مشكلتي مع زوجي

[sara saad]

السلام عليكم
بقولكم مشكلتي مع زوجي اللي مالقيت لها حل ومن اتفاهم مع امي قفلت الموضوع تحسسني اني بطلب الطلاق
المهم ان زوجي طيب لدرجة ماتتخيلونها يعني قبل الزواج اهله ماكانوا يبون من العايلة علشان ماتصير مشاكل ورغم كيذا جاء خذني ولا تناقش معاهم وكل يوم يوديني بيت امي ويخليني انام عندها عكس زوج اختي اللي حارمنا من شوفتها بس عندة مشكلة صغيره اذا قلت له بروح بيت صديقتي او بنات خالتي يقول لي روحي لا واحيانا اقوله عازمتني فلانه بس مالي خلق يقول الا روحي وسعي صدرج مامليتي من بيت امج بس لما ارجع اشوفه معصب ومطنقر ويبي يتهاوش ع اي شي لدرجة آخر مره عزمت صديقاتي بالبيت لاول مره ادخل احد شقتي وكان زي العسل قبل لايجون البنات وراح جاب لي الاغراض اللي طلبتها وكل شوي ادق عليه اذا ابي شي ويجيبه فجاءه كلمني الساعه 12 خلي اللي عندج يطلعون قلت له كيف قال حسيسيهم انتي متزوجة ومدري ايش وانا ابي انام انا استغربت قلت له انا وانت كل يوم مانرجع البيت الا الفجر حتى لو خذني من بيت امي بدري ياخذ عشا ويوديني الكورنيش او يدور بالسيارة اهم شي انه يدخل متاخر ولا عنده دوام المهم قلت له نام بيت اهلك ولا بالديوانية اهم شي لاتفشلني قدام البنات خصوصا ان اغلبهم اول مره اشوفهم في بيت يعني كنا نتجمع بكوفي وكيذا طلعوا البنات ع الساعه 3 الفجر وانا كنت بروح بيت امي لاني مانمت عندها اليوم اللي قبله وعندي اجازة 4 ايام بس قلت انا ساحبه عليه طول اليوم بنام بشقتي دخل وجلس يقول ليش مارحتي بيت امج قلت بس ما ابي غيرت رايي ويتافف شوي قال ايش الاكياس اللي بالمطبخ قلت اغراض امي انا خذتها وبرجعها بكرا سكت شوي قال ليش علبة المنديل بالارض وقام يصارخ انتي عازمة بنات ويسوون كيذا بزران مدري ايش قلت له البنات جالسين اصلا بالارض ايش فيها اذا كانت العلبة جنبهم ويصارخ صراخ مو طبيعي وكان توه قايل الله اكبر اذان الفجر ودخل الغرفة رركضت ابي الحقه وطحت بس اني ماقدرت اصحى جاني زي الجاثوم زي شي خنقني وتشنجت بمكاني ودق ع اهلي واخواني وجات الاسعاف شالتني الحمدلله البيبي ماصاده شي بس حطوني تحت الملاحظه يومين خذت اغراضي ورحت بيت اهلي وقلت حق اهلي الموضوع وتفاهم اخوي معاه وتاسف لي ورجعت وجلس يصيح يقول انه تحسف ومن يتذكر شكلي وانا طايحه مايقدر ينام

انا مابي اخسره بس لازم القى حل معاه وخصوصا اني قلت له اذا ماتبي احد يجيني قول بس لاتسوي كيذا قال بالعكس انا اهم شي انتي تنبسطين تعبت من التناقض بكلامه عطوني حل ...

[أم أصيـــل]

زوجي كان كذا ومازلت ألحظ هالشي فيه بس مو مثل قبل

يعني الحمدلله خفت الحاله مع اننا متزوجين من خمس سنوات

بس لاتحطين فبالك وانه لازم القى حل

هذي غيره مو لازم تلقين لها حل طالما طيب وابن حلال اتركيه عنك وبتشوفين

هي بتخف مع الوقت,,إنتبهي على نفسك ولاتذكرينه بالموقف انسوه خلاص

والله يوفقكم....

