مرحبا حبيتي اولا الله يرزقك الحمل ويرزقك الذكر السليم المعافى
رح احكيلك تجربتي
انا عندي ولد الله يخليه عمره 3 سنوات وحملت فيه طبعا بعد ما تزوجت مباشره يعني الحمدلله نعمه
قررت هاي السنه احمل وبيني وبينك بدي ولد تاني وطبعا الي بجيبه ربنا مليح ونعمه بس بدي اخ لابني يعني شو بدنا نعمل نحنا بشر والنا رغبه
حملي هاد رح احكيلك كل شي اعملته بالتفصيل
خلال الدوره كنت اشرب قرفه كتير ولمااغتسلت منها بلشت اشرب عصير اناناس بكثره واكل موالح كتير ووجبة العشا خليتها بوشار وكترت ملحه وشيبسات مالحه حتى كنت احل ملعقه صغيره ملح بكاسة مي واشربها هههههه
المهم بعدت عن الالبان والحليب
وبلشت من اليوم 13 اراقب الافرازات وانا دورتي 29 يوم يعني مفروض يوم 16 يكون الاباضه
المهم راقبت الافرازات لحتى صارت شفافه وبتمط كتير وحسيت بوخز بجنابي
تاني يوم شريت شريط كشف الاباضه وشفت خطبن واضحين وبعدها ب 12 ساعه صار جماع
طبعا شرب زوجي قهوه عربيه قبل بنص ساعه وانا غسلت بغسول البيكربونات قبل بنص ساعه وصار جماع بوضع السجود من دون تفاعل مني (يعني قدر الامكان حاولي ما تنزلي قبله)وبعد ما نزل نمت على جنبي اليمين وضميت رجلي وما تحركت ابدا واستغفرت لحتى نمت وبعدها ب4 ساعات اغتسلت
تاني يوم رجعت عملت تست الاباضه وبين خط خفيف وهاد بيعني انو البويضه نزلت
وتاني يوم كمان صار جماع بنفس الطريقه قهوه للزوج وغسول الك ونفس الوضعيه وتالت يوم ورابع يوم
طبعا قبل كل جماع صلاة الحاجه ودعاء بتذلل وبكاء انو ربنا يبعتلي الصبي والاستغفار
وبدات بقراءة سورة البقره وسورة مريم من لما اغتسلت من الدوره ولا تنسي الاستغفار بعد الجماع او باي وقت والصدقه حتى لو بتمره او بدينار والدعاء مع يقينك بلاجابه
طبعا بعدها راحت الافرازات وجفت المنطقه وبعدها ب4 ايام مرضت مرضه قويه وصداااع وقشعريره ووالم بظهري ونفسيه تعبت ووخز بجنابي وراح هاد كله قل موعد الدوره والحمدلله ما اجت وحللت بموعدها وطلعت حامل
انا هلا ضايلي اسبوع وبخلص التالت يعني انشالله اكم اسبوع وبعمل سونار وبشوف جنس البيبي لانو بابني الاول عرفت انو صبي باول الرابع
يعين انشالله لو صبي رح اجي واخبرك ولو بنوته كمان
يعني ما راح اضايق ابدا بالعكس اهم شي طفل سليم معافى
هههههههههه حكتلك قصة حياتي بس ذكرتيني بحالي لما كنت احوس بالنت واجمع معلومات وحبيت اخبرك بكل شي عملته عل وعسى تستفيدي
بالتوفيق