تجمع الحساويات .... حياكم الله ..... يالله ندردش ..(((2)))و((3)).

يارب عفوك · 08-13-2010, 05:14 AM

..ايوه صرنا ماندخل كثير..
انا ادخل بس هالوقت

احس مالي خلق والنفس مسدوده

انتي وش مسويا برمضان

هلا دنيتي..منوره

انا تعرفين اخباري مايحتاج هع

spoiled · 08-13-2010, 05:14 AM

اهنن دنيتي غريبه .. وش اخبارك؟

spoiled · 08-13-2010, 05:19 AM

الحمدلله كل اموري تمام والنفسيه اوكي ومنظمه لي جدول وماشيه عليه وماابذل مجهود نهائيا بالنهار عشان العطش والتعب اقضيه بالقران والدعاء .. ومن بعد الفطور امشي ساعه وانا امشي اشغل نفسي بأي كتاب عشان ماافكر بالتعب والوقت ولازم اشرب عصير .. بعدها اغفي لي ساعه من 9 الى 10 وبالليل اجهز للفطور واحنا فطورنا وسحورنا واحد وبعد السحور بساعه اسوي تمارين القرفصاء واشرب نص لتر ماي .. وبالعاده اصلي وانام بس اليوم بما ان زوجي مداوم دخلت المنتدى بعد الصلاه .. (: وبس

دنيتى غريبه · 08-13-2010, 05:23 AM

اى اخبارك اعرفها مايحتاج اسئل
اخبارك يا ماعرفت اقراء اسمك
انا منيحه ورمضان حلو

يارب عفوك · 08-13-2010, 05:24 AM

..حلوه جدولك وامشي عليه لاتصير ي كسوله

عشان بسرعه ربي يسهل عليك وتولدي مو مثل حظي ههههاي

انا باقي 2 يوم وبخلص التاسع بس طبعآ ع كل الدكاتره

بس مافيه شي بقاموسي انا شهر عاشر هع

spoiled · 08-13-2010, 05:25 AM

نكي سبويلد .. معناه دلع
خخخخخخخخ للحين نكي مسوي عقده بالتجمع

spoiled · 08-13-2010, 05:27 AM

الله يهون عليك ويقومك بالسلامه ... اصلا مافي شهر عاشر
انا بين حسابي وحساب المستشفى فرق 5 ايام وعاطيني موعد الولاده 20 رمضان بس لو تأخرت ماراح اقلق نفسي الى 25 رمضان على حسابي الله يكتب لي الفرج ..

يارب عفوك · 08-13-2010, 05:32 AM

..’آمين يارب..
وانا بروح الولاده بتاريخ 7 عشان بسوي كشف

بشوف كم مفتوح والإ مسكر

وخايفه حيل احس قربت قربت للموت قصدي للولاده

spoiled · 08-13-2010, 05:39 AM

دخلي بنفسيه حلوه .. وتفائلي .. واذا تعبتي فكري بللي جاي بعد ذا التعب وبيهون ان شاء الله وعلى اجر .. في ابره اخذتها وحده من قريباتي بعد مافتح عندها الرحم 4سم اسمها ميثادين تقول نمت وماحسيت بشي الا والدكتوره تصحيها تقول لها ادفعي والرحم انفتح عندها 10 سم تقول ادفع وانا مااحس بألم وولدت .. (: بس انا ماافكر اخذ ذا الابره احس الا مايكون لها مضار بعدين

شموخ الكون · 08-13-2010, 05:40 AM

السلام عليكم