السلام عليكم ورحمة الله وبركاته
خواتي احنا بعد ممكن تكون شعورنا مثل هذي الصور
إذا انوجدت عندنا العزيمه وطولة البال
الشعر يعتبر عضو من أعضاء جسم الإنسان
يتعب ويمرض عشان كذا لازم نحرص على الإهتمام فيه
وتغذيته وإلا راح يتعب ثم يموت ويتساقط.
أغلب زبوناتي اللي مروا علي يشتكون من:
الشعر الخشن / الخفيف / المتساقط
الفراغات من قدام / الشيب / عدم الطول
النفره في فروة الرآس / أو ظهور وحمه
التقصف /...الخ
ولهالسبب حبيت أخصص هالموضوع للشعربس
لأني سبق ونزلت موضوع عام عن منتجاتي
وخاطري نبدأ مع بعض برنامج من خلطاتي
وراح يتكون البرنامج من:
*زيت التطويل والتنعيم سعره 100 ريال
وكميته كيلو
* خلطة التغذيه والتكثيف سواء بغيتيها بحنا أو بسدر
أو بدون سعرها 150 ريال وكميتها كيلو
* ماسكات من مطبخك + تعليمات عامه
راح أرسلها مع كل طلبيه
مدة البرنامج:
راح تبدأ فيه كل وحده من أول ماتوصل لها الطلبيه
لحد ماتنتهي الكميه اللي عندها من الزيت وخلطة التغذيه
جدول البرنامج وراح اعطيكم مثال مو شرط تبدون بالسبت
السبت: زيت
الأحد: راحه
الأثنين: حنا
الثلاثاء: راحه
الأربعاء:زيت
الخميس: راحه
الجمعه: الماسك واذا ماتوفرت مقاديره عندك
حطي الحنا.
الشروط:
* التوكل على الله سبحانه وتعالى والعزم والإصرار
على التغيير للأحسن.
* التأكد من عدم وجود فقر دم أو التهاب في الجيوب الأنفيه
أووجود غدد لأن كلها تساهم في تساقط الشعروبعد المتزوجات
اللي يستخدمون حبوب منع الحمل ياليت يتأكدون إنها تناسبهم
مو يآخذونها من الصيدليه والسلام.
* قبل البدء في استخدام البرنامج قصي اطراف الشعر
حتى يتجدد نمو الشعر وحبذا يكون القص ليلة 14 الشهر
لأني قريت إن هرمونات المرأه تتأثر يوم اكتمال البدر
وبناء عليه يكون الميعاد المناسب لقص شعرها لو هي
حابه تقصه ويطول بعدها على طول وبسرعة
وان هذا سر من أسرارسرعة نمو الشعر بعد قصه وكمان بيخليه
يكون كثيف وغزير وهالمعلومات أكدها دكاترهـ
وحبذا تقصين شعرك وانتي طاهرهـ يعني ماتكون الدوره عليك
أو على اللي بتقص شعرك.
* الإستخدام الصحيح للزيت وخلطة التغذيه حسب
التعليمات المرسله مع كل علبه.
* ابتعدي قد ماتقدرين خلال البرنامج عن الإستشوار والصبغات.
* الحنا من ثمار الجنه وزمان رحت لدكتور وقلت له راسي يوجعني ودايم مصدع قال حطي حناء على راسك يعني سبحان الله فوائده كثيره أولها انه منقي ومطهر لفروة الرأس ومغذي للشعرلكنه ممكن ينشف الشعر ويسبب حكه فلاتخافين من هالشيء والحكه مفيده للشعرلأنها تحرك الدوره الدمويه وتنشطها وهالشيء يساعد في نمو الشعر.
* اهتمي بشعرك وبنفس الوقت انسيه بتقولون شلون؟
يعني لاتجلسين تراقبينه طال ماطال خفيف ولا كثير
ومافيه داعي تدري الحاره كلها أو جاراتك ولا زميلاتك
انك تستخدمين برنامج لشعرك تدرون ليش؟ لأن العيون بتكون
مركزه عليك وعلى شعرك والناس ماتعطي خيروالرسول عليه الصلاة والسلام قال"استعينوا على قضاء حوائجكم بالكتمان فإن كل ذي نعمة محسود" رواه الطبراني
ممكن تقولين لأمك وأختك بس غيرهم لا لأن الحريم اذا دروا عن شيء محق الله بركته بس ممكن تعلمين بعد ماتخلصين البرنامج.
* داومي على تجديل شعرك خصوصاً لما تحطين
الزيت أو الحناء أو الماسك الطبيعي وبعد ماتغسلين شعرك منهم
ثم لفيه طاقيه وثبتيه ببنس لأن هالطريقه مفيده جداً في تطويل الشعر
يمكن ماتناسب المتزوجات عشان كذا ابي البنات يطبقونها
خلال البرنامج أما المتزوجات يلفون شعورهم مثل الطاقيه بدون تجديل واذا جاء زوجها تفكه وبكذا يكون شعرها ناعم بدون استشوار.
طريقة التوصيل:
التوصيل راح يكون عن طريق شركة فيدفيكـس
ب65 ريال. ماعدا الرياض والقصيم ب50
والبرنامج خاص للأخوات بالمملكه فقط لأن شركات
الشحن تمنع شحن الزيوت لخارج المملكه يقولون هذا قرار دولي يمنع شحن السوائل.
خواتي هذا هو البرنامج ومن أول شهر بتلاحظون تغير شعوركم للأحسن بس لاتستعجلون العجله من الشيطان ومايأتي سريعاً يذهب سريعاً.
والبرنامج ينفع للكبار والصغار
والحامل والمرضع والمتزوجات وغير متزوجات
وماله ريحه بالشعر
ونتايجه شفتها على نفسي وعلى خواتي
حتى بنت أختي الصغيره عمرها 6 سنين
اسم الله عليها شعرها طال
ولو ماشفت له نتيجه مافكرت ابيعه
ويشهد الله سبحانه وتعالى على صدقي
أبي لما تجي الإجازه وبعدها الأعياد
إلا وشعورنا كلنا متغيره للأحسن
وراح أستقبل طلباتكم وأتواصل مع الجميع وأقدم
النصايح اللي أعرفها ونيتي الإفادهـ لنفسي وللجميع
وياريت اللي مو جادهـ لاتقرب مني ولاتضيع وقتي
وماراح أبيح ولا أحلل أي وحده تستغلني وتآخذ معلومات مني
أو معلوماتي الشخصيه وهي غير جادهـ.
ملاحظه:
* بامكانكم تنسخون عنوان الموضوع بقوقل وتشوفون اني
منزله هالبرنامج بأكثر من منتدى نسائي.
والحمد لله الى أمس وأنا أجهز الطلبيات وفيه زبونات أخذوا مني أكثر من مرهـ.
* الى الآن استخدم البرنامج انا وبناتي وخواتي حتى زميلات أختي بالمدرسه عاجبهم
ولله الحمد والله يوفقني وياكم لكل خير.
* هالبرنامج للخوات في السعوديه فقط لأن شركات الشحن تمنع شحن الزيت للخارج.
مع السلامه
08-26-2010, 01:26 AM
برنامج أم ناصر لتطويل وتكثيف الشعر
أم ناصر@ 
رد: برنامج أم ناصر لتطويل وتكثيف الشعر
جديد منتدى منتدى السوق التجاري
العرض العادي
