دردشة بنات فلسطين , دردشة حوامل فلسطين , تجمع بنات فلسطين

[جارة القمر]

لولو:دودو:

الحمد لله اولادي بخير
والله هلا اطلعت بدلت الشوز اللي شريته ليزن لانه طلع كبير فما لقيت بنفس المحل النمره اللي بدي ياها
اخدت انا قندرة بدالو ورحت لمحل تااااني وشريتلو .........ضل زيد اشتريلو صندل بس ما اعجبني الالوان

ههههههههههه والله يمكن عندي هوس بس الحمد لله بئدر سيطر على حالي .........


يلاااا ان شالله تئومو بالسلامة وتتسوقو

بس والله وانا حامل كنت البس كل الالوان والموديلات .........ما احرم حالي انا زدت 10 كيلوو ونزلتهم بعد الولادة على طول

[جارة القمر]

حواااااااائتي where Are You ياااااااااااااا بنت

[~{{ DoDo }}~]

جارة
مبروكين الشوزات وتهروهم بالعافية يارب
وانتي وزيد ويزن
انا بلبس والله وانا حامل كل شي عادي مش معقدة الامور ابدا
بس الفكرة انو اشتقت لجسمي قبل واشتقت البس متل لبسي اللي قبل
هههههههه يلا هانت ان شاء الله كمان ما نتغلب متلك وننزل هالكم كيلو على طوووووول

[جارة القمر]

دودو:

ان شالله يارب انتي كم لحد هلا زدتي .....؟

على فكرة وزن الام بصير اخر اشهر ما يطلع كتير

[~{{ DoDo }}~]

انا هلا بنص التامن
شي 11 كيلو زايدة
ان شاء الله ما يزيد اكتر من هيك
انا كمان سمعت انه ما بيزيد بالتاسع

[جارة القمر]

دودو:

ممتاز انتي بالحد الطبيعي بيحكو الزيادة الطبيعية من 9-14 كيلو
ان شالله رح تنزليهم بسهولة اها بالتاسع يادوب

[~{{ DoDo }}~]

ان شاء الله يارب
هي دكتورتي كمان قالتلي نفس الشي
انا بحدود الطبيعي الحمدلله

[لولو الفلسطينية]

جارة
تهريهم بالعافيه ياااا رب
انا كمان بشتري اول باول هههه بس هدول للحمل و ما بينفعو لبعدين و احنا قصدنا عن الملابس العادية زي الي كنا نلبسها قبل ههههه
انا لهلا زدت بالضبط 10 كيلو و ان شاء الله ما يزيد اكتر و نقدر ننزلهم بسهولة
بعدين اغلب التياب الي كنا نلبسها قبل ما رح نلبسها بعد الولادة و خصوصا انو الصدر كتييييير كبر عن الاول ههههه
عشان هيك لازمنا حمله تجديد بعد الولادة

[حيفا]

مسا الخير جميعا :)

اااااه ياصباايا ااااه والله عايشه حاله ما حد بيعلم فيها غير ربنا ، اكتئاب على خوف على تفكير سلبي ، بضل افكر بموضوع الحمل ، عاملي عقبه بحياتي ، مع اني والله مآمنه بأمر ربي ومسلمه لهالامر بس والله بحز بنفسي لما الحمل يكون عائق بحياتي ، انا تقريبا كل شي بحياتي ما بنوله الا بعد تعب مضاعف اكثر من الناس التانيين
تعليمي الجامعي تأخر سنتين سنه قبل وسنة بعد ، يعني لما أخدت شهادتي كانو اللي بعمري متخرجين الهم سنتين بسبب ظروف كثيرة !!
الزواج بالنسبه لمجتمعي واللي حولي انا اتأخرت فيه ، يعني بنات عمي لما كانو بعمري كان عندهم ولدين عالاقل ، وفي اصغر مني وحوامل او عندهم اولاد ، بحس كل شي لازم احصله بعد معاناه وتعب
تعبت من اني التعب بجد ، وزهقت من كل شي بحياتي ، افكاري صايرة كلها سلبيه ، حتى في شي بحياتي جديد ، هو غلط وانا بعرف انه غلط بس بعمله !!!
يا بنات والله رح انجن من كتر التفكير ، ليش بصير معي هيك ، والله ما بعمل هالشي الغلط الكبير بحياتي ، غيري بيعملو وبيسووو وكل شي بيصيرلهم بسهوووولة !!

استغفر الله العظيم من كل ذنب عظيم
يا بنات اعتبروها فضفضة ، والله قلبي مليااان ، وبيوجعني والله !

