أحلى تجمع لحوامل التوأم الجزء الرابع

[ضي الروح]

زهورة الف مبارك طلعة مهرة وميرة من المستشفى الحمدلله ع سلامتهم
عقبال زياد و يزيد ياااارب

[اتمنى الفرح]

المشاركة الأصلية كتبت بواسطة (ملاذ الروح)

اتمني الفرح التؤام حلوووين كتير وراح تفرحي بيهم وبس يجو للدنيا زوجك راح يطير من الفرحه انتي هاد اول حمل لك؟
انا هاد حملي الاول بعد سنه و8شهور زواج الحمدلله ربي عوضني عن التاخير
انا الحركه حسيت بيها من نهاية الثالث وكانت من الجهتين

ملاذ الروح لا هذا مو حملي الاول اول حملين لي اجهضتهم بعدين ربي رزقني بثلاث بنات وولد اصغر بناتي عمرها سنتين ونص انا حسين بالحركه من الشهر الثاني وقالوا لي اتخيل هذي غازات او حركه امعاء وكانت جهه وحده فقط بس انا لاحظت ان بطني كبرت عن المعتاد على شهرين وفي الثالث عرفت انهم توام وربي يتمم لج على خير يارب وتفرحي بتونز وتشوفيهم باتم الصحه والعافيه

[اتمنى الفرح]

ضي الروح ماشالله سميتيهم زياد ويزيد ربي يحفظهم لج يارب وتشوفيهم معاج مثل زهره الكامليا بميره ومهره
وشخبار جروحكم بنات تحسون الايام تداوي
وين فوايد ولدت ولا لسه
مدام هشام وينج شفتي احنا تواجدنا وانت اختفيتي تعالي ويعي صدرج ليمن تولدين

[فوائد]

الحمدلله الحمدلله الحمدلله تمت العملية بنجاح (فيس يبكي من الفرح)
جبت البنوته كيلو و800
والولد كيلوين و400


البنوته الحدلله تمام وبالحضانه
والولد بالعناية عشان مشكله بسيطة في التنفس وبيطلع على خير بإذن الله



قصة ولادتي عجيبة غريبة
حبسوني المستشفى اسبوعين عشان كان الرحم مفتوح 1سم واحتاج حديد
خلال الاسبوعين بس اتسدح واتبطح طفششششت ابي اولد
اخذت 6 جرعات حديد بالوريد مغذي
وطبعا حسب الشريط حق الحمل يعني بالدورة اليوم السبت 27 شعبان دخلت التاسع
بس حساب الدكتوره اكثر
المهم واقول للدكتوره ولديني الجمعه ما ابي برمضان وقالت لا الاحد او الاثنين
وارسل لها الممرضات قولوا لها قولوا لها وهي رافضة تقول مافيه ولادة الا الاسبوع الجاي

صار الجمعة وانتظار ممل
قلت يا بنت ولدي نفسك بنفسك ههههههه
واطلب من اهلي رطب وعسل سدر
واكلت اكثر من 21 حبة تمر
وعسل ملاعق كثيره

كنت خفيفة مره ما كأني حامل
سووا لي تخطيط طلع فيه طلق قوي بس ما احس فيه
قاسوني لقوا الرحم تسكر !!!!!

يا ربي وش انا سويت
طبعا استلم نفسي مشي
قريت سورة الكهف وانا امشي واذكاري كمان
وقريت سورة الانعام كامله كنت موقفة عندها بالورد اليومي وكانت جزء كامل وانا امشي وبسرعه
كنت خفيفة الحمدلله الحمدلله
بس مافيه بوادر ولادة



يا ربي وش اسوي ابي اولد الجمعة يا رب
وادعي من قلب
يا رب سهل ولادتي وعجل فيها

وادخل اتروش بموية دافية وازبط نفسي جلست تحت الموية وقت مو قصير

ولا فيه بوادر ولادة ابدا
حتى لعبت مع بنتي الصغيرة الاحقها ابي تنفقش الموية هههههه

المهم وانام والبوز شبرين
حتى المغص الخفيف اللي كان يجيني راح تماما

ويقوموني الممرضات وانا باحباط خوذوا ضغطي بعدين
عطوني حديد بعد النوم مو الحين
تخطيط ما ابي ابي انام


الين صارت الساعه 10 وتدخل دكتورتي وتقول بقيسك اليوم بنولدك
بس قالت لي كذا بغيت اخمها من الفرح
قاستني قالت مفتوح 2 سنتمتر بس الرحم قاسي شوي
بعطيك تحميلة طلق الحين وتعطيني وانا ابتسامتي مشقوقة خخخخخ
طبعا اللي قاستني يوم الجمعة وقالت مسكر هذي وحده ثانية
المهم واسأل دكتورتي الاساسية اللي عطتني تحميلة
يعني متى بعد التحميلة اولد
قالت الساعة 3 بنعطيك الثانية بس انت خليك نايمة ساعة لا تتحركي
قلت طيب وتمر الساعة ويشتغل الطلق وتجيني دكتورة ثانية وتقيسني صار الرحم مفتوح 3 سم
وادخل الحمام الله يكرمكم محتاجته
ويوم طلعت لقيتها مولمه العربية بيودوني للولااااادة
كنت لابسه لبسهم ومستعدة


