اجهاض للمرة الثانيه على التوالي بدون سبب والنفسيه متدنيه

[نور الخير]

الحمد لله على قضاء الله وقدرة
وإن شاء الله ربي يعوضني ويعوضك ياحبيبتي

أنتي نفس حاااااالتي بالضبط
أنا حملت أول مرة وأجهضت أخر الرابع ومن أول ماحمل يبدأ معي مغض مثل ألم الطلق وكنت أخذ حبوب مثبته ولكنها بعد الشهر الثالث قالتلي الدكتوره خلاص وقفيها حالتك ممتازه ومن دخلت الرابع وأنا طلق ذبحني قلت يمكن لان البطن كبر عندي يجين هالألم
وفي الاسبوع 16 كنت نايمة ولمن صحيت من النوم الا ماي الجنين كلة نزل وماكنت عارفه شيء لان أول حمل ورحت المستشفى وسويت سونار تفصيلي قالي الدكتور الماي كلها انزلت والرحم مفتوح سانتي ونص وجلست أربع أيام وبعدها ولدت وكانت ولادتي أكثر من 12 ساعة وبكيت بكيت لدرجه نشفت المويه اللي بعيني لان كنت متعلقة فيه
قدر الله وماشاء فعل

وبعدها 4 شهور حملت مرة ثانية وكنت مستعدة للحمل واخذت فوليك أسد وبيبي اسبيرين وسويت كل تحاليل والفحوصات الازمه والحمد لله سليمه وكانت أمي تقولي لمن تخلصي الثالث سوي ربط ماعليك من كلام الدكتوره واه اه اه ياليت سمعت كلامها بس قدر الله وماشاء فعل

ومرت أول 3 شهوروكان وحاااام ثقيل ومتعب والنفسيه تعبانه من التفكير وارق وأكتئاب وكنت أفكر شنو سبب اجهاضي الأول بدأ الم مثل الطلق وكنت مستمره أكل حبوب مثبت رحت لدكتور قلت له سوي لي ربط قال ماتحتاجين

وبعدها دخلت الرابع وكنتى في حالة قلق وألم يزيد وحسيت أن بطني مثل الحجر رحت المستشفى وسويت سونار قال الدكتور هذا طلق مبكر وقفي الحبوب لانها ماتنفع لحالتك لازم تاخذين أبر أقوى جرعتها وكل أسبوع أبره وارتاحي على ظهرك وماتحركين
وخذيت الابره أول أسبوع وبعدها الاسبوع الثاني ماخذيت ابر لانها ماكانت متوفره بالمستشفى
كلمت الدكتور قال خذي حبوب بس جرعه مضاعفه وبديت أحس بوجع أسفل الرحم كان حاجه تدق رحمي من تحت ومن كثر خوفي كنت أقول هذي حركة البيبي وبعدها قمت الصبح حاسيت شي ناااااازل تحت وجلست ابكي وقومت زوجي ورحت المستشفي وكنت اخر الشهر الخامس وسويت سونار كان الرحم مفتوح 3 سانتي وقالت الدكتوره ليش ماسويتي ربط
اه اه اه مو قادرة أكمل الحمد لله على كل حال والحمد لله على قضاء الله وقدره

علاجي وعلاجك سهل بإذن الله

أولا توكلي على الله ولاتفكرين كثيروأعرفي أن في الأمر خيره لنا لا يعلمها إالا الله
وأنتبهي لايجيك أكتئاب وفضفضي لو حسيتي بضيقه أنا كتمتها ومابكيت الا بعد 3 ايام من الصدمه وماكان في أحد جنبي لاني ساكنه بعيد عن أهلي واللحين أعاني من أكتئاب بعد الولادة ادعيلي ان الله يفرج همي ويشفيني

ثانيا علاجك سهل بإذن الله لازم تسوين ربط في من الاسبوع 12 وتاخذين بيبي اسبرين وتأخذين إبر مثبته لما الشهر التاسع إن شاء الله وترتاحين على الاخر

وأسال الله العلي العظيم رب العرش العظيم يثبت حملي وحملك ويرزق كل محرومه يااااارب
اذا بغيتي اي استفسار ارسليلي على الخاص وأنا بخدمتك

[نور الخير]

نسيت أقولك لاتنسين الرقية الشرعية وقراءة سورة البقرة وشرب ماء زمزم وتدهني بطنك بزيت زيتون مقري فيه أستمري عليها فترة الحمل كااامله وإن شاء الله ربي يثبت حملك وحملي يااارب