السوق والبيبي

[كراميلا]

كيفكم مامات

ابي اسالكم اقدر اطلع ويا ولدي عمر شهر ونص المول نفسي اطلع بس عليه ولا ادري عادئ او لا

[Mishael]

عادي انا طلعت كم مره بس لفلفيه زيييين وخذي رضعته واحتياطاته بس تعبتتني وهي تبكي وماقدرة اخذ راحتي

[كراميلا]

والله احاتي البكاء بس ودي اطلع كل اسبوعين وارد دوامي

[ام هيثووووم]

مثل ماقالت الاخت عادي بس احيان مايخليك تتسوقين ولا ترتاحين كله صياح
اذا تقدرين خليه عند احد وطلعي لان ماراح تاخذين راحتك مره يبغي يرضع مره يصيح ماتعرفين شو السبب وبيخرب الطلعه وبترجعين بسرعه خخخخخ

[يارحيم]

على حسب فيه اطفال اذا حطيتيهم بالعربيه وقعدتي تدورين بالسوق يروحون في نوم عمييق وبعضهم يتعبون بالصياح.. عموما ماشالله البيبي شهر ونص كبير يعني مب تقولين عمره اسبوع ولا اسبوعين تخافين عليه..

حاولي ترضعينه وتغيرين له قبل تطلعين وخوذي له شنطة فيها غيار وحفاظة ومناديل رطبة ورضعه جاهزة وكل شي ممكن تحتاجينه وروحي تمشي وغيري جو.. والاهم حطي له بالعربيه بطانية ولا شي ينسدح عليه خليها تكون مريحه قد ماتقدرين.. واغلب الاطفال اذا ركبو السيارة او دارو بالعربيه ينامون ثلاث واربع ساعات متواصل!! اذكر بعض صديقاتي اذا تعبها ولدها بالصياح تحطه بالعربيه وتدور تقول يهدا وينام..

اهم شي ترجعين الدوام وانتي نفسيتك حلوة.. بالذات بعد النفاس كتمة وغلقه والدوام غلقه اكثر ههههه.. اطلعي بس ووسعي صدرك وغيري نفسيتك :)

[أم البداري]

أشوف أنه عادي جداً
بس إذا عندك أحد تخلينه عنده أحسن
عشان ما ياخذ من أنفاس الناس و اللي فيهم أمراض و بلاوي

[ياهم ربي كبير]

انا مع يارحيم !!
اغلب الأطفال خاصة بهالجو البارد لو لبستيهم كويس ولفيتهم بالطانية بيناااامون لساعات
انا ولدي كذا ولاحظت اولاد قريباتي كذا بعد ، وحتى الدكاترة هنا ينصحو و يقولو لو بكى البيبي حطيه بالعربية دفيه كويس وطلعيه عشان ينام
وانتي تمشي وخذي هوا ، هذي نصحية الدكاترة بأوروبا :)
وانا تقريبا كل يومين او 3 ايام اطلع وصرت متعودة ، اشيل شنطة البيبي واحط فيها 3 حفاضات والمناديل ولبس اضافي مع رضعة جاهزة

[كراميلا]

تحمست والله

انا ولدي تعود على الشيل واالرجل اخاف مايبي العربة وينكبني بالسوق

وغير كذا الانفاس

[يارحيم]

وش فيها الانفاس؟؟ ترا الطفل عندة جهاز مناعة ويقدر يقاوم لكن اذا سكرتي عليه بالبيت وماخليتيه يتعرض لاي جراثيم لين يكبر تضعف مناعته وعشان كذا حنا دايم عيالنا مريضين ومن يتغير الجو تلاقينهم كلهم مفلوزين واذا شفتي الاجانب تلاقين عيالهم بعز البرد ومب لابسين مرة ومافيهم الا العافيه.. لانهم من ينولدون يطلعونهم ويمشونهم ويتعرضون لكل شي وتتكون عندهم مناعة كويسة..

انا ولدي اطلعه من عمره اسبوعين وما شاء الله تبارك الله مافيه الا العافيه.. ومتعود على العربيه والازعاج وكل شي الحمدلله يارب.. لكن اذا الطفل قعد بالبيت لين يصير 3 ولا 4 شهور يصير متعب بالطلعه لانه مو متعود..

[ام وليدان]

روحي استأنسي

بالعكس اهو بعد بيستانس