بنات اللي ولدت قيصري تفيدني

[فطوومه]

مرحبا بناات ..
في كم سوال ودي اعرف اجوبتهم اتمنى تفيدوني ﻻن ماعرف شي هاي اول وﻻده لي ..

انا اليوم 7 والدكتوره قالت افتح الجرح ونظفه ورش عليه رش وخلاص مااسكره بس قالت استمر على الرش 10 ايام بس .. بس يوم اقرى فالمنتديات احصل ان محد فتح الجرح ماله في هالفتره البسيطه. يعني اللي قريته يفتحونه ينظفونه ويرجعون يسكرونه ؟! وكلهم كاتبين انهم بعد 20 يوم بدو التنطيف ليش انا الدكتوره خلتني افتحه بسرعه ؟! للعلم انا مسويه كبس مو خياطه ..

وبعد عندي سوال عادي لو لبست بنطلون وضغط على بطني ؟

وبعد ابي اعرف هل الكبس يحتاج اروح عشان تفكه لي وﻻمن نفسه يروح ؟ ﻻن دكتورتي قالت لي من نفسه يروح لكن يوم اقرى احصل الكل يقول ﻻزم اروح عشان يفكونه !

وحبيبت اقول لكم اني الحمدلله انا منثاني يوم عمليه قمت اتحرك وامشي بس شوي بصعوبه لكن الحين عادي حتى لو امشي بشكل سريع اقدر لكن شوي القعده والوقفه صعبين علي .. بس ليش الكل مستغرب اني اقدر امشي عادي وﻻكانا فيني شي؟ صراحه خلوني احاتي اتمنى تفيدوني حبايبي

[فطوومه]

وينكم :(
ليش محد رد :(

[كلي فدآه]

أختي انا مسويه قيصري ماصار لي 24 يوم كبس على طول الجرح كأنه مسكر بدبابيس وبعد اسبوع من العمليه فكو اللي كانه دبابيس يمكن الكبس انواع لان بنت عمتي مسويه كبس لاكن مايحتاج احد يفكها لانها طاحت من نفسها الخيوط


اما على البنطلون انا بديت البسهم وضاغطات على البطن وماحس بشي وبديا اربط بطني بالشماغ لاكن على خفيف
اما على سالفه المشي عادي انا الحمدلله مامر 10 ايام الا انا اتحرك طبيعي لاني كنت امشي يوميا وبشكل مستقيم عشان يلتئم الجرح

[فطوومه]

المشاركة الأصلية كتبت بواسطة كلي فدآه

أختي انا مسويه قيصري ماصار لي 24 يوم كبس على طول الجرح كأنه مسكر بدبابيس وبعد اسبوع من العمليه فكو اللي كانه دبابيس يمكن الكبس انواع لان بنت عمتي مسويه كبس لاكن مايحتاج احد يفكها لانها طاحت من نفسها الخيوط


اما على البنطلون انا بديت البسهم وضاغطات على البطن وماحس بشي وبديا اربط بطني بالشماغ لاكن على خفيف
اما على سالفه المشي عادي انا الحمدلله مامر 10 ايام الا انا اتحرك طبيعي لاني كنت امشي يوميا وبشكل مستقيم عشان يلتئم الجرح

اهاا يعني في من نفسه ينفك وفي ﻻزم ينشال .. عيل اشوه دام يطيح بروحه ﻻن احاتي اذا بيفكوونه
عيل بتاكد من موضوع البناطلين ﻻن انا اليوم لي 7 ﻻن لبست وحسيت ضغط علي وخفت قمت غيرت ولبست جلابيه ..
وانا بعد صرت امشي عادي الحمدلله لكن في صعوبه ف القعده والقومه ..
تسلمين على مرورج حبيبتي ..
بانتظار باقي الخوات ..

[فطوومه]

معقوله كل هالمشاهدات ومحد رد ؟

[هوادي***]

حياتوو
انا ولدت قيصري
7 يوم روحت للدكتورة وفكت اللزقه وسحبت الخيط من طرف العمليه والحمدلله

هي ترش حاجه وتنفك من وحدها

وانا اعقم الجرح كل يوووم والحمدلله

وبعدين 7 اياام وامشي عادي ماشاء الله
واجلس ع الارض

والحين لي 6 اشهر والحمدلله امارس حيااتي طبيعي

[Falsaegh]

