يومياتي مع رجيم نوع الجسم (التناسلي)

نسيم الأمل · 02-19-2013, 10:15 AM

يووووو
نسيت انزل يوميات الاثنين !!!

معليش
امس مافطرت بس شربت كاسين مويه
وتغديت تبولة+ حليب+ توست بالجبن+ جريب فروت
والعشا كان تبولة+ زبادي+ رز مسلوق+ باذنجان مشوي

نسيم الأمل · 02-19-2013, 10:19 AM

اليوم الثلاثاااء
اليوم هو اليوم الرابع من الاسبوع الرابع

فطرت بكاسين مويه>> احس نفسي صدت عن الفطور!!

الغدا بيكون ان شاءالله
شوربة عدس وكوسا+ تبولة+ حبة فاكهة+ حليب

والعشا بيكون معكرونة بالخضار + حبة فاكهة+ زبادي

طبعا فاكهتي المفضلة اللي بستر عليها طول هالفترة هي الجريب فروووت
سمعت انها مفيدة لدهون الخصر

ويااارب ننحف من غير شر

نسيم الأمل · 02-24-2013, 04:10 PM

يووووو نسيتك يا يوميااااتي
لاني انشغلت بقروب التناسلي ع الواتسب خخخ

المهم يوم السبت اللي فات كان نهاية شهر وبداية شهر للرجيم

صباح السبت وقفت ع الميزان
وكاان وزني

80.400 ياسللللاااااااااااام

وقبل شهر وزني كان 88.700

يعني خلال شهر خسرت 8*300 kg

حييييل مبسووووطه وطاير عقلي
ان شاءالله الشهر هذا نفس الخسارة
واكون طيحت 16 كيلو من وزني روووحه بلا رجعه ان شاءالله

والمقاسات ياسلام
خسرت انشات من خصري و اردافي
والمؤخرة صارت مرتبه بس باقي لها شوي

الحين صار عندي أمل ان الطاوله اللي ورا ممكن تنقص:D

حلة الظل · 04-07-2013, 04:48 PM

مساء الخير نسيم الامل
انا قريت تجربتك مع نوع الجسم وماشاء الله نزلتي عليه نزول حلوووو
ان شاء الله تكوني وصلتي لرقم حلو

انا بديت بهالرجيم من امس وحابه اكمل معاك بهالقروب ياليت ترجعي تكتبي يوميااتك بالقروب
عشان نتشجع وننزل اوزاننا من غير شر
وياليت اللي جسمها تناسلي تنظم لنا ونستمر ...

حلة الظل · 04-07-2013, 04:50 PM

اليوم .. افطرت نص تفاحه

الغدا .. توست وبيض مسلوق

العشاء .. دجاج مسلوق وتوست وحليب قليل الدسم

الرياضه ايروبيك والاوربتراك

ياليت ينتعش القروب

نسيم الأمل · 05-04-2013, 01:08 AM

فديتك حبيبتي حلة الظل
والله رجعت عشانك
مدري اذا انت موجودة ولا لا

انا انشغلت ولهيت بالرجيم و البنات في منتديات ثانيه
لقيت مجموعه كبيرة من التناسليات وشكلنا قروب والحمدلله لليوم انا منتبه لجسمي
ومبتعده عن التوابل و اللحم الاحمر والزبدة و الكريمة
بس لازم كل اسبوعين اكل كباب خخخخ عشان مايتعود الجسم ع الحرمان

تركتكم وانا وزني 80.300
وكان قبل شهرين وثلاث اسابيع

اليوم رجعت لكم ووزني؟؟؟؟؟؟؟

71 ياسلاااااام
يعني بعد ثلاث اشهر وثلاث اسابيع
خسرت 17 كيلو و شوي ماشاءالله تبارك الله
حييييل حييييل مبسوطة
وماتتصورون اشقد تغيرت

