لا تيأسوا من روح الله.. قصة حملي المستحييييييييييييلة.. والعقبى لكم ..اميييييين

[ام التوائم ان شاء الله]

السلام عليكم ورحمة الله وبركاتة

كيفكم اخواني وخواتي..

راح احكي لكم قصة حملي اللي انا سميتها "المعجزة والمستحيلة"........



بسم الله
في البداية اشكر حبيبي الوحيد الذي كان يسمع توسلاتي وبكائي وضيقتي وهمي وغمي بصدر رحب .. اشكر حبيبي ( الله) جل وعلى سبحانه الذي سمع الدعاء واستجاب لي بعدما ضااااااااااقت علينا انا وزوجي الدنيا بما رحبت.. فلك الحمد ولك الشكر كما ينبغي لجلال وجهك وعظيم سلطانك لا إله إلا انت ما عبدناك حق عبادتك ومع ذلك نزلت رحمتك علينا فرزقتني بما كان لنا في يوم من الايام حلما مستحيلا.. رزقتني بالحمل وأسالك بكل اسم هو لك ان ترزق كل محروم من المسلمين والمسلمات ..( قولوا امين بصوت عاااااالي) لعله سبحانه يرأف بحالي وحالكم ويتم حملي ويرزقني واياكم الذرية الصالحة المتعافية حسنة الخلق والخلق.. امين امين

حبايبي بأحكي لكم قصتي من البداية..
تقدم لي زوجي حياتي وانا لسى صغيرة كان عمري 17سنة بس.. وتمت الخطوبة فالملكة وكنا أسعد اثنين.. اتفقنا بايام الملكة انه بعد الزواج نأجل الحمل لسنتين لاني اولا صغيرة وثانيا عشان كنت لسى حبدأ مشوار الجامعة وكنت احب الدراسة مرة.. واتفقنا على موعد الزواج .. وكان زواج كبير وحلو .. سافرنا وانبسطنا وصيفت احلى صيفية بحياتي مع غلاي.. المهم خلص الصيف وبدأت الدوامات .. كان اول سنة لي بالجامعة وكنت ادرس بقسم صعب فكنت دايم ااكد علية انو ما يتراجع عن قرارة (تأجيل الحمل)لاني لو حملت كيف بربية واهتم فية وانا مشغولة لراسي بالدراسة (صيدلة)وكان زوجي دايم يقول لي لا تخافين ما بغير رايي اصلا لازم نستمتع بحياتنا اكثر لاحقين عالبزران وغثاهم.. ايه نسيت اقول لكم اني اول سنه اخذت مانع حبوب ( بوصفة طبيبة شاطرة) هي نصحتني ما اخذها لاني لسى ما حملت ولان مشاكل الحمل زادت عند الناس بس أنا اصريت بعد ما طلعت تحاليلي سليييييمة ولله الحمد..
طبعا صرت مع الحبوب بلووووووووووووونه.. سمنت مرة وانا اكلي ضعيف والكل صار يهزئني على شكلي .. فلما عدت السنة الاولى تركت الحبوب عشان اخف وصرنا نستخدم موانع طبيعية.. الحسبة مع الواقي الذكري أعزكم الله..

مرت سنة ونص ثانية فوق السنة الاولى وزوجي ما ذكر اني لازم احمل وانا مبسوطة انه ما حكى اليييييييين جى اليوم اللي اهل زوجي تكلموا فية ,, طبعا كلموا زوجي سألوه ليش ماحملت زوجتك الى الان؟ وليش وليش وليش.؟.. مع العلم انهم يسألونه من الشهور الاولى لزواجنا ويتدخلون كثيييييييييييييييييير بالحمل وغيرة إلا انهم هالمرة غير سوو تحقيق شامل كامل معه واصروا انه يشوف حل واني احمل غصب غصب مع انو عنده اخوان متزوجين قبله وعندهم عيال بس!!!!!!
المهم جى من عندهم وهو متضااااااااايق سألته شفيك ؟ .. قالي القصة كاملة..
قلت لة وانت وش رايك؟؟ قال مدري,عادي بس أمي زعلانه مرة وتقول ما درس الا زوجتك نحنا نبي نشوف عيالك وووووو....
قلت له: اسمع يالغالي دام السالفة كذا وانت متضايق فخلاص عالصيف بنترك المانع وعسى ربي يكتب الله فية الخير ,, اهم شيء انك ماتتضايق. اصلا نحنا بدينا نشتاق نصير ام واب.. فعسى ربي يطعمنا نونو يسلينا ويغير علينا الجو ونفرح اهلك..
هو انبسط واتفقنا على الصيف حتى اتفقنا اذا ولدت اجيب مربية تشوف البيبي لان اهلي بمدينة ثانية واهلة بعيدين عننا فلازم احد ينتبة للنونو..
ومرت الايام ونحنا كلنا شووووووووووق متى يجي الصيف عشان احمل ونحس باحلى احساس.. وخططنا لكل شيء ولكن(انت تريد وانا اريد والله يفعل مايريد)وجت الصيفية وتركنا الموانع باخر اختباراتي ومر الشهر الاول وماصار حمل.. والشهر الثاني تأخرت الدورة 10 ايام قلت اكيييييييييد حامل بس لما حللت دم طلع مافية حمل.. وانتظر واحلل ثاني ومافية حمل الين شرفت الدورة واتضاااااااااااايق بقوة لاني كنت متاملة مرة اني حامل حتى فكرت كيف بفاجيء زوجي بالخبر وكيف بتكون سعادة اهلي واهلة اذا عرفوا.. بس ربي ما اراد سبحانه
زوجي صبرني وقال خلينا نحاول كمان هاشهر اذا ما صار حمل خلاص نروح للدكتور.. واااااااااااااااااااااااااااااه ماكنت ادري ان هذي ماهي الا بداية الحزن وضيقة الصدر اللي رافقتنا 4سنين قبل ان من الله علينا بالحمل ...........


