أحلى تجمع لحوامل التوأم الجزء الرابع

[فوائد]

اسوم
مأجوره ياغاليه
الله يقر عينك ببنتك ويجعلها صالحه باره

[أشـــــواق~]

الله يبارك فيكم ويسلمكم ويتمم لي ولكم على خير

المشاركة الأصلية كتبت بواسطة أسوم

السلام عليكم
شلونكم بنات حبيت اطمنكم ان بنتي ثانيه وضعها مستقر وشفتها امس لمدة دقيقه كانها ملاك جميله اتمنى تطلع لي بسلامه لاني جدا تعبانه نفسيا
قررت اتصدق بملابسهم
سميتها حور
وكلي امل تعيش واعصر صدري وارسلها حليب كل يوم عشان يمكن يسمحون لها برضاعه قريب
ادعولي بصبر

الحمدالله على سلامتك أسوم والله يجعل مامريتي فيه وماتعيشينه تكفير يآرب ..
وتأكدي ان اللي عند ربي مايضيع هذي هي اللي بتشفع لك وتلاقيك بـ باب الجنه وهي الشي اللي ضمنتي نفعها من الدنيا ~
والله يصبرك ويربط على قلبك ويبلغك بسلامة حور عاجلاً غير آجل ..
كثري صدقه هاليومين الرسول اللهم صل وسلم عليه يقول ((داوو مرضاكم بالصدقه )) ..

ولاتنسين تستودعين الله حور دايماً ولاتنسي وردك ورددي اللهم اجبرني في مصيبتي واخلفني خيراً منها بـ استمرار لين ماتحسين انك سليتي شوي وراحت ضيقة الصدر..
وبعد رددي لا اله الا انت سبحانك اني كنت من الظالمين مفعولها عجيب ولاتنسين الاستغفار بكل الأحوال سر السعاده وسعة الرزق عن تجربه ..

قلوبنا معك طمنينا عنك وعن حور كل ماسمحت ظروفك بـ إنتظارك

[دلع غربي]

اسوم ياربي تشفي لكي حور...شموع ان شاء الله ولد وبنت انتي حملك بمشيمه او مشيمين أذامشيمه وحده نفس النوع يكون

[أسوم]

الله يجزااااكم خير جميعا على دعائكم ومواساتكم
الله يقومكم بسلامه ويقر عينكم بشوفة توائمكم بصحه وعافيه

[ربي ثبتلي حملي]

اسوم حبيبتي الله يصبر قلبك ويجعلها شفيعه لك ولاابوها
ويشفيلك حور ويفرح قلبك وتشوفيها عروسه باذن الله
لاتنسي استودعيها الله وعقبال ماتفرحينا قريب بخروجها من المستشفى بخير وبسلامه

[عزتي بايماني]

اهلين بنات كيفكم اسوم ربي يصبر قلبك ويفرحه بضمة حور قريباً
وهي وانتي بصحة وسلامة
وربي اختار لك الثانية للاخرة
وتدرين وش كان يصبرني كنت ااقول الحمدلله
اللي خلا لي وحده واخذ وحده وهموسه جلست في الحضانة شهرين
واسبوعين صح اذا ذكرتها هالحين انقهر شوي خاصة لو قريت عن الاطفال اللي يتوفوا صغار بس ياربي لك الحمد على نعمه هو عطانا ثنتين اخذ وحدة وخلا وحده الله يحفظهم لنا ويصلحهم والثانيات يكونوا شفيعات لنا في يوم نحتاجهم فيه وكرري اللهم اجرني في مصيبتي واخلفني خيرا منها
واذا رحتي لحور اقري عليها الاذكار واستودعيها ربي اذا جيتي تروحين عنها
وقولي اسال الله العظيم رب العرش العظيم ان يشفيك 7 مرات والله اللي مرت فيه بنتي كان صعب مرة بس الحمدلله

[الشموع المضيئة]

دلع غربي انا مشيمتين وكيسين وان شاء الله يكون بنت وولد يارب

[أشـــــواق~]

بنات ..
متى يبين الجنس بأي اسبوع ؟

[jood]

الاسبوع 20
ورفضو يقولون لي قبل كذا

الله يتمم لنا ولك

[زهرة الكميليا]

المشاركة الأصلية كتبت بواسطة jood

اسوم حبيبتي الله يربط على قلبك
الحمد لله انتي عملتي بالأسباب كلها
وامورك كانت ممتازة ما أهملتي نفسك
بس هذا قضاء الله وقدره
ولله حكمة في كل شي

الله يعجل بسلامة الاميرة حور
وتشوفينها عروس يارب

الله يصبرج حبيبتي ويعينج ياااارب العالمين