(مميز)#عي الجوريه ون# تعالي خبرينا بأطرف موقف مر عليك بيوم زواجك

[صمتـ]

حلوه مواقفكم
الله يسعدكم ويخليكم وعسى ايامكم كلها عسل

آنه مب متزوجه ولا مخطوووبه ... هههه ماعندي مواقف
ان شاء الله في المستقبل اذا تزوجت وصار مواقف راح اكتبها

مشكوره يالغلآ ..

[أجمل إنسانه]

آمممم والله يوم زواجي ما اذكر فيه موقف غير واحد

انه لما وصلنا عند باب قاعة الزواج وانا بالسياره

دخلوا خواتي وحريم اخواني بيسوون لي طريق للغرفه

اخر شي دخلوا وظلوا نص ساعه وما احد جاني وانا بالسياره انا واخوي بس


بعدين اتصلت جوال على اختي تقول جالسين نطالع اللي يرقصون

قلت يالبقره طلعي لي خخخخ نسيتوا العروس خخ خخ خخ

عاد تصوروا نسوا عروستهم بالسياره

[خلصت القصه]

هههههههههههههههههههههههههههه مرره حلوه المواقف
انا أذكر يوم زواجي بعد ماطلعت من بيت اهلي وصار قريب نوصل الفندق صرخ زوجي
أنا انفجعت ايش فيه طبعا خفت يكون فيه سياره طالعه بطريقنا أو شي بس قالي ماعليش بس نسيت اجيب شنطة ملابسي من البيت.....هههههههههههه
وبعد مارجعنا وأخذنا الشنطه ووصلنا الفندق ونزلني من السياره من التوتر صاار يمشي قدامي وبسرعه وأنا وااقفه اصووت له اقووله تعال امسك يدي مااشووف ههههههههههه ناسيه ألبس عدساتي ههههههههههههههههههه والله اشكالنا كاننا عجايز ماسك يدي ويقولي انتبهي قدامك درج ههههههه

[Om KHaled]

الحمد لله انا يوم زفافي ما صار معي شيء موقف
كل شيء كان تمام الحمد لله
شكرا على الموضوع القيم
تحياتي للكل

[دلوعة علاوي]

هههههههههههههههههههه حلو الموضوع بس ليه عنوان الموضوع بأسمي يلا ماعليه
اطرف موقف مر علي يوم الزواج قالوا بيدخل المعرس قاموا وغطوني بالطرحه
على شان انه يشيلها من على وجهي يوم دخل وقف حب راسي وظل واقف جنبي
والطرحه لساتها على وجهي

[أم ناصر]

هههههههههههههه
الموضوع حلو ..والمواقف اللي قريتها احلى ...
تسلم صاحبة الموضوع ...
اما بالنسبة عني ..الموقف اللي مانساه طول عمري ...
كان بعد الملكة بيوم ...طبعا قبل الملكة زوجي شافني رؤية شرعية وكان بعد الامتحانات مباشرة شهر 6 .. المهم يعني تخبرون الشمس للحين مؤثرة علينا وكنت مسمرة من الشمس ... وكنت لابسة عباتي وحجابي .. يعني الرجال ماشافني عدل ..
وملكتي صادفت شهر 11 يعني مداني بشرتي تفتح وكنت اهتم فيه طول الفترة اللي طافت ..
وبعد الملكة بيوم صارت حفلة النسوان ..وهو جاني ياخذني على شاني يوديني ..
المهم انا قلت لازم ادخله المجلس شوي واعطره وابخره وبالمرة يشوف كشختي قبل لاتخترب في الحفلة >>تخبرون احلى مكياج واحلى لبس .. يعني كشخة على الاخر..
المهم يوم وصل اول مادخل وشافني .. وقف يطالع وهو منصدم ولا شعوريا بعد ما سلم على طول قال لي ..انتي اللي كنتي قاعدة في المجلس يوم الرؤية الشرعية.. انا انصدمت .. بس حاولت اعدي الموضوع وقلت له اي وانا اضحك .. ما اكتفى تم يقول لي لا لا اللي انا شفتها غير وانتي غير .. متأكدة انتي .. ودخل المجلس .. وعطرناه وبخرناه .. وهو جالس يطالعني ولا شال عينه .. وانا منحرجة .. وكل شوي يسكت ويرد على نفس السؤال .. متأكدة انتي اللي كنتي بالرؤية الشرعية ..ولا فكني ذاك اليوم ..

[marwa]

انا يوم زواجي اهلي الصبحيه سافرو وجلست طول اليل ابكي واتصل عليهم اودعهم وابو الشباب مييييت قهر حسيتو شوي وبيبكي معاي ولله لما اتزكر تصرفاتي هديك الايام اقولو كيف صبرت علي
يعطيكي العافيه موضوع لزيز

[عالم الخيال]

هههههههههههه روعه الموضوع تسلمى ياقلبي


انا يوم زواجي في الصباحيه كان لازم اروح لاهل زوجي نتغدا

ولمن قمت لبست ترينج حق رياضه


عشان اروح فيه قام زوجي شافنى وصار يضحك وش اللي لابسته هدا


غيري بسرعه وقمت غيرت ولبست فستان


مميز كان موقف محرج وكنت صغيره

[أم لينا]

أنا يوم الملكة كنت ماسكة الورد خطأ واعتقد لحد ما رحت الكوشة وانا كذيه.الطريف ان اختي كرررت نفس الغلطة يوم ملكتها تقريبا بعد عشر سنوات من زواجي

[الدموع كلمات]

خخخخخخخخخخخخخ
انا كنت بمووووت من الحيا خصوصا اني ماشفته ولاشافني قبل الزواج بس نكلم بعض >>وانا طبعا طول المكالمات وانا قاصه عليه اني اجمل من خلق ربي ههههههه
المهم كنت طول اليوم معصبه ومتوتره ولما دخلت الزفه كنت ماده البوز شبرين واهلي يأشرون لي ابتسمي وايتسم وارجع امد البوز خخخ ..
المهم لما بدت زفة المعرس وجا جلس جنبي وانا مركبه رموش ونطت رموشي من عين وحده وطاحت قدامي والثانيه طلع نصها وصارت واقفه على عيني وزوجي يطالع الرموش متخرع وانا تجمدت من التوتر وماسويت شي خخخخخخخخخخ
والموقف الثاني اني لما دخلنا الفندق جلست الى الصبح بعباتي وطرحة العبايه ماشلتها من راسي وماسكه منديل وتعفس بيدي من التوتر وزوجي يقول لي ارحمي المنديل ..وبعدين لما صارت الساعه 6 الصبح قال لي طلبتك قومي بدلي ارجوووووووووووووووووك ههههههههههههههههه
.................................................. ............