حبايبي اكمل لكم بعدين بصلي الفجر وبنام تعبانه وبكرة بكمل اذا ربي اراد

بس رددوا دايم (ربي لا تذرني فردا وانت خير الوارثين)

تابع القصة..

ومر الشهر الثالث ونحنا منتظرين الحمل بفااااااارغ الصبر.. سبحان الله مع اننا ما كنا نبيه بالبداية بس مع الوقت تعلقت قلوبنا فيه وصرنا انا وزوجي نخطط ونتكلم كل يوم عن البيبي, وكان زوجي مرة متفائل ويقول شكلك حامل لان لونك متغير وما عاد تشتهين الاكل ونفسك شوي لك عليها تتنرفزين من اي شيء وانا اقول له يااااااااااااارب اكون اتوحم, بس للأسف صحيت بأحد الليالي على الام شديدة ولما قمت الحمام طلعت ( الدورة) اعزكم الله, وتضايقت بس حمدت ربي وقتها وقلت عسى ربي يعوضني خير. ولما صحى زوجي للفجر خبرتة ان النونو بح بح بح,, ما صدقني وحلفني من كثر ما كان متأمل بس حمد ربي وسوى نفسه مو مهتم عشان ما يضايقني اكثر وعشان تكمل سفرتنا ووناستنا على خير.. ولما رجعت للرياض على طووووووووول سألت عن دكتورة شاطرة ودلوني على كذا وحدة واستخرت ورحت لوحدة منهم, وكان هذا بعد اسبوع من انتهاء الدورة.. اسمها د. **يدا كويسة مرررررررة بس عندها زحممممممممممممممممة , المهم حكيت لها اني ابي احمل وحاولنا 3 شهور وما كتب ربي , فطمنتني وقالت يمكن كان الجماع بغير اوقات التبويض او يمكن عندك هرمون الحليب بس ان شاء الله الموضوع سهل ولاتخافين ووووو.. طمنتني الله يطمنها, وقالت بالاول راح اتابع معك التبويض هالشهر اذا ما كان كويس سويت لك تحاليل شاملة, وبصراحة لما ودتني السستر لغرفة الاشعة كنت اتنافض خفت يكون عندي تكيسات او يكون رحمي فية شيء يعيق الحمل أو اي شيء ثاني.. المهم نمت عالسرير وحطت الجهاز على بطني وبدت تفحص, وقالت بالبداية : الحمدلله ما فية تكيسشات ورحمك وبطانة الرحم ممتازين بس............. البويضات صغيييييييييييييييييييييييرة مع ان اليوم ال12 من بداية الدورة.. حجمها بس 8.. وقالت بس لا تخافين تعاليلي بعد يومين. طلعت وانا اصيح وقال زوجي: شيء قلت اية بويضاتي صغار وهو هداني وقال: لاتشيلين هم خلينا نستنا لبعد بكرة ونشوف..

مرت ذيك اليومين ثقييييييييلة على قلبي . وراجعتها وسوت لي على طول اشعة وقالت: ........... تخيلوا وشو!!!
( ماااااااااشااااااااء الله زاد حجمها مع اني ما كنت متوقعة تزيد لان تبويض المرأة اللي دورتها منتظمة" مثلي" في الغالب نزول البويضة في يوم 14 من اول يوم الدورة..ولازم يكون حجم البويضة فوق ال18, بس صحيح ما وصلت لل18 مع انو اليوم هو 14 من بداية دورتك بس يمكن انتي حالة نادرة خلينا ننتظر يومين ونشوف)<<<<<< هذا كان كلامها نصا.. وطلعت على زوجي فرحااااااااانه ابشره ان الحجم زاد وهو ياقلبي فرح مرررررررة وتأملنا خير.

