لايفوتكم بياض وصفاء ونعومه مع خلطة رجاء للبياض الصارخ إرمي كل الخلطات

ياسمينة نجد · 05-08-2012, 08:58 PM

يسعد مساكم يا بنات
اليوم جايبه لكم موضوع (بيرفكت) راح يعجبكم ان شاء الله
طبعا أنا حامل واحوس وابحث عن خلطه تنفع لي ونصحتني بنت خالتي بهذي الخلطة
مجراتها ومره تمدح فيها طبعا أنا سويت لها بحث في النت والنتائج مضمونه وناويه استخدمها وبستشيرالصيدلي
بفيتامينa طبعا اللي تستخدمها تقولوا تجربتها وابغى تقيمكم للموضوع

مثل ماعودتكم ماأوافيكم الا بكل جديد ومجرب مني شخصيا
وبعد النجاح اللي حققته الحمدلله في زيت الشعر الخاص في

جبت لكم اليوم خلطة طبيعيه ومضمونه 100 %

والله العظيم مانزلتها لكم الا بعد ماجربتها أكثر من شهرين وتركتها ولا سببت لي أي مضاعفات بعد تركها

قبل أمس كنت في زياره لوحده من صديقاتي والله العظيم قالت لي بالحرف الواحد

اللهم صلي على محمد وجهك في نضاره وبريق مو طبيعي أش مسويه؟؟؟؟

قلت لها أذكري الله قالت قلت اللهم صلي ع النبي ماشاء الله تبارك الله

والجمله هاذي كانت سبب ودافع لي إني أنزل لكم خلطتي اللي قررت أرمي بعدها كل الكريمات والخلطات اللي أستخدميها

ولا تنسون تدعون لصديقتي اللي كانت السبب إني أنزل لكم هالخلطه الفظيييييييييييعه

تكفون أدعو لها إن الله يفرحها ببنتوته تفرح قلبها

وحرصت إني أصور لكم الخلطه وأنزلها لكم عشان تشوفون شكلها النهائي

عملت علبتين وحده لي ووحده لصديقتي هديه

ياحبايبي لازم ضروري جدا تكون عندك كل المكونات وما تنقصي شي أبدا
ضروري الله يخليكم عشان أضمن لكم النتيجه

بسم الله نبدأ

راح أعرض لكم كل الأشياء اللي راح نحتاجها بالصور وأعذروني مع الحوسه ماصورت بعض الخطوات

صابونة الغار

صابونة الكركم

الصابونه السحريه ( الفلبينيه ) ضروري نفس هالصوره

نبشر هال 3 الصابونات بهالمبشرهـ

بهذا الشكل

نجيب قدر ونضع فيه

بيالة شاي ماء ورد
أنا أفضل هالنوع بالنسبه لي أفضل شي

فنجان قهوه زيت جلسرين

فنجان قهوة زيت جنين القمح

نخلطهم سوا ع النار دقيقتين لغاية ماتسخن
ونضيف عليها

ملعقتين كبيرهـ كركم الجسم ( حبيباتي كركم الجسم وليس الأكل وصورت لكم شكله )

ملعقتين كبيرهـ لوز مطحون

ملعقتين كبيرهـ ترمس مطحون

ملعقتين كبيرهـ ملح خشن ( الله يسعدكم ملح ناعم حق الأكل ماينفع أبدا أبدا )

ونقلبهم على النار دقيقه بس بعدين نضيف عليهم كميه الصابون اللي بشرناه

نقلب مضبوط دقيقتين وراح تلاحظون ان الصابون صار سايح مثل الكريم

نقلب كمان دقيقتين ونرفعها من النار

ونضيف للخلطه

ملعقتين أو ثلاث ملاعق حليب نيدو

وملعقتين نشا

ملعقتين زبدة الكاكاو (إنتاج كوكوكير ) طبعا هالشركه أفضل شركه في منها أنواع كثيره بس هاذي أفضل نوع

وأخيرا نضيف عليها 8 حبات فيتامين أي ( مهم جدا يابنات )

وهذا شكلها ياحبايبي صورتها لكم من الداخل
تثقبها بدبوس بحذر وتفرغي الماده السائله الموجوده بداخلها

وتقلبي مضبوووووووووووووووووووووط جدا
وتفرغيها فأي علبه عندك

أنا فرغتها في هاذي العلبه

العلبه الصغيرهـ اللي جنبها هذا لوشن وكريم مرطب 3في 1 راح أنزل لكم طريقته رووووووعه جناااااااااان
خاصه للمتزوجات ريحته وااااااو جنااااااااااااان

طريقة الاستعمال

افتحي المويه الحاره دقايق حتى يتشبع جسمك بالبخار وتنفتح مسام بشرتك

خذي الكميه المنابه لكامل جمسك وادعكي فيها كامل الجسم بالليفه المناسبه لك 5 دقائق الى عشر دقائق

