تجمع الحوامل اللي موعد ولادتهم بإذن الله شوال 1434هجري

[ابتسم وبداخلي مليون طعنه]

كيفكم كروشات
احس بداية طلق في الصبح ولما يجي الظهر يختفي

[زهره فواحة]

كيفكم بنات
الله ييسر لكل الكروشات ويولدو بالسلامه

دعواتكم لي جميعا ارتفع معي الضغط بعد الولاده والحين احس بالم برقبتي وصداع مع انه ماكان معي في الحمل وقالتلي الدكتوره كل يوم اقيس الضغط واذا استمر ارتفاعه راح تعطيني حبوب وانا خايفه يستمر معي
اللي جاها الضغط بعد الولاده وراح تطمني
اسفه لاني ماادخل كثير بس تعبانه من العمليه والصداع
دعواتكم لي

[حلوه بعينه]

هلا فواحه ماتشوفين شر حبيبتي ان شاء الله ما قدامك الا العافيه

اه يابنات والله شكلي مطوله الله يعين بس

اتوقع ابلع التاسع كله

[غربة أعياد]

زهره فواحه سلامتك حبيبتي ماتشوفين شر يارب

ارتاحي وانتبهي لنفسك يمكن محتاجه راحه

والله يقومك بالسلامه يارب

[شجرة زيتون]

هلا اخباركم
ان شاء الله جميع حوامل بخير
انا الحمد الله بخير

[ام زاز]

صباح الخيرات يااحلى بطات كيفكم جميعا فردا فردا
ام لتين كيفك حبيبتي انا وانتي مع بعض الله يقومنا جميعا احنا والبيبي بالسلامة يارب ياستي انا ولا انتي ربي يقومنا بالسلامة يارب
حلوة بعينة هذا الثاني ياقلبي ماشاء الله بس تصدقي حسيت بالالم اكثر من الاول يارب نولد بالسلامة ونفرح بولادة اجنتنا واحنا وهم وكل من نحب في اتم صحه وعافيه ويارب لاتضيع لنا تعب ياكريم
زهرة فواحه حبيبتي ترى البنج النصفي يسبب صداع هذا من اعراضه شئ طبيعي جدا تحسي الم وصداع في الراس لدرجة انك ماتقدري تحركي راسك وينزل الالم على الرقبة والاكتاف بس كلها كم يوم ويختفي خلي الدكتورة تكتب لك على مهدئ للصداع وماتشوفي شر حبيبتي
بنات قمورة ويقين مالهم حس عسى ماشر
غربة حبيبتي انصحه تروحي الدكتورة تطمني افضل
رونق كيفك ياقمر
كشه حبيبتي قلت لك انا سمعت في سمير عباس يقولو ممتاز في هالامور
شجرة زيتون وشجرة لوز كيفكم حبيباتي
راما كيفك ياعسل اخبارك واخبار ولدك والنونو
ام ادم كيفك
وباقي الكروشات جميعا اخباركم مع الثقل والتعب
اما عني انا الحمد لله رب العالمين خليها على رب العباد خلاص ماعادني اقدر اتحرك نهائي من الم عظام العانه والحرقه والحموضه اذا بس شربت ماء ماعادني اقدر انام من الحرقه يارب لك الحمد اللهم تمم لنا بخير ولاتضيع لنا تعب وقر اعينا بشوفة اجنتنا واحنا وهم وكل من نحب في اتم صحه وعافيه يارب العرش العظيم

[حلوه بعينه]

بكرا موعدي الله يعين ويسهل يارب

بنات انا سويت السونار للمره الخامسه تتوقعون ما يأثر على الجنين وعلي

انا صاير معي دوخه طبعا هي من بداية الحمل وخفت بالثامن وهالايام حاسه انها رجعت الله يعين بس

اخبار الكروشات غربه ورونق ام زاز شجرة زيتون ورة اللوز وراما وسوسو وام ادم والبقيه اعذروني ان نسيت احد

مررررا اتعودة عليكم يا حبي لكم والله

[سوسو المزيونه]

فواحة سلامتك ماتشوفين شر

هلا بالغاليات جميعا
انا عن نفسي شكلي بغامر و بشتري كف مريم و اشربه
حلوة بعينه خخخخ مافيه الا العيد ارتاحي
مرة معاد صرت اقدر اجلس بطني يعورني و لا اقدر اكل
يارب تفرج علينا و على خواتي الغاليات

[أجمل الكون]

اللي ضغطهها كان يرتفع زي اختي ارتفع في الحمل وبعد العمليه وبعد شهر ركع طبيعي الحمد لله
بنات معايا اسهال الله يكرمكم ليا يومين ماني عارفه ايش سببو
غير كدا تنزل مني مويات قليله

[رونق الصبآ]

أجمل الكون حبيبتي أبشرك الاسهال علامة قرب الولادة ان شاء الله ربي يقومك بالسلامة وتجي تبشرينا عنك وعن البيبي

سوسو
بتشربي كف مريم ولا كأنك سويتي شي ... يمكن يجيك ألم بدون مايفتح الرحم ...
كف مريم مفعوله يكون لما الرحم يكون قده فاتح ويكون اصلا معك طلق منتظم .. عن تجربة

حلوة بعينه
ان شاء الله مايأثر .. استودعي ربك نفسك وجنينك والله الحافظ
اما عن الدوخة حدث ولا حرج .. انا طول حملي احس فيها وطلع الحديد ناقص عندي ..
حاولي تاكلي اشياء غنية بالحديد عشان تخفف الدوخة .. وراك ولااادة

ام زاز
بخيير الله يسلمك .. الله يكتب لنا الاجر والله التاسع مرررة متعب وثقييييييييل ..
ان شاء الله كلها ايام ونخلص من الالام والتعب وبعدين بس نقعد نتذكر ونضحك على انفسنا

زهرة
الله يعينك حبيبتي ويشفيك ... الضغط حاولي تنتبهي لآكلك خلال هذي الفترة عشان ينتظم معك .. اخت زوجي الدكتورة منعتها منعا بااتا من الملح في الاكل .. لآنها بعد كل ولادة يرتفع ضغطها .. بس ما شاء الله ماتخلص نص الننفسة الا وهي طيبة الحمدلله
واما الصداع فأتوقع زي ما قالت ام زاز البنج النصفي هذي اعراضه .. ربي يقومك بالسلامة

ابتسم وبداخلي مليون طعنة
حبيبتي تووك بسم الله اول التاسع .. والطلوق الكاذبة هذي مجرد تهيئة للرحم عشان وقت الولادة بنفتح بسرعة ان شاء الله ...
الله ييسر لنا ولك الولادة السهلة ولا نتعب يارب