وبعدها بيومين راجعتها وسوت اشعة متابعة تبويض وقالت لي: شكلك ريحتي نفسيتك مرة, قلت لها: اي والله, قالت : لان النفسية تلعب دور مهم مهم مهم في جودة التبويض وبشرتني ان قياس البويضة صار 16 تعالي بعد يومين كمان..
يا الله وش هالمشاوير والتعب .. بس عشان النونو كل شيء يهون حتى كنت اطلع من الدوام دايركت لها وانا فيني تعب الدنيا كلة

المهم راجعتها بعد يومين وماشاء الله ما لقت البويضة القيادية.. اقصد مابانت بالاشعة فقالت اكيد انها اكتملت بهاليومين وانفجرت بالرحم لازم الحين تروحين البيت ويصير جماع مرتين خلال ال24ساعة الجاية وتوكلي على الله وطمنيني اذا حملتي لان امورك ممتازة..
طلعت طااااااااااايرة من الفرح وقلت لزوجي وتحمسنا لاننا كنا نركز بالشهور اللي فاتت على الجماع بالايام14 و15و16من بداية الدورة على اساس ان تبويضي فيها طلع لا تبويضي متأخر على قبال الدورة الثانية..
وصار جماع وكنت ما اقوم من السرير الا بعد ساعة وطبقت نصائح صديقاتي كلها بخصوص الجماع والحمل..

وصرنا ننتظر النتيجة بصبر وبلهفة متأكدين بيصير حمل" حسن ظن بالله عز وجل"..
وتأخر موعد الدورة يوم وجاب لي زوجي تحليل بول وطلع خط واحد. وما اهتمينا لاننا متأكدين فية حمل.. احساسنا قوي
قلنا اكيد لسى هرمون الحمل ببدايتة وضعيف عشان كذا مابين. وجى اليوم الثاني وكان جمعة يعني ما فية مستشفى فاتح يحلل دم..
ومانزلت المحروسة وتحمسنا اكثر وباليل بنفس اليوم طلعنا البر مع مجموعة اصدقاء.. ومع المشروبات الساخنة وعلى الساعة 11حسيت ببلل وماصبرت رحت ورى السيارات ومسحت بمنديل و........................... كانت الدورة!!!!!!!!!!!

( اللهم ااجرني في مصيبتي واخلف لي خيرا منها)<<<< كانت هذي كلماتي والله والدموع تملئ عيوني
فدقيت على زوجي ومشينا وعلمتة في السيارة وكان هو احسن مني وخفف علي وراح عشاني وقعد يهرج سكين عشان بس افكها واضحك.. وقعدت اسال ليش ما حملت ليش؟؟؟؟؟؟؟؟؟؟؟؟ وهو يقول الله ما اراد يابنت الناس خلاص الله كرييييييييييييم

ورحت لنفس الدكتورة وحكيت لها كل شيء.. وهي استغربت وتفاجئت تقول كا المفروض تكون نسبة الحمل 90%
قلت لها: سوي لي تحاليل, قالت: ما يحتاج لان تبويضك كان كويس يعني اكيد هرموناتك كويسة
وطلبتني اخلي الامور على الله وانسى الموضوع هالشهر واشغل نفسي باشياء حلوة وقالت اكيد بتحملين لان النفسية مهم تكون مرتاحة..

وسمعن كلامها وعدا الشهر ال5 وال6 و7 و8من محاولات الحمل وما صار حمل!!!!!!!!!!!!!!!
أخيرا قالت خلي زوجك يكشف,, !!!!! وقتها نبهتنا على شيء كنا غافلين عنة, ما جى ببالنا هالشيء, مدري لان مشاكل الحريم بالحمل اكثر من الرجال او لان تفكير مجتمعنا ان المرأة دايم تبدأ تعالج نفسها والرجل اكيد بخير أو ايش؟؟؟

فاتحت زوجي ,,,, وعلى طوووووووووول وافق.. وبدينا نبحث بالنت عن دكاترة تناسلية وعقم ممتازين
بس واحد من اصحابة دله على ( مدينة الملك فهد الطبية).. قال جربها لانها ببلاش اولا , ثانيا كويسين مرة

وفعلا توسط لنا واحد, ودخلنا ثاني يوم على دكتور سوداني عندهم اسمة(صالح أو محمد صالح ) مو متأكدة!
وخذا كل بياناتنا وسووا لنا تحاليل شاااااااااااااااااملة أخذوا من زوجي تحليل أو عينة من السائل المنوي


بعد اسبوع جينا لموعدنا نضحك ومبسوطين وفاطرين ومصحصحين.. وانا بالانتظار شفت حريم والله عجايز مساكين يدورون عالحمل الله ما رزقهم لحكمة عندة سبحانة.. اللي تقول رحمها طفولي واللي زوجها عقيم واللي بويضاتها ضعيفة واللي عمرها في الاربعينات واللي اكثر واللي اقل.......... المهم قعدت احمد ربي قلت النا بخيييييييييير وزوجي ان شاء الله طيب ولسى صغار يعني بحمل بحمل باذن الله......

