جنيني مات او توقف نموه وما ادري ما الحل

[hoba1984]

بصي ياحبيبتي انا هاحكيلك الي حصلي...انا حملت عادي وعملت فحص بالبيت وبين الخطين رحت للدكتور اول مره شاف الكيس وقالي تمام تعالي كمان اسبوع علشان نشوف النبض روحت بعد اسبوع وانا فرحانه هاسمع النبض وانا كنت ف اول الاسبوع السابع وفجأه يقولي مش شايف حاجه روحي اعملي التراساوند عملت الاشعه وفجأه يقولي أخصائي الاشعه الكيس صغير وحجمه يقول ف الاسبوع الخامس ومش شايف ولا مضغه ولا نبض روحت البيت واعصابي كانت اتدمرت وفضلت اسبوع ابكي قلت هاغير الدكتور وروحت لدكتور تاني قلتله لو الجنين مش بيكبر انا عاوزه انزله قالي اصبري انتي عاوزه تنزلي حاجه ممكن تكون عايشه قلتله اعمل ايه قالي اعملي تحليل هرموني هو الي هيبين اذا كان الجنين بيكبر ولا وعيديه بعد يومين نشوف النسبه هتزيد ولا لا وبعدين نقرر عملت التحليل الهرموني وطلع في زياده بس الزياده كانت بسيطه ولازم الزياده تبقي بنسبه معينه المهم قلت اكيد الدكتور هيقولي الجنين مش بيكبر بس راح هو مطمني وقالي احمدي ربنا انها بتزيد وقالي اصبري اسبوع لدرجه اني ضغطي علي جدا واداني الدكتور كورتيزون وقبل ما اكمل الاسبوع اجاني وجع شديد ف البطن والظهر لدرجه اني فكرت ان ده اجهاض وتاني يوم روحت للدكتوره قالتلي اعملي اشعه نزلت عملت الاشعه سمعت صوت بقول للدكتور ايه ده قالي النبض مش كنت مصدقه ودموعي نزلت من الفرحه وقالي ان عمر الجنين ماشي مع اخر دوره ليكي عكس الي سمعته اول مره....نصيحه ليكي فوضي امرك لله ولا تيأسي وربنا كاتب لينا الخير اي كان واستغفري ربنا كتير وصلي بالليلواقري ادعيه لحفظ الجنين وربنا يكرمك ان شاء الله وتفرحينا
معذره ع التطويل عليكي والرغي بتاعي بس انا حبيت اديكي امل ان ربنا كبير....