كل وحدة تكتب سبب طلاقها واللي متزوجات سبب اوشك على طلاقها

[♥إح ـسآسْ أنْثــى♥]

انا همي كبير من يوم ما اتجوزت ما ارتحت
نفسيتي مدمرة جوزي صاحب عليا ودامت العلاقة سنتين ونص وبعد هيك فضحني عند كل قريباتي وصحباتي كان يسرق الارقام من الجوال ويكلمهم وعالايميل ولمن يحكولي ما كنت اسدق
وبعدين صار دايما عالشات والقيمزر والافلام الاباحية 24 ساعة عالمعاصي والاثام
لا يصلي ولا يصوم
ومدمن اترمال و مدمن دخان
ودايما باخش عليه وهو بيكلم وبيتغزل في الداشرات عفوا عهالكلمة بس والله من حرقة قلبي
خلاني دايما مكتئبة وحالتي النفسية مدهورة
الله يهديه يارب
وفوق هيك كمان بيمد ايده عليا الهي يكسرها الو يارب
والله يا بنات الي 4 سنين تقريبا ولليوم وانا دايما بافتش وراه وبلاقي مصايب
ومستهتر وعديم المسؤوليه ما بيتحمل مسؤولية البيت ابداً
خااااااااين ودايما بافكر لمن اطلع بيضل بالي مشغول فيه شو بيسوي مع مين بيحكي اكم وحدة صاحب
اكم فيديو حضر
والله تعبت وراسي دايما بيجعني منو ومالي الا ربي اشكيله
ربي يفرج همي يارب وهم كل المظلومات يارب
وهيني بافكر اسيبلو البيت واروح على اهلي
يا جماعة مدمن اترمال ودخان وما بيصرف عالبيت ابداً ومصروفي بمية غصب وقتال لمن يرضى يديني ومش دايماً
واكبر مصيبة وهم على قلبي صرعته عالبنات مع اني والله العظيم بكل تواضع ما فيني شي بتعيب والكل بيشهد عهالشي وكلهم حتى اخواتو بيحكولي انتي خسارة فيه.. ااااه ياربي حظي ونصيبي شو بدي اسوي
بيقلولي اصبري طيب لمتى ؟؟ انصحوني كيف فيني اغيره والاترمال دهور صحتو وانحبس قبل هيك وعالفاضي ديل الكلب ما بينعدل
ادعولي الله يهديه ويبعد عنو اولاد الحرام وبنات الحرام والله رسايل هالسافلة اللي كان على علاقة معها لليوم قدام عيني ما بانساها
ومرة لقيت صورتها عالجهاز حسبي الله عليها
والله باتمنى افقد الزاكرة بس مشان انسى هالكلبة وانسى خيانته ليا
ومع كل هاد بحبو ما بعرف ليش يمكن عشان اتجوزتو صغيرة وتعلقت فيه اااخ ياربي
صبراً جميلاً والله المستعان
اعزروني عالاطالة..