[hanane amir]

أنا رأي من رأي الأخت أم أصيل
شكل بغير عليكي كثير
هو بدوو يرضيك بس كمان بحبك وبغار عليكي فهماني حبيتي؟
لو عارفة إنو بحبك خليكي صبورة و بعدين تتعودي

[يارب والباقي وحدك تعلمه]

أنا ما اشوف فيه مشكلة ماشاء الله
قولي الحمدلله انه طيب ولايحرمك من امك ويخرجك ويجيب طلباتك
غيرك عايش بضيق وحبسة ونكد وزاجهم حارمينهم من كل مشوار
صح كل شخص له سلبيات بس ننظر للجانب الايجابي بشكل اوسع ونتجاهل السبيات عشان نقدر نعيش
واكيد انتي فيك سلبيات وهو شاري خاطرك ورضاك
الله يسعدكم ويخليكم لبعض

[الذوق شوق]

انااا ماني شايفه في المووضووع مشكله ابد
هل التناقض مشكله
شكثر ناس متناقضين ونقدر نتفاهم معااهم من خلال تناقضهم
طيب انتي يوم كانوا عندك صديقاتك ليش مادزيتي له بالواتس كلام حلو مثل وحشتني او الله لايحرمني منك ومن هالاكلام
اسهل شي اننك تتعاملين مع الانسان المتناقض بطريقة انك تلعبين على عقله تخلينه ملك وهو الكل بالكل
فاهمه علي اختي

[( ام يوسف )]

حبيبتي اكثر الازواج من يحسوون زوجاتهم مشغولين بشي ثاني يغارون
اني اهلي بعيدين عندي10 ساعات يعني همه ابلد واني ابلد واروح عدهم كول كم شهر اسبوعين وزوجي وكل شويه ايخابر معصب وايعيط
بس اتحمله لان اعرفه يغار ايريدني بس اله
ولو حجيتلج قصه حياتي بس حبيت اقربلج الفكره
حبيبتي اتحملي ومن اتكونين طالعه ضلي اتصلي بيه وحسسي انك ماناسيته ومومشغوله بشي ثاني
الله يوفقك ويثبت حملك وحملي يارب

[الأمورة سوس]

الله يصهدي بالك
انظري إلى إجابياته

[حياتي توأمي]

المشاركة الأصلية كتبت بواسطة يارب والباقي وحدك تعلمه

أنا ما اشوف فيه مشكلة ماشاء الله
قولي الحمدلله انه طيب ولايحرمك من امك ويخرجك ويجيب طلباتك
غيرك عايش بضيق وحبسة ونكد وزاجهم حارمينهم من كل مشوار
صح كل شخص له سلبيات بس ننظر للجانب الايجابي بشكل اوسع ونتجاهل السبيات عشان نقدر نعيش
واكيد انتي فيك سلبيات وهو شاري خاطرك ورضاك
الله يسعدكم ويخليكم لبعض

بالظبط

اعتقد يا اختي مافي مشكله
وطبعاً الزوج بالمرتبه الأولى هو أهم من صديقاتك
والأفضل تخففي من زياراتهم لك بيتك وزوجك أولى
حبيبتي فيه بنات عايشين بعذاب من ازواجهم ادخلي لمواضيع مشاكل غيرك راح تهون عليك بلوتك مع ان اعتقد مشكلتك بسيطه جداً

[شوق وحنين]

أعتقد زوجج يحبج لدرجة إن ما يبي يحرمج من صديقاتج بس في نفس الوقت يضايقه انهم يطولون في البيت - وهذي من حقه - لأن يحد من حريته وحركته.

ومن وجهة نظري مو حلوة أبداً الزيارات تستمر لي الفجر، وممكن يضر هالشي بسمعة البنات.

يمكن انتي متعودة على هالوضع من صغرج بس هو جديد عليه.

[ام جوري&&]

حبيتي الواضح ان زوجك حنون وعادي غلط مره والانسان مو معصوم من الغلط واذا على صدقياتك حاولي تقنعيه تفهميه بهدوء وتعوديه انهم لازم يزورك بين فتره وفتره وانشاءالله بيتفهم وانتي لاتصعبي الامور ومشكلتك مش صعبه والله يوفقك ياعسل