دردشة بنات فلسطين , دردشة حوامل فلسطين , تجمع بنات فلسطين

[حلا الماس]

ييييييي سلامتو من النكد .. ويكون بعونو عليهم

انا مش متزكرة كتييير بس النكد لا بد منو وبيصير يسيل اللعاب كتير وبيحك اللثة مكان طلوع السن وسخونة .. والله يكرمك اسهال خفيف كمان هادا الي متزكرتو ... اوكي خدي راحتك


ام عبد الله .. لولو .. دودو .. حيفا .. بنات الدوام الصباحي وييييييييييييييييييييييييييييييييييينكم يا كسولات ؟؟

[~{{ DoDo }}~]

صبااااااح الخير

ام خليل كيفك يا قمر ؟ مشتقالك ما لحقت عليكي مبارح
شو الاخبار طمنيني

بيبو صباح الفل ام بيان
ان شاء الله تكوني بخير انتي وبيبو
الازعر الدلوع اللي لهلا ما طلع سنوناته بس غلبك ههههه

انا صاااااااااايمة اليوم يارب ما احس بالوقت عشان عطشاااااانة

[beboo]

حلا بعين الله الله يعينو على وجعهم

دودو يسعدلى هالصباح ياعسل شايفة شو دلووع ابنى عقبال مانشوف صورة ابنك وهو عم يمشي حبيبتى

وتقبل الله صيامك

[~{{ DoDo }}~]

تسلميلي بيبو الله يسعدك
ويسمع منك ياااااااارب ؛)

[فوفو89]

صباحوو صبايا كيفكم

يسعد صباحكم بيبو وحلا ودودو


حلا
انا عندي دهون اسمه لاكتول كنت استخدمه للايدين عشان تشقق الايدين من الاكزيما

انا صبحت زهقانة وتعبانة .. خلصت شغل عند بيت حماي بعدها غسلت اواعينا وهس خلصت

كنت ناوية اعمل معجنات للغدا بس شكلي مكسلة ع الاخر اليوم

[~{{ DoDo }}~]

فوفو
يسعد صباحك ويعطيكي العافية يارب
هو مو مهم بالزبط شو تستخدمي بس اهم شي انه تنتظمي عليه
عشان يجيب فايدة ان شاء الله ؛)

[فوفو89]

الله يعافيكي دودو
بتعرفي كثير شاغلني هالموضوع انه يتغير جسمي بعد الولادة وما يرجع مثل ما كان قبل الحمل
خصوصا الكرش ،، ما بحب يكون الي كرش ابدا
جوزي اله كرش ودايما بحكيله يا ابو كرش وهو هس صار يحكيلي ام كرش عشان الحمل
يعني بدو يستد مني هههههه
عشان هيك ما بدي يكونلي كرش بعد الولادة وبدي احسن طريقة ترجع البطن مثل ما كانت قبل الحمل

[أسيرة زوجي]

صباح الخير بنات

إن شاء الله كلكم بخير

أتمنى إن الأجواء هديت عندكم

خوذوا بنصيحة أخت لكم ، فيه منكم بنات حوامل و بنات بترضع و مو منيح القلق بهيك وضع

لهيك أنصح الجميع أي تهجم يصير أرجوكم لا تردوا عليه و ما تعملوا شيءغير أنكم تبلغوا مشرفة القسم و راح أتصرف

تحياتي لبنات فلسطين

أحبكم في الله

[~{{ DoDo }}~]

فوفو
والله انا كمان كتير حاملة هم وقلقانة
وبفكر بموضوع جسمي بعد ما اولد
ومتل ما قلتي خصوصا البطن لانه هو اللي كبر اكتر شي
هو وصدري كل الزيادة فيهم
بس ناوية اشد حيلي اذا الله اكرمني وولدت طبيعي
بدي البس مشد وبدي اخلي اكلي كله صحي واول ما اقدر بدي العب رياضة
واتفقت مع زوجي يساعدني ما اخبص نهائيا بالاكل والله يقدرنا يااارب
واهم شي الرضاعة الطبيعية لانها بتشد البطن وبتضعف منيح عن تجربة كل اللي حوالي
الله يهونها علينا جميعا ياااااارب

[~{{ DoDo }}~]

المشاركة الأصلية كتبت بواسطة أسيرة زوجي

صباح الخير بنات

إن شاء الله كلكم بخير

أتمنى إن الأجواء هديت عندكم

خوذوا بنصيحة أخت لكم ، فيه منكم بنات حوامل و بنات بترضع و مو منيح القلق بهيك وضع

لهيك أنصح الجميع أي تهجم يصير أرجوكم لا تردوا عليه و ما تعملوا شيءغير أنكم تبلغوا مشرفة القسم و راح أتصرف

تحياتي لبنات فلسطين

أحبكم في الله

يسعد صباحك
كلام سليم مية بالمية
الحمدلله خلص اتفقناما نوجع راسنا بهالمواضيع
شكرا لاهتمامك ومراعاتك ؛)