ونادت السستر علينا ودخلنا عالدكتولر ووجيهما بشوشة ووجه الدكتور من غير مبالغة مسود.. جلسنا وقام يلف ويدور ويسال اسئلة قد سألها لنا في الزيارة الاولى وووووو

قال له زوجي يادكتور انت عندك خبر شين لنا قوله وخلاص نحنا مؤمنين بالله..

قال الدكتور بالحرف الواحد زوجتك تحاليلها سليمة بس انت لا)
قال زوجي: عندي ايدز!...لانهم عملوا لنا تحاليا ايدز وامراض جنسية
قال الدكتور:................................ لا
طيب ايش..؟؟؟؟

قال للأسف انت عقيم
اااااااااااااااااااااااااااااااااااااااااااااااااا ااه نزل علينا الخبر زي الصاعقة.. تبنجنا وبدينا نرجف وصار وجه زوجي اسود اسود اسود وانا على طوووووووووول دمعت بس مدري وش صار لي ضميت يدينه وقلت حبيبي قول الحمدلله

سكتنااااااااااااا,, بعدين قال: الحمدلله الذي لا يحمد على مكروة سواة

كمل الدكتور وقال ان الحيوانات المنوية عند زوجي صفر
وان بالعادة حتى لو سوينا خزعة ما نلاقي ولو لقينا بالعادة تكون مشوهه وما تصلح للتخصيب المجهري !!!!!!!!!!!


وطلب من زوجي يعيد التحليل لعل وعسى بس بعد شهر


سبحان الله دخلنا نضحك طلعنا نبكي
وقعد افكر في السيارة واقول ياالله صرت زي الحريم اللي في غرفة النتظار حالتنا صعبة

نزلني بالبيت وراح الدوام.. تحايلت علية مايروح رفض
يقول باموت لو استسلمت للافكار احسن اشغل نفسي

انا طبعا دخلت البيت وانهار عند المدخل وابكي بكى يا بنات عمري ما بكيتة ولا عاد ببكية بغيت اموت من جد من كثر الاعياء
بس وربي يابنات ما راح من لساني حمدالله وظليت اردد ( ربي لاتغضب علية بس غصب عني غصب)
اااااااااااااااااااااه شعور لااااااااااااااااا يوصف

توضيت وصليت وسجدت سجود طويييييييييييييييييييييييييييييييييييييييييييييييي يييييييييييييل وناجيت ربي أن مسني الضر وانت ارحم الراحمين
يارب كل شيء بيدك والدكاترة مايعلمون ..
يارب صبر زوجي وصبرني
يااااااارب اخلف لنا خير يارب وفرحنا بعد هالضيقة والكرب الشديد........





تصدقون اني توترت تذكرت هذاك اليوم الله لا يعيدة ولا يورية لمسلم يارب .. اكمل لكم بعدين خلاص ما عاد اشوف قدامي

السلام عليكم..

رجعت لكم من جديد اكمل قصتي..

نسيت اقول لكم ان الدكتور اللي بمدينة الملك فهد هو استشاري وكان رئيس القسم لاربع سنوات.. المهم هو صرف لزوجي ( برو**يد بلس )<<< محلول ينحط ظرف بكاس موية ويخلط وينشرب يقول انه يزود عدد الحيوانات المنوية وينشط الحركة !!! سألنهة شلون يزودها واصلا العدد صفر, قال يمكن فية ومش نشطة عالاقل يبين واحد اواثنين بالتحليل الجاي ونجمدها وما نحتاج للخزعه.. طبعا ما بحكي اكثر عن النفسية الزفت اللي كنا فيها هذيك الايام ولا شلون كنا ما ننام من الهم.. الحمدلله وبس

انا الحمدلله كنت اوتر قبل النوم بس ما كنت اقوم قبل الفجر اصلي كنت مشغولة بدراستي وحياتي.. ولكن بعد اللي صار تقربت لله كثيييييييييييييير وكنت اقوم الليل فأشعر براحة عجييييييييييييييييبة واخلص الدعاء واتضرع فأتاكد بانه سيستجيب لي ومرت الايام وانا مع كثرة الصلاة والدعاء بكل وقت والاستغفار صرت احس اني اسعد انسانه وما كأنه صار شيء يصدمنا تدرون ليش؟؟؟؟؟؟
لان القرب من الله يريح كثير وتحسين بلذة كبيرة تفوق ملذات الدنيا كلها
وتحسين بان الامور ستتحسن لا محالة ( هذا يقين ينزل عليك منه سبحانه)

وبعد بشهر حلل وكانت النتيجة؟؟؟؟؟




وش تتوقعون؟؟؟؟؟؟؟؟








( صفر) ولله الحمد

ما انصدمنا كثير لاننا قبل ندخل عالدكتور اتفقنا ما نسخط ولا نزعل لو طلعت النيجة سيئة .. ولان لله ما اعطى وله ما اخذ ..

