه جسمي بدواء حساسيه اوووووووف وانا بالحمام واطلق واضرب بهالحايط يبووو الله لايراويكم واطلع بسرعه طبعا بمساعدة زوجي لبست ةحماتي الله لا يحرمني منهم لبسوني وعلى السريع على السياره وبالطريق صراخ موت موت موت الالم مو محتمل واللهواقول لزوجي جيب اسعاف اوقف لا تمشي وهو طياره وانا ما اكدر احس الراس راح يطلع
بعدين وصلنا للمستشفى للطواريء طبعاا وجابلي كرسي ههههههههههههه شلون كرسي مطعطع كوة دخلت بيه داخل واستلموني الممرضات بصريخي راسا لبسوني ملابس الولاده وبعدها فحصوني وقالو انتي خلصانه وقالو يلله صعدي على سرير الولاده اتخيلو ما بيه من الالم اتحرك شلون اصعد على سرير الولاده حتى يودوني جناح الولاده وبعدين ايصرخن مافي وقت ممنوع هنا تولدين قلت لهم ساعدوني قالو من يجي الالم ويروح صعدي وصدك وراسا فوق الغرفة الولاده وهناك تعاي نزلي سرير ثاني يبوو متت وبس مدت ايدها انبط الماي وقالو يالله دفعي وهنا تحقيق مشتغل وانا اولد لان لازم يعرفون بيه سكر لو لا كم طفل وما في وقت لازم اجاوب وكم وزن الجنين اخر مره اتخيلو وحده تولد ولازم ترد يبووو اجاوب بصراخ حتى على الوزن قلت الها اقل الوزن حتى لاتسوي عمليه والحمد لله ضليت كله استغفر واسبح واقرا سورة الزلزله ولا اله الله والحمد لله كلهم كنت ارددهم والله سهلها ولدت كل هذا بساعه الا ربع تقريبا من البيت للمستشفى وشفت بنتي القمر على صدري حتى ما فكرت اسالهم شنو جنسها وصدكوني ولد ولا بنت حتى لو تكررو عندكم كلهم نعمه من الله
واحلا شيء بالدنيا

[الكاردينيا]

الف الحمد لله والشكر على سلامتج حبي وسلامتج النونية الحلوة وياارب يفرحج بيها وبخواتها وان شاء الله تسهل على الكل ويشوفون اطفالهم بحضنهم ،،،،،،، وماطولج اجيتي انطيني افكار للطلب مالتي اللي قبل ردج خلي استغلج ههههههههه

[gardynya]

هلوووووووووووو بيج عمري كاردينيا وشكرا ع الدعوه الحلوه

اووووووووووووووووووووف ذكرتيني بعيد فلنتاين صحيح والله قرب

عندي فد افكار انشاء الله ناويه اجربها وانتي هم اذا عجبتج طبقيها

اول شي انسويه انراعي انو اليوم لازم ايكون مميز ونملي البيت على كد منكدر باللون
الاحمر لان هذا اللون راح ايجدد الحب ويهيج المشاعر فمثلا اجيب اربع باقات ورد احمر
واوزعها ع غرف البيت واجيب 10 من الشموع العطريه لونها بين الاحمر والناري واحطهم
بغرفة النوم وابعثر كميه من البالونات البيضه والحمره بغرفة النوم وافرش فرشه لونها احمر
والبس فستان سهره لون احمر ا+اكسسواراسود اوفستان اسود +اكسسوار احمر
والمكياج لون احمر لان الرياجيل ايموتون على هذا اللون خخخخخخخخخ
واحط كارتات حمره صغيره على شكل قلوب
مكتوب بيها اشعار حب او غزل بـأماكن يكدر يلكاها مثلا بجيب الستره الي يلبسها او
بالكتاب الي متعود يقرءه او جوه الريمونت واسويله الاكله الي ايحبها
وهذا انشاء الله الي ناويه اسويه الزوجي ها شنو رأيج