ساعدوني في علاج بنتي

[ام بشرى]

السلام عليكم ..
انا طالبة في الجامعة وعندي بنت عمرها 9 شهور وماكان عندي احد اخلي بنتي عنده الا امي الله يجزاها الجنة ياااارب المهم طول الاسبوع عند امي و عندي بس يومين كان الوضع طبيعي ومرتاحة انا مرره للفكره بس بعدين لاحظت بنتي مايزيد وزنها ومناعتها مررره ضعيفة معها ربو وبلغم كثير ومع الوقت صاير فيها حول خفيف هو موجود من الولادة بس صار واضح مرره اللحين وديته مستشفى المغربي للعيون وقالت الدكتورة السبب هو الضعف العام اللي في جسمها صار فيه ضعف في الاعصاب ولما جاتها نزلة معوية وديتها لدكتور قال بنتكم مرره ضعيفة وطلب مننا نصلح لها رنين مغناطيسي للاعصاب في جسمها يقول يبغى يتاكد من حاجه وان شاء الله الاحد ذا نصلحه ونشوف النتيجة * فقال له زوجي انها تنتقل بين بيتين قال الدكتور هذا اكبر خطا لانها اللحين مي حاسه بامها ومي حاسه ان عندها بيت معين او فراش معين لما تنام عليه ترتاح وتقول هذا بيتي وانا في حضن امي صراحة حزنت كثير لما سمعت هذا الكلام وطلب مننا الدكتور اول علاج لها الاستقرار في مكان واحد والحمد لله كلمت جارتي تمسكها لي و وافقت خليت جدولي 3 ايام بس سبت واحد واثنين * المهم مالكم بالطويلة بديت انفذ او علاج لها العلاج الثاني الغذاء الصحي طبعا بنتي وزنها 5 ونص وهي تسعة شهور ماتجلس لحالها عندها ليونة في جسمها حتى لما احطها على بطنها تبكي وتصرخ ماتحب تنام على بطنها المطلوب منكم انكم تساعدوني في وجبات صحية مع وضع جدول لاني بديت عشوائي حسيت انه مومفيد كذا لازم احط جدول ودي انها تجلس وتحبي وكذا..
كيف ابدا اجلسها؟ وكيف اعودها تنسدح على بطنها ؟ عطوني حلولكم لا عدمتكم

[أم البداري]

بنتك كبيره المفروض تاكل اكثر من الحليب

الغداء سويلها رز و كوسا و قرع و بطاطس ( من كل نوع شوي )
و أسلقيها بمويه و شوي ملح و فلفل أسود
و إذا أستوت أطحنيها و أخلطي معها ملعقه زبادي


وجبة ثانيه المغرب عطيها زبادي

بالليل عطيها بسكوت الأطفال اللي تسوينه مع الحليب
أو بسكوت تاكله بدون حليب

الله يخليها لك و يشفيها

[ام بشرى]

الله يسعدك يا ام البداري امس جربت وصفة فيها كاسترد وتمر مع حليب البنت اخلطها لين يثقل واعطيها البنت المهم الله يكرمكم زاد عندها مرات التبرز بس مو اسهال والريحة مره كريهة هذا الشي عادي ولا اوقف ذي الحركة وبالنسبة للزبادي صرت اعطي لبنتي معاه سمسم مطحون وماشاء الله عليها عجبها

[ام بشرى]

اقدر اعطيها التمر؟ وكيف اعطيها ؟باي طريقة ؟مايسوي اسهال لها؟

[أم البداري]

شي طبيعي إذا الطفل صار ياكل يصير رائحة تبرزه كريهه
لانه صار ياكل زي الكبار

و إذا زاد عدد مرات التبرز و هو مو أسهال معناه أنه أستفاد من الأكل

التمر مفيد جدا للطفل تقدرين تعطينها أياه منقوع أو تجيبين تمر لين مرره و تشيلين القشره و
تهرسينه بأصبعك و تعطينها قطعه صغيره
أحس كذا أفضل لان فوائد التمر تاكلها كلها و تصير تتعود على البلع