الدكتور يبي يعطينا امل قال لزوجي: استمر عالبرو**يد3 شهور وتعال حلل لعل وعسى يبين شيء!

طبعا انا من ذيك اللحظة قررت اني ما استسلم وبديت ابحث بكل مكان عن العلاج عشان اجبر خاطر زوجي المسكين.. جمعت خلطات وسألت عن دكاترة ثانيين قلت لزوجي لااااااااااااااازم يعرض نفسةعلى طبيب ثاني .. تجاوب معي بسرعة ولو انه يسوي هالشيء عشان خاطري ولا هو خلاص كرة المستشفيات وطاريها .. وانا ما الومه



والله ان هذي المرة الثالثة اللي اكمل واكتب ويفصل معي النت ويطير اللي كتبتة
سامحوني اكمل لكم اول ما اشحن



اكمل القصة ..

طبعا عملت لزوجي جدول يومي وكان مفيييييييد جدا (راح اكتبة لكم بالتفصيل لاحقا )
واستمر على هالجدول 3 شهور ومو كاملة بعد.. ثم قال برجع اعيد تحللي عند نفس الدكتور اللي بمدينة الملك فهد الطبية بس النا رفضت .. اولا لاني بحث بالنت ووجدت دكاترة ممتازين . ثانيا لان مدينة الملك كانوا غير منظمين وكثير يخطئون اللسسترات لولا كنا ننبهم كان طحنا باشياء نحنا بغنى عنها.. واجهزتهم مش متطورة كفاية.

المهم كان رفضي خييييييييرة .. فسويت موعد لزوجي عند عيادات الدكتور سمير عباس بالرياض.. عند د. باسل خياط
وهو ممتاااااااااااز مررررررررة ..راح زوجي للموعد واول شيء قال له الطبيب انة يمتنع عن الجماع 4 ايام ويجي يحلل

امتنع ورجع يحلل وراح ياخذ النتيجة ثاني يوم
كان موعدة الساعة 7 المساء وانا كنت اذاكر عندي اختبار
وعلى الساعة 8ونص دق علية زوجي يقول : عندي لك خبر يساوي ملايييييييييييييييييييين بس رفض يعلمني الا لما يوصل البيت . كنت ادعي يوصل بالسلامة لانه كان طاير من الفرح


وصل وعلى طووووووووول ضمني ويبكي وقال: الحمدلله لقوا عندي حيوانات منوية وجمدوها.. ولولا الله ثم تعبك معاية ما كان تحسنت ............. طبعا انا بغى يغمى علية من الفرح بس مسكت يدة وسجدنا شكر لله وكأن هم كبيييييييييييييير وانزاح من على قلبي حتى ما عاد ذاكرت من الفرح
وطلعنا الجمعية وتصدقنا باللي يسر ربي ثم طلعنا نتعشى احتفالا بهالخبر السعيد

طبعا زوجي راح الموعد وزماكان متامل مرة ان يطلع عندة حيوانات بس كان ودة يبدأ بكورس علاجات يمكن يطلع عندة شيء او يسوي الخزعة.. بس ربي اكرمنا
ولما طلب من الدكتور تفسير (كيف صار فية حيوانات مع انها كانت صفر؟؟).. قال الدكتور: يمكن اجهزة مدينة الملك فهد غير دقيقة أو ان الجدول اللي اتبعة زوجي كان السبب بعد قدرة الله ويمكن الدعوات والصدقة ما احد يدريّ!!!

وقال الدكتور : عدد الحيوانات قلييييييلة جداااااااااااا تخيلوا بس 500000 والمفروض 20000000 وفية لزوجة و لو ما تحسنت مع الدواء اللي بصرفة لك والابر ولا لازم تسوون طفل انابيب... وخذا زوجي الوصفة
وراح صرفها من صيدلية جنب البيت واستخدمها شهر ونص
وبيوم جيت اقراء دواعي استعمال الحبوب النوعين ويااااااااااصدمتي .. طلعت حبوب للجهاز الهضمي وعسر الهضم" حسبي الله على المغفل الصيدلاني اللي ما قراء الروشتة صح.. خبرت زوجي وراح لصيدلية ثانية يتأكد طلع فعلا الدواء خطأ !!!
وكلمنا الدكتور قال لازم تراجعني لانك اكيد ما استفدت من الابر لان وحدها لا تكفي!
وجانا احباط شديييييييييد بس اكيد كان اختبار من الله
ومر كم يوم بعدين جاني زوجي من الدوام يقول انا قررت نسوي اطفال انابيب لان صاحبي رزق اليوم بمولود من طفل انابيب وحمسني يقول جربوا الانابيب بعدين تعالج لان العلاج بمثل حاة زوجي يتأخر ويمكن سنين ونحنا موناقصين انتظار

فكنسلنا د. باسل وسوينا موعد عند د. محمد بقنة بالحبيب

وبدأ مشوار الانابيب والتعب يمكن بعضكم جربها الله يكتب الاجر يااااااارب


اكمل..