وراح استمر الين العيد
حتى في رمضان بعملي جدول خاص للوجبات

اريد العيد اكون 58 يااااااااااااا رب

دعواتكم
ان شاءالله لي عودة معكم
فمان الكريم

حلة الظل · 05-04-2013, 05:54 PM

نسيم الامل ياقلبي انتي
والله فرحت برجعتك
مبرووووووووك الف مبرووووووك الوزن الجديد لك ماشاء الله عليك

صراحه انا مشيت ع التناسلي مدة اسبوع نزلت فيه 2 كيلو بس وقفت ماكان في احد يشجعني ويحمسني

تكفين ارجعي للقروب وخلينا ننتظم

وياليت تنزلين ايش اكلتي فطور وغدا وعشاء لاني بالمرررره توهقت ماعرفت بصراحه الممنوع من المسموح
يعنيكنت مااشيه بالبركه
انا هالاسبوع ماشيه على نظام ياليت يخرجني من ال80 لاني مليت منها الحين وزني 82.3
ان شاء الله هالاسبوع اطلع من ال80 والاسبوع الجاي ابدء في التناسلي

وياليت اللي جسمها تناسلي تنظم لنا عشان ينتعش القروب ويتثبت

والف الف شكر نسيم الامل لتفاعلك ورجعتك للقرووووب وعقبالي ان شاء الله اوصل 71 قريييب يارب

نسيم الأمل · 05-05-2013, 12:01 AM

|•.. ھـَْـُلاٌٍے وًَ غ̷̷َـٌَلاَّے . حبيبتي

وانا فرحانه عشانك

طبعا انا صرت اغير في النظام بما ان وزني قريب الستينات
هالاسبوع دخلت رجيم الفواكه
اذا نجح معي راح اذكر تجربتي لكم ماببخل عليكم حبيباتي

لكن عشانك راح اقولك اقتراحات للوجبات

الفطور ثااااااابت
فاكهه والافضل موسميه و قهوة او شاي مع ملعقة شاي سكر اذا حبيتي تضيفي

الغداء
لازم يكون خفيييف
لان الحرق في جسمنا احنا التناسليات يكون بطيييئ في النهار
فلازم نتغدا خفيف

العشاء
هو وجبتنا الرئيسية
لان الحرق عندنا في المساء اقوى واسرع
حتى الرياضه المسائية تناسبنا

وهذا جدول اسبوعي
كتبته عشااانك ي الغلا
ان ڜآ۽ٱڵلھٰ تستفيدي منه وتقتبسي اقتراحاته وتعدلي على حسب ميولك

طبعا الفطور مثل ماقلنا ثااااابت
فاكهه + قهوة او شاي
لكل ايام الاسبوع

وجبات التناسلي
يوم السبت:

الغداء
طبق سلطة
علبة زبادي
قطعة خبز او توست
حبة خوخ او برقوق او اي فاكهه موسميه
حليب
شاي بقليل من السكر او العسل

العشاء
دجاج
نص كوب ارز
سلطة خيار مع ملعقة زبادي
حليب
حبة خوخ او اي فاكهه موسميه

الاحد:

الغداء
طبق سلطة
بيضة مسلوقة
قطعة توست او خبز
حليب
نصف حبة بابايا او اي فاكهه موسميه
شاي مع قليل من السكر

العشاء
دجاج مع زبادي مطبوخ من غير زيت
نص رغيف خبز
سبانخ او ملوخيه ( مطبوخه ع البخار)
كوب فراولة او اي فاكهه موسميه
حليب

الاثنين:

الغداء
نص كاس جبن قليل الدسم
نص رغيف خبز
طبق سلطة
حليب
تفاحه او اي فاكهه موسميه
شاي او قهوة مع قليل من السكر

العشاء
بيضتين ( مسلوق او مقلي في ملعقة صغيرة زيت زيتون)
كوسه مطبوخه ع البخار مع بعض الحبوب مثل اللوبياء
كوب عنب اخضر او اي فاكهه موسميه
حليب