ربي يخفف عني وعن كل مكروب بهالدنيا يارب :)


ليلتكم احسن من ليلتي :)

[غُمُوض أُنثَى]

اول شي يسعد صبآحكم يآرب كلكم كلكم ما اكتر برمكم :)

رح رد ع كلامكم بخصوص سؤالي بعدها اشوف اكتئآبك يا ست حيفا شو صايرلك ولك كنتي محلاكي ومبسوطة يؤ !! ما بحب اشوفك هيك يابنت

المشاركة الأصلية كتبت بواسطة جارة القمر

غموض:

المشاركة الأصلية كتبت بواسطة جارة القمر

ان شالله تكوني حامل اولا

بالنسبة لتجربتي بحملي التاني اجتني الدورة بــ1/9/2011 اعملت كل لفحوصات اللي بالدنيااا
بول اول مره طلع خطين بس ما عندي ثقه فيه فعملت دم وتحليل هرموني مااااااااااا بان حمل وغير الالتراساوند
اعرفت اني حامل بــ19/11/2011 يعني لما اعملت الالتراساوند وكان في نبض وسمعت نبضه

والنفس الشي سبحان الله سلفتي اجتها الدورة قبل بشهرين واخدت حبوب تنزل الدورة عرفت انها حامل قبل اسبوع
يعني جيل اليوم مخفي ما ببين .......هههههههههه

الله يسممممممممممممع منك يا هدولة
المفروض انه بكرآ موعد فحص الدم تبعي حسب تخطيط زوجي العزيز
وان شاء الله خير يارب بس كتير خايفة اهئ
قولتك هالجيل مخفي ههههههههه لعله خير يارب

المشاركة الأصلية كتبت بواسطة beboo

صباح الفل صبايا كيفكم

المشاركة الأصلية كتبت بواسطة beboo

غموض انا تقريبا هيك صار معي رحت على الدكتورة من شان عفوا الالتهابات حكتلى مافى عندى تبويض واعطتنى علاج للالتهابات وحبوب اخدها تانى يوم الدورة لحتى تقوى التبويض

ومااجتني الدورة لمدة شهرين فحصت منزلى مابين شي وفحت بالدم كمان مابين شي

بعد مامضي شهرين على الحمل وانا مو عارفة بين بالدم

يمكن انت هرمون الحليب عالى لانه انا بردو كان هيك ومتلك كانت دورتك منتظمة

ان شاء الله ربنا يعطيك كل شي فيه خير لالك ياعسل

حبيبتي بيبو اول شي تسلميلي ع ردك واهتمامك
عن اي التهابات بتحكي مافهمت علاقة الالتهاب بالتبويض ،، انا كان عندي التهاب بول وراح الحمدلله بالنسبة للتبويض لأ انا ما عندي بالمرة مشكلة فيه ،، التبويض الحمدلله ممتاز كتير

مهوآ انا كان عندي فحص هرمونات عشان اعرف الخلل وين بالزبط هل من هرمون الحليب او هرمونات تانية بس زوجي مستبعد تماما يكون هرمون الحليب حكآلي اسماء هرمونات متوقع انه يمكن المشكلة منها ،، عاد المفروض تالت يوم الدورة الفحص وما اجت لسآ !

عاد بكرآ انا حعمل فحص الدم وان شاء الله خير يآرب ادعيلي حبيبتي الله يسمع منك ياعسولة

المشاركة الأصلية كتبت بواسطة حيفا

صباح الورد والخيرات والليرات : )

المشاركة الأصلية كتبت بواسطة حيفا

غموووووض حياتي "حامل " باذن الله تعالى ، روحي اعملي فحص هرموني للحمل وان شاء الله حااامل :)

كل الصبايا نهاركم سعيد ويومكم مليان امل :)

الله يسمع منك يااااااارب ،،ان شاء الله بكرا حعمل فحص دم بس مش عارفة خايفة ومش متفائلة :( ازا مافي حمل رح اكلم الدكتور واشوف شو يحكيلي عاد الله يجيب اللي فيه الخير يارب
عاد انا كنت ناوية بعد فحص الهرمونات تالت يوم الدورة وبعد ما اعرف سبب تخربط الدورة ،، كنت ناوية أأجل الحمل لبعد شهر 9 عشان بدي انزل ع غزة بشهر 8 ومابدي اكون لسا حامل جديد وما اقدر انزل

بس بما انه لسا ما اجت الدورة ،، ف لسآ مش عارفة شي !

المشاركة الأصلية كتبت بواسطة لولو الفلسطينية

غموض
احسن اشي تحللي دم الي هو التحليل العادي و اذا ما بين في اشي بتعملي فورا تحليل هرموني للحمل في الدم و هاد بيب نسبة هرمون الحمل اذا كانت اكتر من 5 يعني حامل ان شاء الله
او من الاساس بتعملي الفحص الهرموني هاد ادق اشي
يا رب يا رب تكوني حامل و تيجي تبشرينا بهالخبر الحلو

ان شاء الله بكرا رح افحص دم يارب خير ادعيلي يا حلوة
ربي يتمم الك ع خير حبيبتي :)
تسلميلي يارب