رحنا للحبيب ومعنا كل اوراقنا من كل الاماكن اللي راجعنا فيها وصور من تحاليلنا واشعتنا عشان نوفر وقت.
الدكتور ممتاز وصريييييييح بمعنى الكلمة
نصحنا اننا على طول نبدأ ببرنامج التلقيح المجهري لان حالة زوجي ما بتتحسن بسهولة والحمل الطبيعي صعب حاليا فلا نضيع وقت

صرف لزوجي ( كلوميد).. وقال انه هو اللي يحسن عدد ونوع الحيوانات المنوية وقال راجعوني بعد شهر
وراجعناه وسوالي اشعة بيشوف بطانة الرحم .. وطلع كل شيء تمام. وبدأت بكورس الابر شيء بالعضل وشيء تحت الجلد مع حبوب حمض الفوليك والدوفاستون
وكنت اراجعة كل كم يوم عشان يراقب حجم وعدد البويضات
وجلست اضرب ابر لمدة 14 يوم وجاء اليوم اللي قال لي خلاص العدد والحجم تمام بكرة (السحب)
انا كان عندي خوف شديد من السحب لاني قريت بالنت انها موووووووووت تعور.. طلبتة يسوي لي بنج كامل . قال مو لازم بنحط لك بنج عالوريد يدوخك شوي احسن عشان تنجح العملية وننتهي بسرعة ,,
سمعت كلامة وتوكلت على الله
ثاني يوم رحت لهم العصر وعطاهم زوجي عينة من السائل المنوي وانا دخلوني قسم العمليات .. عناية ونظافة واهتمام بس اشين شيء زوجك ما يدخل معك ممنوع. ولبسوني لبس العملية ووركبت لي الممرضة ابرة المخدر وعطوني مضاد وجلست اقراء قران وادعي الين شالوني على السرير وودوني غلرفة العمليات
ستروني من إلى ما شاء الله وطهروني من تحت بشيء بارد والغرفة اصلا ثلج.. وبدأو يعطوني المخدر فصار لساني ثقيييييييييييل بس لسى احس في اللي حولي ودخل الدكتور وبس يسمي ويدعي لي الله يسعدة ويطمني يقول لا تخافين تراها سهلة وووو... انا قمت ارجف لا شعوري واشد نفسي لانهم دخلوا جهاز التوسيع من تحت وبدأ يدخل انابيب عشان السحب وانا اطالع بشاشة جنبي بس والله زي الحلم .. وبدأ يسحب والالم يزيد والنيرس تزيد البنج وانا اصيح خوف مو الالم شدي احس لو زوجي جنبي كان ما حسيت.. لا تخافون

المهم ويخلص.. ويودوني غرفة ارتاح فيها لساعة ودخلوا زوجي علية.. شوي جابولي ورقة فيها موعد الترجيع
وبعد ساعة رحت البيت ونمت.. وثاني يوم كان عند حماتي عزيمة باستراحة وهي صاحبتي ومسكينة ما عندها احد يساعدها فجيتها انا من بدري وجلسنا نشتغل ونجهز وكرففففففف من العصر الين راحوا الناس الساعة 2 بالليل
رجعت البيت نمت وصحيت الفجر على سكاكين بتقطع بطني ابكي بكى منها ويزيد الالم وصرت اتلوى من الالم وكان الحمعة والدكتور ما يرد على جوالة (مقفل) مسكين يوم اجازتة بس انا خلاااااااااااااص بمووووووووووووت وزوجي بس يحاول يدق واخيرا رد بعد صلاة الجمعه وقال ودها المستشفى خلا تضرب ابرة مهدئة ولازم ترتااااااااااااااااااح واذا ما فاد تضرب ابرة ثانية واذا ما فاد جبها لي بكرة نسوي لها اشعة يمكن دخل المبايض مويات بوقت العملية ولازم عملية ثانية نسحبها

انا دوروني ما تلقوني من الالم ومن سالفة المويات والعملية وقعدت العن الساعة اللي سويت فيها انابيب مكن زود الالم
وضربت ابرة ما افاد وبعد كم ساعة ضربت مرة ثانية ونمت وصحيت السبت وانا نص ونص. رحنا نسوي اشعة والحمدلله ماطلع فيني مويات بس كان السبب الاجهااااااااااد والعزيمة الله لايعيده من يوم..
نصيحة(اللي بتسوي انابيب ترتاح بعد السحب ولا بتندم لانها عملية ومو سهلة ولان الراحة بعد السحب يساعد على ثبات وانغراس الجنة عند الترجيع صدقوني عن تجربة)
المهم جيتهم بعد 5 ايام من السحب عشان الترجيع.. والترجيع مررررررررررة سهل ولا يألم ابد ابد وبثواني يخلص