الثلاثاء:

الغداء
كوب جبن ابيض قليل الدسم
طبق سلطة
نص رغيف خبز
حبة مانجو او اي فاكهه موسميه
حليب
شاي مع قليل من السكر

العشاء
سمك فيليه مشوي او مقلي في ملعقة صغيرة زيت نباتي
كوب سلطة الكرنب مع ملعقة كبيرة مايونيز لايت
نص كوب برغل منقوع او نص كوب ارز*
كوب كرز او اي فاكهه موسميه
حليب

الاربعاء:

الغداء
زبادي
كوب فراولة او اي فاكهه موسميه
طبق سلطه
قطعة توست
حليب
شاي مع قليل من السكر

العشاء
ربع دجاج
نص كوب ارز او نص كوب ذرة*
تفاحه او اي فاكهه موسميه
حليب

الخميس

الغداء:
بيضه مسلوقه جيدا
قطعة توست
طبق سلطة
حبة موز او اي فاكهه موسميه
حليب
شاي مع قليل من السكر

العشاء
قطعة ستيك من السمك او فيليه سمك ( من غير زيت)
نص كوب رز
حبة كمثرى او اي فاكهه
حليب

الجمعه:

الغداء
نص كوب جبن جاف*
قطعة توست
طبق سلطة
2 حبه يوسفي او اي فاكهه موسميه
حليب
قهوة او شاي مع قليل من السكر

العشاء
فيليه سمك مشوي
نص كوب ارز
2 حبه تين او اي فاكهه موسميه
حليب

ان ڜآ۽ٱڵلھٰ اكون افدتك:)

~قموووره~ · 05-05-2013, 01:20 AM

روووووووووووووعه مرره حبيت تجربتك ومبرووووووك نزول وزنك من جد نتائج مبهره وانا كمان جسمي تناسلي بإذن الله أولد بالسلامه وامشي على رجيمك عجبني ^^
حله ياااااااااااارب ينزل وزنك حبيبتي ويناسبك الرجيم ....

نسيم الأمل · 05-05-2013, 09:23 AM

|•.. ھـَْـُلاٌٍے وًَ غ̷̷َـٌَلاَّے . قمووووورة منوووره حبيبتي
الله يبارك فيك ويسعدك ويهون عليك وتولدي بالسلامه
ويرزقك بنونو صاحي وسالم ويجعله من مواليد السعادة

بس في تصحيح على كلامي
انا من بدات الرجيم صارلي ثلاث اشهر ونص وهذا الاسبوع الثالث من الشهر الرابع
يعني في ثلاث اشهر ونص نزلت 17 كيلو
بعد اربع اشهر ان شاءالله ان شاءالله اكون تخلصت من 20 كيلو
وصار وزني 68 يارب ياااا رب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نحت الجسم بدون رجيم ، وصفات لنحت الجسم بدون رجيم ، شراب الشعير للتخسيس	ام رينادد	منتدى الرشاقة والصحة	0	08-23-2012 06:53 PM
رجيم للمنطقة السفلى من الجسم ، رجيم للارداف ، دايت لتخسيس نصف الجسم السفلي	توتا توتا	قسم التغذية	0	07-09-2012 10:25 AM
رجيم الشوربة لانقاص الوزن ، رجيم لتنحيف الجسم ، خطوات عمل رجيم صحي	توتا توتا	قسم التغذية	0	07-06-2012 01:47 AM
رجيم ينحف الجسم بسرعه ، رجيم لانقاص الوزن ، رجيم قاسي	توتا توتا	قسم التغذية	0	07-05-2012 05:16 AM
رجيم الخمسة كيلوجرامات ، رجيم لخفض الوزن ، طرق عمل رجيم لرشاقه الجسم	توتا توتا	قسم التغذية	0	07-04-2012 01:02 AM