أحلى تجمع لحوامل التوأم الجزء الرابع

[ام حنونه ه]

المشاركة الأصلية كتبت بواسطة أشـــــواق~

مساء الخير ~

شكراً لكل من دعا لي ومن سأل عني
الله يتمم لي ولكم على خير ..
ويهون على جود وكل الواصلات يآرب ~

*أمآ أنا *


النفسيه جزمه

رحت يوم الأربعاء على الوعد الساعه 8
وسويت اشعه وقابلت طبيب التخدير بعدها الطبيبه
بعدها رجعوني للأشعه وطال النقاش بين الدكتوره واستشارية الأشعه
قلت بسسس البيبيهات فيهم شي

ضيقوا صدري مره وبعد مانشفوا ريقي وروعوني نادتني الدكتوره
وقالت مارح اسوي لك شي طول عنق الرحم عندك 3 وكل شي عندك تمام مؤقتاً ~
قلت طيب وين حكيك قبل ،، انه افضل وانك تنصحين فيه وعشآن ما اتفاجأ بولاده مبكره ..
قالت هالحكي موش نهائي هذا الكلام اليوم حرام اسويها لك طالما الوضع مستقر
وانا اخذت رأي استشاري نساء وولاده ورأي استشارية الأشعه وكلهم ما أيدو
ويقولون الوضع الآن تمام ونعيد تقييم الوضع بعد اسبوعين يعني بعد الأسبوع الـ 15..
وعطوني موعد بـ 9/ 5 هجري بعد اسبوعين ..

طلعت محبطه يابنات ودموعي 4 / 4
يقولي زوجي احمدي ربك واشكريه وان شاء الله ماتحتاجينها على طول ..
قلت من اول ادعي ربي ماحتاجها بس يكفي شايله همها وبالأخير ماتنلغي تتأجل
يعني بعد بشيل هم اسبوعين ثانيات~

دقيت على أمي وياحياتي هي تقول الله يبشرك بالخير هذآ دعائي لك ..

الله يكتب لي ماكان فيه خير وخيره..
وكلت امري لـ ربي هو حسبي ونعم الوكيل ..
ولاتذكرت اني مستخيره قبل كل شي اقول خيره ~

الحمدلله ما تحتاجي بالعكس نعمة من ربي اصلا اانا اول طفل سويت ربط وجاتني ولادة مبكره وقررو يفكونه يعني ما فادني بشي حتى فكة بدون بنج معانات نصيحتي الزمي الورد اذا عندك سابق ولادة مبكرة والدعاء والراحة واذا حسيتي بتقلصات زايدة خذي مثبت الله يكتبلنا الخير جميعا اذكر وقت ربطت كان معي وحده مفتوح رحمها رقدوها وربطت وما اثر بالحمل يعني لو انفتح في امكانيه يربطونه اهم شي مايكون في طلق وكيس الجنين سليم