مواليد<<شهر ربيع الثاني♂ ♀ فبراير (1435,2014)

[نهال الدوسري]

المشاركة الأصلية كتبت بواسطة امنيه 28

صباحكم ورد

نهال
نورتي التجمع من جديد
تصدقي اني امس ادخل الصفحات الاولى للتجمع واسأل نفسي عنك وعن اللي غابو
بس حلو انك رجعتي لنا
لاتنقطعون بنات واللي عندها ظروف تدخل تطمنا كل يومين او ثلاثه
تعودت عليكم والله واحسكم اقرب ناس لي هالفتره بحكم اننا حوامل بنفس الشهر :)
الله يسعدكم يارب
بالنسبه للمستشفى
انا يوم بنتي كنت ساكنه قريب لمستشفى رعاية الرياض وولدت فيه
كان حلو وكنت اتابع عند دكتوره نهاد عراقيه بس طحت وقت ولادتي بدكتوره هنديه سيئه بتعاملها الله لايسامحها
ودكتورتي جت وتطمنت علي وقالت مقدر اولدك بس خففت كثييييرعلي من المعاناة
لكن الحين تخانقت مع ادارة المستشفى وتركتهم
وانا نقلت عن الرياض :)


بنات
اللي عيالهم او بناتهم صغار
لاتضيق صدوركم بالعكس ترا بعدين حلو يكبرون مع بعض ويصادقون بعض والتعب واحد كأنهم توأم بس اذا كبرو ماراح يقولون لكم طفش زي بنتي
لانها لحالها دااايم طفشانه ودايم تقول ماعندي اخوان ههههه كبرت بسم الله عليها وعرفت
وبجد انا ندمت اني ماحملت بعدها ع طول لكن راحت علي الحين
لذلك انبسطو وتقبلو الوضع بصدر رحب عشان ماتجيكم ضيقه بالاشهر الاخيره وبعد الولاده
حتى الجسم تعب عليه الحمل بعد انقطاع او مده طويله
وبس:)
اتمنى ان كلامي ريحكم


احبكم:))

لبى روحك سألت عنك العافية يارب بس والله غصب احس احيانا مافيه وقت ابد والله احيانا ارحم زوجي كشتي طايرة وحالتي حاله

طيب اذا جيت اولد وطحت بهالدكتورة ؟؟ يوووه والله لااكسر فيها ضلع انا وقت ولادتي ببنتي كانوا الممرضات والدكنورة عسسسسل معي بالشميسي بس والله اخذت اثمهم مرة تعبتهم شلون لاجت وحده معاملتها خايسة


بالنسبه للصغار صادقه يكبرون مع بعض بس على مايكبرون الله يصلحهم الا الشيب مغطي راسي خصوصا سدومه الله يصلحها فيها بثارة وعوابه موب طبيعيه الله يهديها