و إذا بغيتي تسوين لها الحليب قبل وقت الرضعه جيبي المويه اللي بتسوينها لها
و حطيها بكأس و حطي عليها 7 حبات ( حلبه ) و إذا صارت دافيه شيلي حبات الحلبه
و حطي المويه في الرضاعه و سويلها الحليب
الحلبه تقوي العظام و تخليها تسمن
الحلبه يعطونها حتى للمواليد

[دلوعه فصولي]

الصباح اهرسي لها موزه مع ملعقه زبادي. والظهر اسلقي لها ملعقه رز مع بطاطس وجزر لما يستووا اخلطيهم بالخلاط
وباليل عطيها بسكويت راسكس بالبرتقال تحصلينه بالصيديله
تذوبينه في مويه او حليبها الي هي تشربه


وخليها تشرب بالرضاعه تمر انقعيه بمويه واشخليه وخليها تشرب
وعطيها عصير برتقال مخفف




الله يخليها لك ويشفيها وترجع لها عافيتها




بالنسبه للجلوس خليها تجلس ع كرسي خاص للاطفال وحطي لها مسند ورا ظهرها
شوي شوي الى ماتتعود تجلس لحالها


ولاتنسي لازم تطلعيها للشمس كل يوم الصباح

[درة غالية]

اول شي.. حبيبتي لازم تستودعين بنتك ربي وتقرءين عليها يوميا اذكار الصباح والمساء..
ثانيا .. تبعدين عنها التلفزيون بقدر الامكان وتعوضينه باللعب معها وحضنها كثيرررر وتكلمي معها مثل تنادينها باسمها وماما بابا جده وكذا..
وعرضيها للشمس وعطيها قطرات من الصيدلية فيتامين د تساعد في تقوية العظام والاسنان..
ومسحي جسمها بزيت كبد الحوت مررررة حلو لعلاج الليونة في الجسم..

الحين نجي للاكل والشرب اهم شي الموية شربيها موية كل ثلاث ساعات اقل شي لان نقص الموية له علاقة بانحراف العين عند الرضع هذي المعلومة عند جداتنا وامهاتنا من زمان وكلهم يحرصون على شرب الموية للطفل..
الاكل الصباح عطيها زبادي بالفواكة


حطي خمس او سبع تمرات مع كاس ونصف موية وخليها على النار بعدين صفي الموية من التمر وحطي الموية في رضاعة ترضعها..
الفواكة نصف موزة ونصف تفاحة وحبتين فراولة ونصف كمثرى اخلطيها في الخلاط مع شوي موية ..واكليها بالملعقة..
سوي شوربة الشوفان مع صدر دجاج مفروم ..
شوربة العدس مع الخضار بطاطا جزر بروكلي بصل حبة طماطم وكوسة واخلطيها في الخلاط..مع اضافة شوي ملح وذرة كمون ..

زبادي بالنكهات حلووو يحبونه الاطفال..
خضار مع مكرونة وملح وماء اسلقيها ثم اخلطيها في الخلاط..

صفار بيضة مسلوقة ونصف حبة توست قطعيها صغيررررر وحطي عليها شوي سريلاك وثلث كاس موية واكليها مفيددده..
والله يخليها لك ويحفظها من كل شر ياقلبي..

[درة غالية]

لازم تكون موجودة الاولى تقوي العضام بشكل عام وتعودها على المشي بس لا تطول الجلوس فيها والثانية تتعود على الجلوس
ولا تنسين التدليك للارجل والايدي والظهر مع مسح الجسم بزيت كبد الحوت ..
وتغير رائحة البراز شي طبيعي جدااا ..

[ام بشرى]

الله يسعدكم باذن الله جاري التطبيق ورح اطمنكم اول باول وابشركم اعتذرت الترم ذا حسيت انها محتاجة عناية مكثفة ولجل عين تكرم مداين

[Heart Of Gold]

الله يخليها لك والله كنت بقول لك اجلي الترم ذا
وما ازيد ع الي قالو البنات ماقصرو بس عرضيها للشمس ولما تحممينها دلكي رجولها
في المويه الدافيه وخليها تخبط برجولها في الطشت
الله يخليها ياارب