أحلى تجمع لحوامل التوأم الجزء الرابع

[اتمنى الفرح]

انا اشكر المنتدى ألي خلانا نقرا ونتعلم حتى لو ماشاركنا ترى الدنيا تجارب وتفاعل سحبوني معكم خلوني احس بحملي
باقي لي ثلاث شهور مادري شلون المشوار أكمله فيكم وبسوالفكم يتوسع صدري ��

[لذة الصبر لاتقاوم]

اختي الغاليه اكتبي وفضفضي هالمكان مليء باخوات اجتمعو على حب الخير الله يسعدك بنسبه لحمل التؤام فهو بنسبه اول حمل لي شعوري غير عن كل انثى اول مره احمل في احشائي جنين ومن فضل ربي انهم تؤام اسئل الله ان يقر عيني بشوفتهم وهم في اتم الصحه والعافيه كاملين في خلقهم وخلقتهم احساس جد رائع مع شوية ثقل وتعب الله يكتبلنا الاجر استمتعي بحمل تؤائمك يمكن التجربه ماتنعاد جهزي للي بطنك وافرحي عيشي احساسك لاتخلين شي يكدر عليك بنسبه لابرة الرئه مارضت تعطيني دكتورتي تقول لمن اشوف بوادر ولاده مبكره اعطيك انا بشهر الثامن الله يتمملي ويتمم لكل اخت مسلمه سوا بتجمع ولابرا المنتدى

[الشموع المضيئة]

المشاركة الأصلية كتبت بواسطة اتمنى الفرح

اهلا وسهلا بالجميع والف مبروك للامهات الذين ولدوا والله يجعلهم من مواليد اليعاده يارب ويتمم بالخير على من لم يلد بعد
اعرفكم بنفسي انا حامل بتوام والحمدالله لكن فرحتي لم تكتمل للاسف والسبب زوجي الي في كل حمله يبي ولد وطبعا
ليس في يدي هذا الشي وحاولت كل مااستطيع لاحمل بولد وذهبت لدكتوره واخذت حبوب بوتاسيوم وضبطنا ان يكون
الجماع بالمحلول القاعدي عند نزول الدوره بالاضافه الى حميه 3 شهور ولا اعرف يمكن اخطات بشي او هكذا اراد الله
والحمدالله على كل حال ذهبت لطبيبه بمستشفى حكومي بالشرقيه لترى اذا حامل بمشيمه او اثنتين ومره تقولي وحده
ومره ثنتين طيب حاولت اجاهد السوال على لساني لما جلست معها تكتب تقرير لي ايش شفتي ولد او بنت قالت يمكن بنت
مايشوف شي يدل على ولد وهنا اسودت الدنيا عندي لاني عارفه زوجي ضعيف الايمان ويكبر الموضوع جدا فأخذت ادور بين
المنتديات ادور تجمع يفرحني واسمع سوالفهم حول التوام لاني تعبت وابحث واتمنى الفرح وطبعا مايكلمني ولا يتعامل معي مثل
الخلق كرهني بنفسي جدا صرت اطالع بطني واقول ايش ذنبي وايش ذنب بناتي اذا صح كلام الدكتوره اتمنى ألا تقسوا علي بالكلام
بس حبيت افضفض لكم انا لي فتره متابعه معكم التجمع هذا بس مالي جرأه اشارك وفرحت للي ولدوا حديثا وانتظر الدور على مين
انا في اول يوم بالسابع اشكركم لقرائت رسالتي

اهلين اختي والف مبروك لك الحمل والله يتمم لك لا تشيلين وتتعبين نفسك صدقيني من تجيبيهم راح يغير زوجك رايه في البنات ويحبهم حب مو طبيعي انتي دايما ادعي دايما انه ربي يحنن قلبه عليكم ويهديه لك ووقت الولاده نفس الشي والبنت غيرررر تجذب قلب ابوها بسرعه وباقي لك مشوار بالحمل وبصراحه حمل التوام متعب جدا لا تكئبين نفسك وحاولي تغيرين الجو وتلهين نفسك باي شي