واتركيها وانشغلي في عمل حمام لشعرك أو أي شي اخر قناع للوجه أو أو أو

بعد ال 10 دقائق اشطفيها واستخدمي الكريم المرطب المناسب لبشرتك

وراح أنزل لكم طريقة صنع الكريم واللوشن الخاص فيه اللي صورته جنب الخلطه

وراح تنعمون ببياض ووصفاء ونعومه غيييييير طبيعيه وراح تدعوووون لي

والله العظيم أخذت منها أختي واستخدمتها لساق وحده فقط وخرجت من الحمام والله العظيم فرق واااااااااااضح وكبير جداد جدا جدا 90 % عن الساق الثانيه من أول استعمال

بنات يعلم الله اني مجربتها على نفسي وأختي أكثر من شهر وصورت لعيونكم وتعبت كثير في عملها فهي مجهود شخصي لي وغير منقوله فلا تحرموني من الدعاء
ولا تحرمون نفسكم من تجربتها لأنها والله تستحق التجربه وبشروني بالنتايج أنتظركم
وأي سؤال أنا حاضرهـ
اللي بتنقل الموضوع حلال عليها حبايبي من باب ( حب الخير للغير ) بس تذكر إنها خلطة رجاء لبياض وصفاء ونعومة البشرهـ لأنها خاصه في وغير منقوله

منقوووووووووووول

دلوعه ومغرورة · 05-10-2012, 06:14 PM

وش قصدك في زبدة الكاكاو واحفظ الخلطة في الثلاجه ولا كيف والفتامينات هل هي حبوب ولا زي الشراب ومتى تبان النتائج..
نفسي اجربها لأني طفشت من كثر ماجربت من خلطات بدون فايدة بس والله خايفه لأني حامل

ياسمينة نجد · 05-11-2012, 01:00 AM

أهلين حبيبتي أنا والله لسى ماجربتها
كريم زبده الكاكاو علبه صفراء وفيها كتابه بني بالانقلش
وفيتامين aكبسولات تفجرينها بابره وتستفيدي من اللي جواها
بصراحه أنا مره كنت متحمسا اجربها ولما رحت امس للصيدلي وسألته عن فيتامين a
هل هو مضر للحامل قاللي والله ما نصحكي باستخدامه لازم تستشيري طبيبتك
بصراحه أنا هنا خفت وراح الحماس ونويت اسويها بالنفاس ان شاء الله وعشان تشوفي مكونات الخلطة بالصور اكتبي بقوقل خلطة رجاء للبياض الصارخ
ودعوااااااااااااااااااتك أولد بالسلامه ياااااااااااارب

دلوعه ومغرورة · 05-11-2012, 04:06 PM

مشكورة حبيبتي بس المكتوب فيتامين e مو a وانا فعلا بحثت عن الخلطة وصاحبتها تقول ماتضر الحامل وانا تحمست لها بقوة حسيت اني لقيت الحل بس والله متردده بكرة عندي مراجعة بالمستشفى وراح اسسأل دكتورتي وراح اطمنكي وانشاء الله خير ..

ياسمينة نجد · 05-12-2012, 05:45 PM

وش صار عليكي حبيبتي دلوعه سالتي طبيبتك عن الفيتامين اللي بالخلطه لان موعدي مع الدكتوره مو قريب ومتحمسه اسويها

mimi000 · 01-14-2013, 08:06 PM

مشكورة اختي على الخلطة ربي يحققلك كل امنياتك بس عندي سال انا راح اجرب الخلطة بس ما لقيت الصبونة السحرية يمكن ابدلها بشئ ثاني ???

نونة المغربية · 01-14-2013, 09:01 PM

يسسسسسسسسسسسلمووووووووووووووو

mimi000 · 01-15-2013, 07:58 PM

ما لقيت الصبونة السحرية يمكن ابدلها بشئ ثاني ???

راحتي بديني · 03-12-2013, 10:47 AM

يسلموووووووووووو

زهور لاتذبل · 06-11-2013, 03:36 PM

مين جرب الخلطة يابنات تكفووون ردو ابغاها فترة النفااس

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اضمن لك بياض وصفاء لؤلؤي لجسمك	ريف..	منتدى السوق التجاري	185	11-05-2014 01:23 AM
فجري انوثتك للبياض الصارخ ووداعا للسواد للابد	ساعة ذهبية	منتدى السوق التجاري	2	09-16-2011 11:18 PM
كوني مثل الذهب !!بياض وصفاء ونعومه وقولي وداعآلحب الشباب والبثور واستقبلي بشره ذهب!!	الخبيره ام صالح	الموضة و الجمال	11	07-09-2011 04:04 AM
تبين تصيرين مثل البيضه المقشره بياض وصفاء ونعومه ادخلي	ورود فوواحه	منتدى السوق التجاري	3	04-16-2011 03:11 AM
لبشره مشرقه ورائعه.......بياض ونعومه	ريم الجبلين	الموضة و الجمال	7	08-02-2010 05:51 AM