انا وأولاد زوجي

[حرم السلطان]

السلام عليكم ورحمت الله وبركاته

اخواتي المتزوجات الحكيمات ابغى اخذ رايكم ومشورتكم في موضوع اولاد زوجي..انا متزوجه منذ سنه وعندي طفل. .طبعا انا الزوجه الثانيه..ومنذ زواجي وزوجي تارك زوجته الاولى ..وبعد تسع شهور من زواجي ..راح زوجي واخذ عياله وحطهم عندي ببيتي وانا مدري وش صاير كنت اظنهم يجلسون اسبوع او اسبوعين..وجلسوا ببيتي شهر و شهرين وانا ساكته وانا اعاملهم احسن معامله حتى ان زوجي انبسط من هالمعامله وزاد رصيد غلاي عنده..طبعا من جابهم عندي من اول اسبوع جاب شغاله ..وبعد مرور خمس شهور وهم عندي فاتحته بالموضوع وقلت له رجع زوجتك..قال ليش قلت عشان اولادك..وطبعا دار بيننا نقاش طويل وضحت له اني بستانس اول سنين زواجي قبل يصير عندي اولاد كثار وفهمت منه انو مايبغى يرجعها الابعد كم سنه..وانا مابغى اربي اولاد زوجته وبعد كم سنه يرجعها زي العروسه وانا غاطسه بأولادي واشغالهم ..المهم وكأنه زعل ولا يمكن رخصت عنده لاني انزعجت من عياله..قلت له طيب ريحني منهم بأجازات الاسبوع والعطله الكبيره ...
قال ماراح ارجعها واذا اوﻷدي ازعجوك راح انزلهم عند امي واكون يوم عندك ويوم عندهم..قلت لا مايصلح تحطهم عند امك وامهم وابوهم موجودين..
قلت خلهم عندي وقت المدرسه كلها شهر وتجي العطله..والان اجازتهم بدأت وشكله مو ناوي يوديهم امهم..وش اعمل

وش اسوي

هو انا اقول له ودهم امهم او اسكت واكتفي بكلامي اللي قبل شهر..لانهم صراحه ازعجوني وبصفتي زوجة اب ماقدر اقول لزوجي ع مشاكلهم اللي يسببونها لانه ماراح يصدقني.. وكذالك انربطت بهم صرت ماقدر اطلع واروح زي قبل كله جالسه بالبيت وهو يطلع لحاله هروب من الازعاج..للعلم زوجي طيب ويعاملني احسن معامله..وفاهم كل الوضع مايخفى عنه شي..


ارجوووكم ساعدوني بنفجر

[أم عبدالرحمن السلفية]

من جد شيء صعب ...
طيب كيف عرفتي إنو ناوي يرجع زوجته الأولى يمكن خلاص ما يبغاها ..
بكذا اصبري ع الاولاد وحاولي ترتبي وتنظمي حياتكم , وشوي شوي ألين يمشي البيت حسب نظامك .

[Mishael]

طيب ليه ناوي يرجعها بعدين مو اللحين ،، يايرجعها اللحين يالا يرجعها ابد ،، وهي نفسها مااشتاقت لعيالها ماقالت جيبوهم بشوف عيالي اشتقت لهم ولا عادي عندها
كلميه من هالباب حرام هذي ام اكيد اشتاقت لعيالها وهم لازم يشوفون امهم اكيد اشتاقو لها ،، وانتي اصبري وانا اختك لك الاجر ان شاءالله والله يجزاك خير شكلك مو مقصره معهم

[همسة غلآآ]

حبيبتي بتكلم معاك بعقلانيه بصراحه الواحد في الزمن هذا يادوب يتحمل اطفاله اجل كيف اطفال غيره

حاولي بااشت الطرق انك ماتخلينهم عندك انتي ايش ذنبك تتحملي مسوليتهم ادا مرا خليه ينزلهم عند امه هوا ادا شاف الضغط على امه ممكن يرجع زوجته

وانتي لك سنه بس متزوجه يعني لساتك عروسه افضي لنفسك ولزوجك ولحاتك الخاصه

وبلاشي تحرمي نفسك من اشياء كثيره عشانهم وامهم موجوده

اولا هروب زوجك من البيت بسبب الازعاج

وانتي انحرمتي من الخروج عشانهم

وانحرمتي من انك تاخذي راحتك في بيتك ولبسك ونومك

وبعدين مصير هاالاولاد يكبروا ومو حلوه ينقلوا لامهم عنك وعن حياتك

هذا رائي وسوي اللي يريحك

[حرم السلطان]

الله يجزاكم خير ..

نعم صحيح كلامك انحرمت من اشياء كثيره
صرت مالبس له وماهتم بزوجي و و و و!!
حتى زوجي يقول تغيرتي عقب المولود الجديد.. ..هويظن تغيري بسبب المولود وهو بسبب اولاده..للعلم الاولاد يشوفون امهم كل ثلاث اسابيع يجلسون عندها كم يوم ويرجع ياخذهم..

الله يعين..راح افتح معه الموضوع من جديد..صراحه ماتحمل جلسوهم عندي بدون مدرسه لأن شقتي صغيره وحاسوني حتى النوم ما أنام

[ام جوري&&]

طيب مو شرط يردها لانه لو انا مكانك ما ارضى احد ياخذ زوجي مني 000 دامه طلقها باراده او تركها 000 ومايبي يرجعها هذا من صالحك 000 واولاده خليهم يعيشوا عندها 00 هذا راي00 لكن برضوا مانبي لها خراب البيت بس دامه رافض انه يرجعها خلاص يعيشوا عند امهم بدون مايرجعها 00 والله يصلح الحال لكي ودي 00

[سماء الاحساء]

كان الله في عونك وان شالله تتسهل الامور هم كم طفل ؟؟وشقد أعمارهم؟؟؟

[امجااد]

مع احترامي لك اختي

لكن انتي تزوجتيه وهو متزوج وعارفه انو عنده عيال ويمكن انه بسبب انه راح اتزوجك حصل الطلاق

اتحملي مايجيك وربي له عياله بدون مناقشه حتى تكبري بعينه

وترى حتى الحرام حرام انكم تقولوا لها ليش يرجعها

[عجيبة]

اضمن شي تكلمي معه شوفي ايش يقول وعلمينا >>> تحمست الخبله

[o فرح عمريo]

انا كمان رأيي من رأيي امجاد
دام هو طيب معاكي ومنيح اتحملي اولاده اهون ماتتحملي وجود زوجته
مااعرف كيف طاوعك قلبك تقولين له رجع زوجتك
يبدو انك مامجربه نار الغيره ولسه ماتعرفي معنى وجود زوجه ثانيه مع احترامي الك غاليتي
ولكن انا اشووف وجود اولاده اهووون بكثييييير من وجودها مع زوجك
الله يهينك حبيبتي وان شاء الله يتبدل الحال