[اتمنى الفرح]

شكرا الف شكر لذة صبر على كلامك الجميل وألي أحس فيه ايمان صادق والله يتمم لك على خير وتقر عينك بشوفتهم
وضمتهم الى صدرك والف مبروك ياشموع مضيئه على السلامه مأجوره ان شالله على التعب ألي شفتيه وصدقوني
اناأحاول حتى قدام عيالي اني بخير وتمام بس تراني ماقلت لهم اني حامل بتوام لاني عارفه بيقعدون البنات يبون
بنت والولد يبي اخو له وهذا بعد عامل دور لانه دايم يحن ابي اخو ابي اخو واحيان البنات مايبونه معهم فيقعد لهم
على الوحده استمروا سالفوا عن الحمل احب اسمعكم واقول هذا زيي لاانا مو كذا سوالفكم ترجع فيني الروح
احيانا اضحك واناظر ايش بتردون على بعض صرت مااطلع ولا اقابل احد لايسالون وش فيج تعبانه وليه كذا صايره
تجيني الام بركبتي فظيعه فجاه كذا تستمر مده تقعدني حتى من النوم وتروح بعدها كانها ماكانت غير العظام جنب
المثانه مادري هي اربطه ولا عظام

[ضي الروح]

اختي اتمنى الفرح هلا بك بيننا والله يباركلنا وياك
نصيحتي واسمعيها ادعي ربك انه يرضي زوجك بالي فبطنك واكثري من الاستغفار واسمعي كلامي لاتجعليه اكبر همك عيشي حياتك وافرحي بحملك لان شكلك كذا بتدخلين نفسك فدوامة اكتئاب وبتضرين الي ببطنك لاقدر الله
استعيني بالله وابتسمي ابتسامة الرضا والله بيرضيك ويرضي ابوهم ان شاالل ويسخره لك

[سووود العيووون]

حنان
الف الف الف مبررووك الله يجعلهم مواليد الصلاح
ويرزقك برهم


اتمنى الفرح،، الله يكون بعونك ،،بس مالك الا الدعاء الله يسخره لك ولبناتك
وانتي عيشي حيااتكماعليك منه لاتفكرين بعقليته،،وكل يوم احمدي ربك ع النعمه اللي انتي فيها
فيه نااس تتمنى بس تحمل
وفيه من تبغى بس ولد واحد
وانتي الحمدلله تحملين وتجيبين وعندك ولد،،الله يصلحه ويخليه لك

[سووود العيووون]

ضي،،،اعذريني والله انشغلت
رديت لك ع الخاص على طول

وبقولك بعد انها تعطيك مسكناات قويه ،، انا هذي ثالث قيصريه
بس ماشالله الامها اخف من القبل من المسكنات اللي عطتني

[اتمنى الفرح]

تسلمون ماتقصرون رفعتوا معنوياتي والله أبي أفرح وأخاف
أتفاجأ بس بحاول صح الوحده مو كل يوم تحمل وخاصه
بالتوام
بسالكم في احد ولد طبيعي قبل ولما حملت بتوام جابتهم طبيعي

[لذة الصبر لاتقاوم]

فوائد طمنينا عليك الله يسهلك ويقومك بسلامه

[اميرة الجوري]

لذة صبر ربي يسعدك حبيبتي متوكله على ربي وناويه استمر على المثبت
اتمنى الفرح
يارب يكونوا اللي في بطنك اولاد
واذا ماصار الحمدلله على كل حال وصدقيني انه خيره لو في الاولاد خير ربي راح يرزقهم فيهم
واذا لا
اكيد انه البنات هما اللي فيهم الخير
لانه الله هو العالم باللي يصلح لنا
الله يرضي زوجك بما بطنك ويسخره لك ولبناتك

وفعلا مثل ماذكرتي راح نفقد البنات اللي ولدوا وراح نشتاق لهم بس متاكدة اتهم راح يتابعون اخبارنا
وهما الى الان معانا

انا باقي لي اسبوع وادخل السابع ربي يتمم لي على خير