ويشتد الطلق يشتد
قلت ابي ابرة ظهر قالوا الدفع ما الدفع
قلت عطوني اياها وبادفعها لا تخافون بس انقذووووووني
ويركبون ابرة الظهر والطلق دووووف دووووف حاممممي
قلت وش هالابره الخربوطية الطلق احس فيه
قالت اللي تخدر مدام جيت ابحط بس خلاص انت 10 سم ولاااادة حطيت جرعة بسيطة
وينخرشون ما توقعوا اللي تدف الكرسي حق الدكتوره
واللي تطلع الاغراض
واللي داخلة طالعه تصوت
وتدخل الدكتورة وهم يقولون ولادة خلاص خلاص
وانا ااااااااااي شنو هاللي يطلع مني اهئ اهئ
وسيقاني مشبوكة على فيش 220 تهز بقوة من الخوف طول ما انا بالولادة
والدكتوره ما امداها تجلس الا طلعت البنوتة الحممممممدلله
قالوا يالله يالله الثاني وهوووب طلع الولد بعد ما فقشوا كيسه
مويتهم ساخنه شوي تصدقون خخخخ

المهم ويطلعون اللي في بطني
وتجي تخيطني اول ما طلعت الابرة والخيط وسحبتها بجلدي اااااااععع صرخة من الاعماق تعووور
قلت وشو هذا ما ابي ما ابي < زي البزران
قالت خلاص خلاص بنحط لك بنج
وتحط لي بنج وتخيطني بس والله احس بالالم بس مو بشدة بدون بنج،

ولدتهم على 12 ونص الظهر وطلعوني من غرفة الولادة لغرفتي 3 العصر تقريبا

الحممممممدلله
ولادتي كانت قصيره وسريعة الحمدلله الحمدلله
مو زي بكري الله يعظم اجر والدينا

واكلت رطب بعد ما رحت لغرفتي وانا الايه (وهزي إليك بجذع النخلة تساقط عليك رطبا جنيا) تتتردد ببالي كل شوي !


ومن ولدت عجزت انااااام احس اني بحلم



ايوه وتذكرت كانوا حاطين قسطرة البول وفكوها 6 المغرب قالوا خلاص
ومن فكوها عرفت ان بنج ابره الظهر خلص
وبدت تجيني طلوق فظيييييييعه زي الولادة واشد
قالت الممرضة الرحم يرجع مكانه وعطتني حبة مسكن ولا فاد
واناديها كم مره من الالم بس شادة اعصابي وعطتني مسكن بالوريد وارتحت الحمدلله الحمدلله


ومن نزلت من غرفة الولادة وانا خايفة من الحركة مره
واحتجت الحمام قبل شوي والحمدلله طلع الم تحت اخف من بكري تماما

يا رب يا رب لك الحمد العقبى لكم جميعا
وتراي دعيت لكم وانا في الطلق عسى الله يقبل

[لذة الصبر لاتقاوم]

فوائد الحمدالله ع سلامتك ومبروك ماجاك انا اليوم خلصت الاسبوع 34 باقيلي تقريبا 17 يوم ع موعد العمليه دعواتكم لي احسني طفيت من الثقل والتعب الله يكتبلنا الاجررر

[اتمنى الفرح]

لحظه لحظه بليز لذه الصبر لاتحطين الولاده براسج الحين عندنا قصه للحين ماستوعبتها ايش الاحداث الخطيره هذي يافوايد ايش سويتي خرعتيني المشوار طويل
خخخخخخ الف الف مبروك على السلامه اهم شي والحمدالله بعد على سلامه التونز يتربوا بعزج وعز ابوهم وعلمينا بعدين ايش اسمهم

[(ملاذ الروح)]

فوائد حمدلله علي سلامتك وسلامه توينزك يااارب يحفظهم
اتمني الفرح الله يخليهم ليك يااارب ويفرحك بالتوينز
لذة الصبر لاتخافي ان شاءالله تهووون الله يقومك بالسلامه

[الشموع المضيئة]

الحمدلله علي سلامتك فوائد يتربوا في عزك يارب

مدام هشام كلنا مع بعض هنا بالتجمع وممكن وقت ما تكتبين محد يكون موجود

بنات ناموووووووا قد ما تقدروا وراكم سهر وتعب

[ضي الروح]

فوائد الحمدلله ع سلامتك الله يخليلك مااعطاك

[توته الكروشه]

فوائد الحمد لله على سلامتك وسلامة توأمك
ضي الله يفرحك بخروج يزيد وزياد وهم متعافين يارب
أتمنى الفرح كيفك مع الحمل والشهر السابع ؟؟ توأمك كيس ولا كيسين ؟
مدام هشام الله يحييك يا قلبي بيننا كلنا خوات بهالقروب ونستفيد من تجارب بعض
أنا اليوم دخلت الشهر السابع الله يتمم لي ولكم يارب صرت خايفه من الولادة المبكرة من كثر ما اسمع قصص عن ولادة التوأم