بكيت من بكاء طفلي بسبب الرضاعه

[ღ°• صـمـتے حـڪـايـہ •°‏ღ]

السلااام خووواتي ...

بلييز ساااعدوني وربي بكيت لين قلت بس من المشفى اللي ولدت عندهم...

طفلي عمره يومين وساااعااات

وصدري ماطلع منه حليب بس ينقط اذا ضغطت عليم باليد ويوم كنت في المستشفى قالو ارضعيه صدرك وجلست من الساعه10 الصباااح لين 2 الضهر وفمه في صدري ونام خمس دقايق وصحى ولقيته جوعااان بالمره وخاصمتني الدكتوره قلت انا عطيته
ولعبت في صدري بالضغط وقام ينقط وسجلو لي خروج الساعه 3 العصر قلت دكتوره اكتبي لي حليب صناعي لانو هو ماشرب ويبكي والله بكاه يبكي وانا ماسكه البكيه ماابي احد يشوفني


ورفضت وقالت صدرك عطيه والمهم رحت البيت وهو يصرخ جوعاان واعطيه ويمص بس مايطلع له شي

آآآآآآآآخر شي شريت حليب نان رقم واحد وعطيته اللي ابسالكم عادي يوم عطيته بدون وصفه او سالت دكتور اخاف يصير له شي بس زوجه اخوي تعطي ولدها يوم كان كبره

انا ابعطيه صدري بس الحليب الصناعي غرضي يمسك جوعه

وكيف ادري ان الحليب مايناسب الطفل؟؟؟؟


سووووري لاني طولت بس والله ماعندي احد اساله غيركم ولاني بكريه مادري ايش اسوي

[احبك ماما]

الصراحه غلطانه انك هطيتيه رضاعه ...حرام توه مولود وانتي فيكي لبااا وهذاا مفيد جدااااااااا للبيبي
واهو لمن يرضع منك بينزل له حليب لكن يتهيئ لك انو مافيه
والطبيعي انو بعد 3 ايام من الولاده يبداء الحليب يدررر بشكل سريععع ..

انا كنت زيك في ولادتي البكر وقلت للدكتوره مافي حليب وحطت ايدهاا على صدري على جنب تحت ايدي وقالت لمسي وحسيت كانه خرزه كبيررررررره وخشنه قالت هذاا بدايه الحليب ومع الوقت يكثرررررر
والحمدالله 3 ايام وبداء يدرر بشكل ....

وربي يساعدك ومبرووووووك البيبي ويتربى في عزك والفال لييييي ...

تركي الرضااعه والحليب حطيه بلفريزر واستخدميه بعد 4 شهور نصيحه حليبك افضل ورضعيه كل 3 ساعات حتى واهو نايم جلسيه ...

[بنت الريف]

لا تخااافي خليه يرضع لين ينزل الحليب لا تعطيه حليب صناعي ولا ترى بيتعود عليه ومابياخذ صدرك حليب الصدر أحسسسسن ومفيد.
حليب الصدر ماينزل على طول ولما يرضع البيبي بينزل شوي شوي حتى أنو بينزل المرات الجايه بغزارة حتى ملابسك كل شوي بتغيرينها حاولي ترضعينه.
أشربي سوائل وكلي سلطة وفواكة وخسس وشربي حلبه مع الحليب معروف الحلبه در الحليب.
أذا حسيتي بألام بالصدر أغسليه بالماي الدافي وأنت تستحمين أفتحي عليه الماي الدافي ومشطيه بمشط أسنانه كبيرة بعدين لما ينزل عليك الحليب بكثره.
الله يكوووووووون بعووونك ويخفف عليك نفاااااااسك.

[أم حماني]

لاتعطينه صناعي انا بعد سمعت انه هاللي ينزل اول الايام فيه اشياء مفيده وايد لمناعه البيبي .. لاتاخذج العاطفه وتضرين البيبي بدون ماتقصدين

[Mقمة البرااااائهM]

أذاااا عودتيه ع الرضااااعه الصناااعيه....أنسي يشرب من صدرج....حاااااولي.....

[ام مطمئنة]

السلام عليكم اختي
الحمد لله عالسلامة والف مبروك الطفل ان شاء الله يجعله من الصالحين
وشكر جزيل لكل الاخوات اللي نصحوكي قبلي والله كلامهم درر وصحيح 100% .
حبيبتي اللبأ يفرز بكميات صغيرة جدا ولكن فائدته عظيمة ولاتقدر بثمن فهو يقى الطفل من الامراض ويقوي مناعته فلماذا تحرمين الطفل من هذه النعمة وتستبدلينها بالسيء ؟؟
واعلمي ان سعة معدة الطفل :
اليوم الاول من 5 _ 7 مل
لذلك فأن اللبأ القليل يكفيه واقول لك ذلك عن تجربة شخصية
كذلك يولد الطفل ولديه دهون وسوائل اضافية تساعده خلال الايام القليلة الاولى.
ابعدي الحليب الصناعي عن الطفل لانه اذا تعود على رضاعة الزجاجة فسيترك صدرك ويجف حليبك , ارضعي الطفل باستمرار وكلما بكى ولاتتقيدي بوقت محدد للارضاع والحليب سيبدأ بالتدفق قريبا , ان شاء الله تنجحي بارضاع طفلك واذا واجهتي مشكلة او استفسار تفضلي .

اليوم