بنتي طبيعية ولا أوديها شيخ يقرأ عليها..لان لديها مشكلة خوف غريبة

[اا ام وليد اا]

شوفي حبيبتي بنتك دخلها خوف من الفلبينيات ممكن من تطعيم او شي

انا بنتي ما هدت لين كملت السنتين

واللحين اعطيها مقدمات قبل نروح للمستشفى

انتي عوديها تتعرف ع الفلبينيات

اذا رحتي مستشفى حطي بشنطتك حلاو

واذا شفتي فلبينيه عطيها ثنتين قولي خذي وحده وعطي بنتي وحده

عشان تكسري الخوف اللي فيها

كثري ارتباطك مع الفلبينيات لحد ما تكسري الخوف اللي فيها ليصير معها عقده من هالشي

وباذن الله كل مشكله ولها حل بس فكري زين وتفهمي وضع بنتك وحاولي تتذكري شنو سبب خوفها

ارجع لماضيها وتذكري من شنو واذا عندك خادمه فلبينه اربطي بين خوف بنتك وبين تعاملها

صديقتي لما جابت خدامه سرلنكيه في بيتهم شهرين فقط وتغيرت نفسيت عيالها

كانت تطلع لسوق وتخليهم لعزيمه تخليهم ويعني اي مكان تخليهم عند الخادمه

بعدها بشهرين لحظت تغير اطفالها لما تطلع يصيحون ويتمسكون فيها لدرجة يبوسون ارجولها ما تروح الا تاخذهم

شكت بالوضع اطفالها تغيروا

جابت كاميرا وركبتها في البيت

من اول طلعه شافت العجب

الخادمه تضرب فيهم ضرب ياعمري عليهم وتخليهم يرتبون وينظفون وتهددهم اذا قالوا لامهم

يوم شافت صديقتي الشريط انهارت بكاء

اخذ زوجها الشريط وشغله للخادمه وخلها تشوفه بالكامل تقول والله ترجف رجف

تقول اضرب فيها انا وزوجي لين بردت حرتي فيها

وسفرتها

طولت عليك لكن ارجع واقولك انتبهي لبنتك اذا فيه خادمه بالبيت