حبيباتى سيدات ليبيا تفضلو لأعرف ما حالكم

[أم أجنادين 80]

مـــــــعقولة جيجي سلفتك مقالتش تفضلي

والله المفروض محولتلك منها لاني اتجي وتنظفي واتطيبي تحسبك في ابسط شي

[أم أجنادين 80]

والله ياجيجي مايحسك الا اهلك وخواتك

صدقيني

هوا صح كله احتسبيه عند ربي

بس حتس زوجك عنده حق عليك والباقي مش مفروض عليك

وانتي حامل كيف حتي يخلوا فيك تتحركي وهما يتفرجوا عليك

والله والله كان نحمل الا لما نقعمز طول الوقت وندلع ههههههههههه " هدا ليش ربي مارزقني " من كلامي البايخ

[أم أجنادين 80]

حتي انا زيك جيجي غير هكي انقول

بس والله مانقدر نلقي اي شخص ينظف ونقعد نتفرج عليه

لما نمشي لحوش عمي ونلقاهم هكي

نبدا تعبانه وانظف في حوشي ومع هدا لازم انعاون

رغم ان اخر مرة مشيت لحوش قريبتهم اللي سيقنا معاها الحوش

الايام اللي بعدها جاني وجع في ظهري قوي

واكثر من مرة انقيم معاهم في حاجات ثقيلة ومانعدلش رغم ان حناي ام امي

نقوللها ماما كبيرة

تقولي معادش ترفعي الثقيل مش راح ينفعك حد

مانقدرش غير ليلة الموسم رافعه مع حماتي البساطات

[أم أجنادين 80]

حتي انا مانحبش من يتجمل عليا

رغم اني عارفة حماواتي راح يقفولي لو صارتلي مناسبة بجد بجد

خصوصا حماتي الكبيرة نويرة نويرة تبارك الرحمن

بس كان سخر ربي وحملت ودرت لمه بنجيب من ينظف ويغسل

[أم أجنادين 80]

انا هدا اللي نعرفه سلفتك المفروض موتيه روحها بكري

واخده حار وفي الفريز حاطاته ووموتيه فاصوليا في الفريز

حتي ماتعب حد معاها

اللي مايبيش يتعب عليه وعلي فلوسه كل شي واتي

[أم أجنادين 80]

المهم راجلك راضي ومقتدر ماتعدلي علي حد

طبع راجلك زي راجلي مش مهم الفلوس لما يقارنهم بتعبه

يقولي زياده دينار اثنين عشرين ولا تعب والشحورة والزحمة

[أم أجنادين 80]

حالك من حالي جيجي

منعرفش نتكلم ولا نرد ونلقح في الدوه

والله واخدين عليا فكرة اني ساكته

خلي نحكيلكم موقف في عرس حماتي في الليل بعد ماروحت حماتي لحوش راجلها

كلهم ملتمين في الصالة البنات والعمات والخالات وبناتهم

تحكي عمتهم علي شي معين والله نسيته اعطتني انا كمثل

وقالت زي مانقولوا ام اجنادين ساكته وهادية

ونست اني مقعمزة جنبهم

لين كلهم شافولها


وناضوا يضحكوا

طبعا داروها بالجو وهيا ماقالت شي غلط عليا

بس حسيت ان غلط الوحده تكون ساكته ولا كيف

[أم أجنادين 80]

الله يسلمك سوسو

هدا من دوقك حبيبتي

[أم أجنادين 80]

وخليكم عاد اللي تعيد علينا تقولي ان شاء الله بالعمار عليك

هيا والله مازعلت منها دعوة ان شاء الله تستجاب

وعارفة انها انقالت علي حسن نية بس انا فتحت عليا المواجع

[أم أجنادين 80]

كيف حالك ام نوزة

كل عام وانتي بخير

ربي يكملك حملك علي خير