دردشة حوامل القطيف- تجمع بنات القطيف

[شدى الورد]

بنات حبيت استفسر مين تتابع بمستشفى الزهراء
ومن جربت دكتورة نيفين والولادة عندهم والعناية
لان مقررين لي عملية ربط عنق الرحم بالأسبوع 13 وحابة اطمن
من جرب دكتورة نيفين

[عبير الحرية]

http://forum.hwaml.com/t259391.html

[دلوعه عبدالله]

المشاركة الأصلية كتبت بواسطة روح القوافي

هلا بوردة الغايبة يارب جميع افتقدناش
كم اعمارهم اولادش الله يحفظهم وانتين دلوعة بعد كم اعمارهم الحلوين

هو حتى لو صلتي الخامس بيحسوها طويله الله يعديها على خير ونقوم بالسلامة

ولدي عمره ثلاث سنوات وتسعه شهور والبنوته سنتين

والله يخلي لك اولادك ويحفظهم وتبلغي فيهم وفي اولاد اولادهم

[دلوعه عبدالله]

المشاركة الأصلية كتبت بواسطة فراشة الوادي

اخر دوره لي كانت 18/4 بالعربي
يارب ياكريم


روح القوافي موجوده غناتي بس ماكنت ادخل النت لان كنت تعبانه من الفلونزا متعبتني واجد

والحين اني اليي 12 اسبوع

متحمسه ابغى اعرف وش باجيب

ومحتاره مره وين اولد

اخر ولاده اليي كانت في تداوي بس موحابه ارجع اله مره ثانيه

و ثلاث مرات في الصادق بس مستحيل ارجع اليهم

ياربي ماني قادره استقر على مكان الزهراء مابين وبين

الروضه ما اشوف احد يمدح اصلا



انتوو وين بتولدوا

وفي شهر وصلتوا

اخر دوره لي 4/7 بالعربي

يعني اني قبلك ب اسبوع وشوي :)

حالياً الاسبوع 13 و4 ايام

واذا على الولاده للحين محتاره ههههههه

بس خيه ليش مستحيل ترجعي الصادق ؟ البارحه بنات عمي يمدحو الولاده عندهم ؟؟

[دلوعه عبدالله]

المشاركة الأصلية كتبت بواسطة روح القوافي

الله يحفظهم ويخليهم يارب العمر كله ربي يسهل عليش بوقتش

قطرة ندى

هلا فيك غناتي نورتي التجمع الله يزيد ويبارك حوامل القطيف
في وين تابعي ومتى ولادتش ربي يتمم لش ولحواملنا على خير
الله يفرحش بجية البي بي :)

فراشة

هلا وغلا سلامتش وما تشوفي شر يارب
اني مثلش اخر ولادة بتداوي وهالمرة مو مفكرة فيه ابدا حاليا اتابع في سعد ومفكرة اولد فيه
استخيري على الروضة ودوري تجارب والزهراء حظوظ احسه في الولادة ناس تمر بسلام وناس يتمرمرو والا كاتبنه ربش بيصير

اني عني بعيدة عنكم واجد في السابع بس فيه عندش رفيقات دلوعة عبدالله ووردة امل وقطرة ندى بعد كلكم ما شاء الله نفس الفترة الله يتمم ليكم وليي على خير

دلوعة عبدالله

وينش كنش مختفيه له توحشينا لين ما تطلي علينا ويش احوالش ويش حال البي بي الصعنون ؟؟

هلاااا وغلااااا غناتي

موجوده بس هالايام ويا بنتي جتها نزله معويه بعيد عنكم وعن اطفالكم

وتعرفي ترجيع واسهال والحاله حاله :(


والحمد لله البيبي بخيير :)

[روح القوافي]

دلوعة عبدالله
ان شاء الله العمر كله وتبلغي فيهم معاريس
وما تشوف شر البنوته الله يعطيها الصحة والعافية
شدى الورد
اني جربت نيفن في علاجات فقط بس مدري عنها بالنسبة لمتابعة الحمل كيف واستخيري الله يكتب لش الا فيه الخير والصلاح
سلامي لكل الكروشات الله يتمم للجميع على خير :)

[وردة الأمل]

اني جربت الزهراء ممتازين بس وقت الزحمه يشتكوا منهم شوي

[رمال]

السلام عليكم
أنا إن شاء الله راح أولد بالصادق ...باقي لي أسبوع على التاسع
شرايكم بمستشفى الصادق

[دلوعه عبدالله]

روح القوافي الله يسلمك وتبلغي في كتاكيتك وفي اولادهم ان شاء الله

رمال بنت عمي توها والده فيه وتمدح عنايتهم واهتمامهم بس تقول المبنى والغرف يجيبو الكآبه شوي هههههههه

بس اهم شي الخدمه والرعايه الطبيه


امس سويت خيره على المتابعه والولاده في الزهراء وطلعت ماهي زينه ابد :(

ومن امس للحين جايني الم اسفل الظهر ولا ادري وش سالفته ><

[قطَرة ندى]

صباح الورد

كيفكم؟ ان شاء الله بخير

انا اخر موعد دورة 16/4 وان شاء الله الولاده على خير بتكون 30/1

لحد اللحين ما قررت وين اروح اتابع واولد

سعد بعيد ولا نفكر نروح والزهراء يمكن اقرر فيه وخلاص

امبي تجاربكم للصادق والمواساه كنت افكر بهم

والله يقومكم بالسلامه يارب