اهم مافي الموضوع ان الدكتور وهو يرجع قال انه بيرجع (بويضتين ملقحتين من الدرجة الاولى الممتازة وان نسبة نجاح العملية كبيرة وكانه متأكد انه راح يصير حمل ورجعهم وعطوني صورة للاجنة)
وارتحت نص ساعة ورجعت البيت وجلست بدون مبالغة على ظهري لا طلعة ولا نزلة ولا روحة ولا جية لمدة اسبوعين عشان تثبت الاجنة هههههههههه

وقرب موعد الدورة وانا متفااااااااااااااائلة اني حامل اصلا كنت احس باعراض غريبة وفجأة وانا جالسة بأمان الله الا .................................................. ....................................... وتنزل الدورة!>>>>>>>> الحمدلله على كل حال بعد هذا التعب!

الله ما كتب وكمان انا حاسة ان تعبي واجهادي لنفس ما عطى الرحم فرصتة انه يتهيأ للاجنة
ومرت ايام سوداء علينا انا وزوجي بس ما انقطع املنا بالله وسافرنا ييومين نغير جو وقبل نسافر باول يوم الدورة رجعنا لد. بقنة ولما عرف يابنات والله انصددددم تقول الحمل لزوجتة مو لمريضة عندة واستغرب يقول الاجنة والرحم والبطانة ممتازين شلون ما صار حمل وقعد يسألني جتني حرارة يايام الانتظار قلت لا وهو مطير عيونة مو مصدق وتضايق المسكين

واقترح علينا نسوي ترجع ثاني هالشهر (لاننا مسوين تجميد)
ووافقنا مع اني ما كنت مستعدة وصرف لي دواء اسمة (برجلوتون) سافرنا ورجعت وانا متحمسة شوي



راجعت وحدد يوم الترجيع وانا شبة ميئسة اقول مانفعت الفرش بتنفع المجمدة!!
وهو يرجع , قال يالله بنرجع 3 اجنة . قلت لااااااااااااا
خلهم 2 كنت خايفة احمل ب3 مدري لية!
قال مصدقة حالك بتثبت كلهم كل هذي اجتهادات يمكن مايثبت شيء بس محاولة ويارب يثبت لو واحد..
طلعت وجى زوجي قلت لة لا نتأمل هالمرة أبد وخلنا ننسى الموضوع وبداوم وبدرس وبطلع ووالله يا بنات كنت كل كم يوم بسوق ولا بعزيمة من غير الجامعة والقرف
نسينا موضوع الحمل نهااااااااااااااااائيا اصلا مو على بالنا

ولما جى موعد الدورة ما نزلت.. قلت اكيد متأخرة
واصر زوجي وشرى تحليل منزلي وقعدت اضحك علية اقول ماني حامل ارتاااااااااااح ولوما ني حامل ترى خلاااااااص انا تعبت ما عاد ابي عيال خلاص
جاب التحليل ورفضت اسوية الا بالصبح
نمنا وعلى 10 صحيت فجأة اب ي الحمام قلت يابنت ليش ماتجربينة وجربتة وانتظررررررررررررررر..........









وفجأة الا يوضح الخط الثاني وشوي الا زوجي يدق باب الحمام ودخل قال مدري وشو اللي صحاني حسيت انك بتسوين خيانة من وراي وبتجربينة .. وريتة الجهاز وانهبل من الخطين
وجلسنا ساعة نطالع بالجهاز بصمت وبعدها انفجرررررررررررررررت ابكي وابكي وهو بعد.....


سبحانك يالله ما اكرمك
سبحانك كيف تعطي ولا تبالي
سبحانك لا تنتظر شكرا
سبحانك وسعت رحمتك كلللللللللل شيء
سبحانك رزقتنا من المجمد بعد ان يأسنا
لا الـــــــــــــــــــــــــــــــــــــه الا انت
لك الحمد حتى ترضى
ولك الحمد اذا رضيت
ولك الحمد بعد الرضى
لا الــــــه الا انت سبحانك اني كنت من الظالمين



لحظات رهيبة ان شاء الله تعيشونها كلكم
سعادة غامرة لا توصف
كلة بفضل ربي حبيبي


حللنا دم وطلع صح فية حمل.. وبشرنا الاهل وكانت فرحتهم لاااااااااااااااااااتوصف
وحبيت انقل لكم قصتي لتستفيدوا ولا تقنطوا من رحمة الله يرزق من يشاء بغير حساب..
الحمل متعبني مرة ودايم انزف ولسى عالمثبتات وكل يوم افكر الجنين لسى حي او لا وخااااااااااايفة علية مرة وما اصدق احس بحركة بسيطة عشان اتطمن.. ادعوللللللللللللللللللللييييييييي
ولا تنسين ان هناك ملائكة قول لك (ولك مثلها)

بكتب الجدول اللي عملتة لزوجي واللي احس انه استفاد منة بعد قدرة الرحمن بس بعدين لاني خلاص ما اشوف بنام

