بنات بقولكم السالفه على طول مافيني على المقدمات ،،،انا ساكنه بمدينه واهلي بمدينه رحت لاهلي بنص رمضان وجلست للعيد بعد 5 ايام من العيد زوجي صار يرسل لي انا تعبان انا ضايق انا بموت وانا وانا ...الخ (طبعا انا زوجي مايعرف المكالمات ولا الرسايل الا نادر انا الي اتصل واساال عنه وهذا طبعه حتى مع امه مايتصل هو طبيعته كذا) المهم انا استغربت بشده كلامه وكنت اقوله سلامتك وكذا لين قال تكفين بسافر اسمحيلي وانا استغربت وخفت والله من قوة الاستغراب احسبه ذابح احد وبيهرب يقول انا بهج من الديره مابي السعوديه كلها انا انهبلت قلت طيب سافر وانا قبلها كنت لاسمعت احد مسافر بدون زوجته ابكي واتحسر الم احط نفسي مكان زوجته وقدامه وهو يعرف بهشي المهم بعد العيد باسبوعين جا عندنا وحجز لدبي وظبط اموره وانا معاه بالسياره حتى انه شرا ملابس وانا الي اخترتها له ورتبت الشنطه وكنت عادي ماحس بشيء الا اني ذكرته بربي وحلفته عن الحرام وذكرته بخواته وفيني وقلت له من دق باب الناس دقوا بابه يوم السبت سافر وصل وطمني وانا من وصل كأنه سحر وانفك عني قمت اصيح وابكي بحرقه احس بالموت يخنقني واكلمه وابكي وقال انه تعرف على واحد قلت ورني شكله قال كيف قلت صوره وارسله وفعلا ارسل لي الصوره الا فعلا صدق يوم نغزني قلبي بقوه ماكان من فراغ واحد وجهه اسود وفمه اسود وجهه ابد مايطمن انا هنا خلاص انهرت وصرت اكلمه واصارخ وانهبلت مره وحده وطق عقلي وصرت ماكل ولا اشرب ولا انام والموت بعيوني شفته وصرت اترجاه يرجع وعيى يرجع يقول حجزي اسبوعين وانا متفقه معه على يومين اسبوع بالكثير المهم اني اللحين ميته وربي اني مو عايشه امس من قهري شلت ولدي يوم طفشني ورميته على الارض بدون وعي وربي بدون وعي والحمدلله كان في بطانيه على الارض كثير اشياء سويتها وكثير اشياء صارت مالي حيل اكتبها صايمه من اسبوع ماكلت شي المويا اشربها وارجعها تكرمون اهلي يحسبوني حامل وانا مو حامل اللحين هو بيجي الاثنين ويحلف ويتوعد اني بشوف شي ماعمري شفته لاني نكدت عليه وجننته وفاتورة جواله وصلت ثلاث الاف من مكالماتي وانا متوعدته اني بذبحه من القهر الي فيني وبروده معي وانا يشوفني مميته هو طيارته الاثنين انا وش اسوي بالضبط رجاء خاص انا تعبانه والي بيقول لي كلام ينرفزني اكثر لايقوله والي يعرفني من بنات النتدى راح يعرف اني تعبانه كثر لانو مو هذي شخصيتي ولا هذا اسلوبي بالكتابه لكن انا سفرته هذي هدتني وكسرت كل شي فيني لدرجة مدري وش اسوي والا كيف اتصرف ماعاد قدرت افكر حتى اني انام وانا اشهق من البكا زي الاطفال واحس بوجع شديد بقلبي وكل شوي المستشفى وهو يعرف بهالشي ولا جا وفوق هذا يقول بتتحاسبين على هالشي الي سوييته وانا مارحت معاه هو رفض روحتي وقال لا وانا الغريبه اني كنت زي المسحوره ماقلت حتى ليش حتى اخته كلمتني زعلانه تقول نحسبك انتي الي بتعدلين اخوي اثاريك انتي الي بتضيعينه وامه زعلانه بعد مني لاني رضيت بسفره وانا وربي الشاهد اني منهبله من نفسي ومستعده احلف اني كنت مطمس على عيوني او مسحوره مدري كيف كذا حتى اني رتبت الشنطه وانا بطعي غيرتي شديده قاتله كل الناس مستغربين وبشده موافقي على السفر مدري كيف صار كذا اللحين ابي اعرف كيف اتاكد انه ماشرب وماجا بنات تكفون بموووووووووت اقسم بالله بموت