بنات اللي عندها فكره عن تحفيز البطانه تردلي الله يرزقها ماتتمنى

[انا في انتظارك]

السلام عليكم جميعا مشكلتي باختصار عمري 27 سنه وسويت اطفال انابيب 3 مرات وللاسف مانجحت واليوم رحت للدكتور بندر العبدالكريم على اساس ابدا التنشيط لاني كنت ثاني يوم من الدوره وتفاجئت انه رفض يسويلي التنشيط وقالي بما ان العمليه فشلت 3 مرات احتاج اسويلك تحفيز للبطانه مرتين بالشهر اللي قبل التنشيط وشرحلي انها تزيد نسبه التعشيش صراحه خفت بالبدايه وبعدين شرحلي انها تتم بالعياده وغير مؤلمه ولا تاخذ الا دقائق وللحين محتاره حسيت كلامه مقنع لانه ماحد قلي كذا قبل لاكن مازالت متردده بس ماحد طلب من كذا قبل فقلت اسألكم احد جرب هالشي او صارله مثلي
طمنوني الله يطمن قلوبكم

[نور الرافدين]

ولا ماعندي فكرة بس ان شاء الله ربي يشافيكي يارب
واكيد اخواتي راح يفيدوكي

نورتي المنتدى

[غصن ألبان]

حبيبتي تم نقل موضوعك لقسم اطفال الانابيب
حتى يفيدونك البنات بتجاربهم أكثر ..تحياتي ♥

[انا في انتظارك]

مشكوره اختي الله يجزاك خير

[أمنية ..]

المشاركة الأصلية كتبت بواسطة انا في انتظارك

السلام عليكم جميعا مشكلتي باختصار عمري 27 سنه وسويت اطفال انابيب 3 مرات وللاسف مانجحت واليوم رحت للدكتور بندر العبدالكريم على اساس ابدا التنشيط لاني كنت ثاني يوم من الدوره وتفاجئت انه رفض يسويلي التنشيط وقالي بما ان العمليه فشلت 3 مرات احتاج اسويلك تحفيز للبطانه مرتين بالشهر اللي قبل التنشيط وشرحلي انها تزيد نسبه التعشيش صراحه خفت بالبدايه وبعدين شرحلي انها تتم بالعياده وغير مؤلمه ولا تاخذ الا دقائق وللحين محتاره حسيت كلامه مقنع لانه ماحد قلي كذا قبل لاكن مازالت متردده بس ماحد طلب من كذا قبل فقلت اسألكم احد جرب هالشي او صارله مثلي
طمنوني الله يطمن قلوبكم

وعليكم السلام حبيبتي ..
قريت عن هذا الموضوع بس ما لقيت شغلات واضحة ، لأنو ما أعرف اسمه بالانقليش ،، خلي الدكتور يعطيك اسم الا بيسويه لك بالانقليش حتى أبحث عنه ..
بالعكس شيء حلو أن الواحد يبحث عن سبب فشل العمليات إلا راحت ويلاقي حل وشيء يزيد من فرص نجاحها ، كيف هو بالضبط البروسيجر ووش خطواته ؟!
هل عن طريق أدوية ولا منظار ولا كيف ؟

[روز القدس]

السلام عليكم اختي... الله يطعمك الذرية وما يحرمك منها ... امين
اختي انا كمان عملت اطفال انابيب 3مرات بالمرة الثالثة كان حمل ضعيف ونزل والدكتور قررلي بالعملية الرابعة الي راح تكون .
بشهر10 وهي تحفيز لبطانة الرحم بجرحها باليوم العاشر من الدورة وعمل جرح اخر باليوم ال20 من الدورة وقال العملية غير مؤلمة ولايوجد لها اعراض جانبية.... وتوكلي على الله

[أمنية ..]

حبيباتي قريت عنها مرة تجارب ناجحة في المنتديات الإنجليزية . .
أطلب منكم طلب ، اكتبوا لنا تجربتكم بالتفصيل وكيف كانت ووين ، عشاني ناوية أعملها قبل لا أرجع الأجنة المجمدة السنة الجاية ..
بثوا الأمل في نفوسنا بتجاربكم الناجحة ، الله لا يطولها عليكم ولا على أي محروم ..

[ابتسامه رغم الالم]

موفقه يالغاليه واتمنى بالفعل تكتبي تجربتك مع هالعمليه بالتفصيل لان الاغلبيه ما يعرفو عنها

الله يرزقك يارب

[انا في انتظارك]

اخت امنيه انا طمني كلامك الله يريح بالك انا سألت دكاتره ثانيين وقالو ماسبق انهم جربوها واستخرت الله واتكلت عليه وبسويها مع الدكتور بندر وعندي موعد بعد بكره مع الدكتور بندر عشان يسويلي التحفيز المرحله الاولى لاني اتصلت عليه واكد لي انها ترفع نسبه التعشيش للضعف يارب ماتكون مولمه ويعديها ربي على خير وبعد ماسويها بخبركم بالنتيجه

[أمنية ..]

المشاركة الأصلية كتبت بواسطة انا في انتظارك

اخت امنيه انا طمني كلامك الله يريح بالك انا سألت دكاتره ثانيين وقالو ماسبق انهم جربوها واستخرت الله واتكلت عليه وبسويها مع الدكتور بندر وعندي موعد بعد بكره مع الدكتور بندر عشان يسويلي التحفيز المرحله الاولى لاني اتصلت عليه واكد لي انها ترفع نسبه التعشيش للضعف يارب ماتكون مولمه ويعديها ربي على خير وبعد ماسويها بخبركم بالنتيجه

الله يطمن قلبك حبيبتي ، ويتممها عليك بنجاح العملية يا رب ..
بالفعل هي تضاعف نسبة نجاح عملية الحقن المجهري للضعف ، حتى وحدة أجنبية كاتبة : ليش مو كل الدكاترة يسوونها قبل أي تجربة بما أن نسب نجاحها بهذي الصورة !

بس أتمنى تكون متوفرة في الشرقية ..