مرحبا حوامل
جيت أحكي لكم قصة ولادتي واهم شي أبغى البكريات يستفيدو
من دخلت الشهر التاسع مارحت مراجعه إلا مره وحده الأسبوع الثاني من التاسع وكشفت الدكتوره وكان الرحم مسكر وراس الجنين نازل بالحوض فقالت أمشي كثير بصراحه مامشيت كثير
يوم الأربعاء الماضي صحيت الساعه 4 العصر حسيت بمغص خفيف قمت وصليت وحسيت المغص كل ماله يزيد بس محتمل تقريباً كل بعد 15 دقيقه أخذت شاور وبديت أمشي في البيت تقريبا مشيت نصف ساعه صار الألم يجي كل بعد 10 و 5 دقائق صحيت زوجي الساعه 7 وقلت يلا على المستشفى قال ولاده قلت لا مو ولاده الألم مو قوي بس مستمر ودي أروح أطمن قال تقدري تستني على بال ما أخذ شاور أو نمشي ألحين قلت لا أصبر الألم مو قوي الساعه 9 طلعنا من البيت للمستشفى وصلنا على 9 ونصف دخلت الطوارئ على طول وعلى غرفة الكشف دخلت الدكتوره وسالتني من متى بتحسي بالالم قلت لها من الساعه اربع وعادي الالم مو قوي قالت نكشف ونشوف الرحم كم فتح كشفت وهنا الصدمه
.gif "hwaml9")
قالت يلا ولاده فاتح 7سم ماشاءالله أنا صرت كذا
.gif "96")
ويطلعوني لغرفة الولاده قلت ابغى زوجي يدخل معي قالت دقي عليه يجي وأدق على زوجي تعال بسرعه فوق قال ليش قلت أبولد زوجي صار كذا
وأنا كذا
.gif "80")
قال اخلص اجراءات الدخول وأطلعلك
دخلت الغرفه وأشوف الساعه 10 ونص قالت السستر شيلي كل الملابس وعطتني ذاك البالطو اللي مفتوح من ورا يفشل الواحد وألبسه وأنسدح على السرير وحطت السستر التخطيط على البطن كان الطلق حامي والالم يجي كل 5 دقايق طبعاً الالم كان بس في البطن مو مثل ماسمعت يمسكت من الظهر ويوصل للبطن والألم كان مثل المغص لكن أشد صح أنه يوجع بس والله مره مره محتمل ماصرخت ولا بكيت بس اذا حسيت بالالم دعيت ان ربي يسهل علي ودعيت لكل الحوامل والمحروم الله يرزقه الذريه ولسوريا الله يعجل نصرهم
دخل زوجي الغرفه وجلس عند راسي يقراء علي اذا جت الطلقه مسكت يده ودعيت وتدخل أخصائية الاشعه ومعها جهاز السونار وتشوف الراس مره نازل قالت خلاص جاهز بيطلع
جت الدكتوره وقالت ابفتح المويه وتدخل شي طويل وتفتح بس ماحسيت نزلت المويه ويركبو القسطره... 10 دقايق وتجي كشفت فاتح 9 وبسرعه يجهزو العده وقالت اذا حسيتي بالطلق ادفعي
حسيت بالطلقه وادفع وادفع قالت الدكتوره لا لا وقفي كذا غلط تدفعي بس اذا حسيتي بالطلقه تمسكي نفسك وتدفعي بصراحه ماعرفت ادفع هنا حسيت بالالم قالت السستر راح يساعدوكي وتجي وحده على اليمين ووحده على اليسار ويضغطون على بطني خدرت المنطقه وشقت بس الله يهديها شقت قبل ماتتخدر حسيت بالشق السستر تضغط على بطني وانا ادفع وادفع والحمدلله طلعت بنتي على الساعه 12:10
حطوها على صدري بس ماحسيت بها ولا شفتها لان خلاص ماعاد فيني حيل اسمعهم بس مااشوف شي حطو الكمامه وضغطوا على بطني وطلعو المشيمه
المشكله جاني نزيف عاد الله أعلم من ايش الدكتوره تقول عندك التهاب في المهبل علشان كذا جاك نزيف صار الدم مايوقف فطلبت الدكتوره الاستشاري دخل وحط حشوه وخيطني
خلوني في الغرفه ساعه لحد ماصحصحت وبعدين نقلوني لغرفتي في الليل جت الدكتوره تطمن علي وشالت الحشوه والنزيف الحمدلله وقف
وهذي قصة ولادتي
.gif "53")
الحمدلله كانت ولادتي سهله بصراحه أنا ما أكلت شي ولا شربت شي والمشي ماكنت أمشي كثير يمكن كل يومين امشي نصف ساعه أو متى ماشتهيت أمشي ربع ساعه حتى الجماع ماكان كثير
الشي اللي سويته قبل ولادتي بيومين أخذت زيت زيتون دافي مايل للحراره وسويت مساج لكل جسمي وركزت على الظهر والبطن وأخذت شاور نفس الشي مايل للحراره وخليت المويه على الظهر والبطن سويته مره وحده
وشربت عصير زبيب أسود مادري هل كان له تأثير في فتح الرحم او لا بس هذا اللي سويته
فيابنات وخاصه البكريات لا تخافو وتوكلو على الله الولاده مو مثل مانسمع ونقراء وكل وحده تختلف عن الثانيه س دائما ادعو بالسهاله
معليش طولت بالحكي بس حبيت تستفيدو من تجربتي
وابتسامه ألف ألف مبروووووك والحمدلله على سلامتك
09-10-2013, 02:19 PM
رد: تجمع الشهور الاخيره
"ام تولين" 
رد: تجمع الشهور الاخيره
جديد منتدى إستفسارات حوامل من الشهر السابع إلى الشهر التاسع
العرض العادي