واي اي اي اي اي سؤال لو صغير انا حاضرة
عن اي شيء عن الدكاترة او الاسعار او كورس الابر والادوية او اي اي شيء انا بالخدمة وما ابي غير الدعوات الصاااااااااادقة


ودمتم بحفظ الله

الجدول اللي اتبعه زوجي .. لمدة 3 شهور كاااااااملة ثم خلي زوجك يحلل

1-- خلطة العسل (من وادي النحل لانهم نظيفين ومضمونين)
وهي كالاتي: كيلو عسل كشميري + 4 انابيب غذاء ملكات النحل "الشحم مش البودرة" + علبتين بودرة لقاح النحل + 2 ملعقة مطحونة من( حلبة + حبة سوداء+مرة +سمسم+ بذور الجرجير+ بذور الكرفس)
اخلطيها كلها مع بعض ثم دخليها باسفل الثلاجة .. وكل يوم ياكل منها ملعقتين كبيرة وحدة عالريق الصبح ووحدة قبل النوم

2-- كل يوم يشرب كاس الى كاسين من منقوع( زنجبيل اخضر مبشور+ بابونج اصلي )

3-- حبة من كل ( حبوب الزنك + حبوب سترس تيب زد"فيتامينات" + رويال جل) من الصيدلية

4-- يسوي حجامة مرة كل شهر لمدة 3 شهور ولازم متتابعة يعني مو شهر يسوي وشهر لا
والحجامة لها شروووووووووووط.

5-- يسوي رياضة شوي واحلى رياضة المشي والسباحة

6-- اشتري زيت زيتون مقري واقري علية زيادة وادهني جسمك وجسمة خصوصا من تحت السرة كل ليلة قبل النوم مع قراءة الاذكار

7-- الشرب من ماء زمزم مقري طوووووووول اليوم

8-- كفالة يتيم والدعاء والاستغفار وقيام الليل لو بركعتين

9-- كتمان الامر ( واستعينوا على قضاء حوائجكم بالكتمان)

10-- اقرأي ما يتيسر لك من البقرة والقران وانفثي علية (لان الرجال مايتحملون مثلنا ويقدرون يستمرون عالقراءة يوميا)

11-- حثية دائما عالاستمرار وشجعية واذا مل وزهق من الجدول ودايم ناديلة ب(أبوفلان) عشان يتحمس..

13-- احرصوا بهالفترة على صلة الرحم وحسنوا علاقاتكم مع اقاربكم (لان من وصل رحمة وصلة الله ومن قطع رحمة قاطعة الله) والعياذ بالله

14-- اهم شيء الاكل الصحي.. ابتعدوا عن الوجبات السريعة والغازيات والسكر الابيض والحلى الكثير وركزوا عالفاكهه والخضروات والماء

15-- لا تهملين نفسك انتي بهالفترة .. حافضي على صحتك ومايمنع تشاركين زوجك بالعسل والمشروب والفتامينات..
اذا فادت ولا مابتضر..

والله يوفقني واياكم لصالح الاعمال

[اميرة الحنان]

ألف مبروك حبيبتي و الله دمعت عيوني من قصتك يا الله ربنا كريم و الحمد الله حبيبتي الله يفرحك بشوفته يارب و الله يثبت حملك يارب
تبارك الرحمن والله قصتك عطتني أمل الله يرزق الجميع

[اميراتي هيا وريا]

والله دمعت عيني اخر شي حبيبتي بس اوصيك نامي وارتاحي ولاتتعبين ابد ابد الله يخليك ويحفظلك جنينك وياربي اسمع خبر ولادتك ياروحي

[ام التوائم ان شاء الله]

جزاكم الله خير الجزاء على المرور بس القصة منقووووووولة للتفاؤل الله لا يحرمني من دعواتكم

[اميرة الحنان]

أم التوائم والله حسبت القصة اليك الله يفرحك و يرزقك عن قريب ان شاء الله

[رحيق الجنة]

سبحان الله
نسمع كثير زي هالقصة ان الله على كل شيء قدير
ودعاء ولاستغفار خير علاج بس يفهمون ازواجنا جد زوجي مقصر مره
الله يهديه
الله يرزق كل محروم يارب
يسلموا حبيبتي الله يجزاك خير

[*عسل*]

عشت جو تحسبها لك ربي يتمملها على خير ويرزقك يا ام التؤم

[أمل الأمومة]

ألف مبروووووووووووك حبيبتي
الله يثبت حملك ويرزقك بالذرية الصالحة يارب

[ام التوائم ان شاء الله]

الله لا يحرمني من ردودكم ودعواتكم ياااااااااااااااارب الله يرزقنا الحمل السليييييييييم

[تــومــا]

شكرا حبيبتي ع النقل بس والله حسبتها قصتك وفرحت كثير بحملك ربي يرزقك بالتؤام يارب وتفرحي بيهم وهم في حضنك يااااااااااااااااارب