السلام عليكم
كيف حالكم صبايا من زمان مادخلت المنتدى وحشتوني مره وانشالله اللي كانت متاخره عن الحمل حملت وتم حملها على خير واللي كانت تتعالج شفيت يارب والله لايضيع تعب احد .
انا زي مالبعض يعرف لي ست سنوات ماحملت بعد ابني ولله الحمد والله يخليه لي . حملت مرتين وبالشهر الثالث ينزل الحمل المره الاول نزل دم على فترات والمره الثانيه توقف بالنبض والحمدالله على كل حال.
انا لي فتره سنه من اجهضت وكان هرمون الحليب مرتفع والحمدالله مع العلاج لمده ثلاث شهور نزل بس قبل ماحلل الهرمون بشهر وقفت الحبوب لانها تعبتني مره وسمنتني وكانت تخرب نفسياتي فقررت استخدم البردقوش مرات اشرب مغلي العشبه ومرات ماء البردقوش الجاهز بالعطاره. والحمدالله ضبط هرموناتي .
المهم ماحملت بعد تنزيل الهرمون وهنا الدكتوره قررت تعطيني حبوب الكولميد واخذتها من ثاني يوم في الدوره حبتين في اليوم خمس ايام وقالت لمن اخر يوم بالدوره خذي ابره وكتبت لي عليها علبتين اخذتها الابره وبعدها عدا يوم واليوم اللي بعده اخذت ابره ثانيه بالعضل . وكان يوم التاسع من الدور . واخذت اشعه تلفزيونيه بنفس اليوم قالت البويضات وحده حجمها 13 والثانيه 11 وطبعا عن طريق السونار المهبلي . المهم قالت انشالله خير ويتم المراد وباقي لها وقت وانشالله تكبر . اكتبت لي على حبوب اخذها مره باليوم تقول تساعد بطانه الرحم تستقبل البويضه وزي كذا وتساعد عالتبويض واكتبت لي حبوب موسعه للشعب الهواءيه بس تقول انها جيده للزوجه افرزات الزوجه عشان يسبح الحيوان المنوي بسهوله وايضا ووصفته ياخذ منه زوجي معي ايضا حبه قالت لي لازم تاخذونه وزوجي رفض بس راح احط له مع العصير >>>>>>> ---
وش اسوي لازم عشان اللزوجه وكذا يعني ~~~~^^هههههه
المهم حبيباتي وعطتني بعد شي خطير مره اعجبني بودره اتشطف فيها هي عباره عن علبه بها اكياس كل كيس قبل جماع بعشر دقايق بصراحه اللي عندها عدم رغبه وكذا تروح تشتريه يخلي الوحده ماتصبر عاد تقول الدكتوره انه زين مطهر ويقتل البكترياء الضاره في المنطقه ويحفز المنطقه لاستقبال الحيوانات المنويه ويزيد الرغبه .
المهم يابنات انشالله ينفع معي هالشهر الكولميد لاني اول مره استعمله والابر وهالحبوب وانشالله مااشوف الدوره الا بعد تسع شهور يااارب تراني اكتب الحين وابكي لاني تعبت من العلاجات ست سنوات والتمريخ والمشايخ والحمدالله الله لايضيع لي تعب وادعولي دعوه من ظاااااااهر قلوبكم ان ربي يرزقني الذريه الصالحه تكفون يابنات هذي ايام مباركه .
وابغا اعرف وش اعرض التبويض الممتاز اللي اخذو كولميد انا عندي حاليا" غازاااات تكرمون وريحة البول كريهه مره ونغزات بالرحم مش كثيره متعاقبه من فتره لفتره وحراره بالحلمه بس وانا الحين باليوم العاشر من الدوره. والله يكتب الي فيه خير كان امس تاسع يوم لي من الدوره وحجم البويضات 13 وحده وتلثانيه11 والله يستر بس هل تتوقعون تكبر الايام الجايه؟؟؟؟؟؟؟؟؟؟؟
الله كريم وراح اتواصل معكم عشان الاعراض الجايه
ادعولي بالله