حبيبتي انا قيصري ويمكن تستغربين من اللي بقوله
اولا الجرح حقي من ثاني يوم العملية فتحته وخلته مكشوف وكانت تعقمه ب مسحة طبية وتحط لي ميبو مرتين في اليوم وفوق هذا ثاني لما كشفت الجرح قالت لي قومي تسبحي عادي ولما تخلصين جففي الجرح عدل بحيث انج تطبطبين عليه بالفوطة بدون فرك ولله الحمد انا ثاني يوم كنت امشي وماكان بصعوبة مثل ما يقولون حتى اهلي قالوو لي لا تمشين قدام احد عين الناس ما ترحم لان في ناس واجد يلاقون صعوبة
وبالنسبة لجرحي طاحو بروحه خيوطي وما عندي فكرة هو كبس او لا بس جدا نظيف شغل دكنورتي ومعروفة من افضل الدكاترة في البحرين
بخصوص البنطلون ما عندي فكرة لان كنت البس بيجامات صروال وفانيلة من ثالث يوم وكان عادي بس لا تظغطين عالجرح ليما تحسين انج تقدرين تلبسين هالاشيا انا قبل ما اخلص الاربعين لبست وقومتي وقعدتي تحسنت وااااااجد بعد اسبوع او اسبوع وشي من العملية

[فطوومه]

المشاركة الأصلية كتبت بواسطة هوادي***

حياتوو
انا ولدت قيصري
7 يوم روحت للدكتورة وفكت اللزقه وسحبت الخيط من طرف العمليه والحمدلله

هي ترش حاجه وتنفك من وحدها

وانا اعقم الجرح كل يوووم والحمدلله

وبعدين 7 اياام وامشي عادي ماشاء الله
واجلس ع الارض

والحين لي 6 اشهر والحمدلله امارس حيااتي طبيعي

مشكووره حبيبتي على مرورج ..
انا امس كان سابع وقالت لي فكي اللزقه وغسلي الجرح ورشي عليه الرش لمدة عشر ايام والله مادري شفايدة الرش لكن ارش ههه

[فطوومه]

المشاركة الأصلية كتبت بواسطة falsaegh

حبيبتي انا قيصري ويمكن تستغربين من اللي بقوله
اولا الجرح حقي من ثاني يوم العملية فتحته وخلته مكشوف وكانت تعقمه ب مسحة طبية وتحط لي ميبو مرتين في اليوم وفوق هذا ثاني لما كشفت الجرح قالت لي قومي تسبحي عادي ولما تخلصين جففي الجرح عدل بحيث انج تطبطبين عليه بالفوطة بدون فرك ولله الحمد انا ثاني يوم كنت امشي وماكان بصعوبة مثل ما يقولون حتى اهلي قالوو لي لا تمشين قدام احد عين الناس ما ترحم لان في ناس واجد يلاقون صعوبة
وبالنسبة لجرحي طاحو بروحه خيوطي وما عندي فكرة هو كبس او لا بس جدا نظيف شغل دكنورتي ومعروفة من افضل الدكاترة في البحرين
بخصوص البنطلون ما عندي فكرة لان كنت البس بيجامات صروال وفانيلة من ثالث يوم وكان عادي بس لا تظغطين عالجرح ليما تحسين انج تقدرين تلبسين هالاشيا انا قبل ما اخلص الاربعين لبست وقومتي وقعدتي تحسنت وااااااجد بعد اسبوع او اسبوع وشي من العملية

اي حبيبتي انا بعد الحمدلله كنت امشي من ثاني يوم ﻻن الدكتوره ماكانت تخليني دوم قاعده تقول لي ﻻزم تتحركين عشان تقدرين تمشين بسرعه والحمدلله الحين امشي عادي بس تضل القعده شوي صعبه ..
مشكوووره حبيبتي ع مرورج

[منتهى الأدب]

من واقع تجربتي

العملية الأولى كانت خيوط تجميلية وتروح من نفسها ولأني كنت بكرية كنت أقوم بسرعه
وما أعرف ومع ذلك يمكن بعد 20 يوم التهبت علي وصار يخرج منها دم

لكن القيصرية الثانية كانت في نفس مكان الأولى لذلك كانت دبابيس مثل دباسة الأوراق وهذي لازم أفكها بعد كم يوم وتحتاج تعقيم أكثر وعناية أكثر

والحمد لله انتبهت لنفسي وطول وقت النفاس البس واسع مو مثل الحمل الأول لبست مشد بعد عشرة أيام يوم جيت أجلس الله لا يوريك ألم فضيع وبسرعه رحت أنزله على طول

أختي نصيحه البسي واسع ودفي جسمك لا يدخلك هوا وغطي شعرك والبسي شراب واشربي أشياء دافيه وانتبهي للجرح ترى الجرح الخارجي يلتئم بسرعه لكن الداخلي يجلس ست شهور ما التئم